ភាពគ្មានកូន គឺជារឿងដ៏គួរឲ្យព្រួបារម្ភខ្លាំងបំផុតសម្រាប់គូស្នេហ៍ភាគច្រើន ព្រោះវាអាចបំផ្លាញ់ទំនាក់ទំនងរបស់ពួកគេបាន។ វេជ្ជបណ្ឌិត Rita Bakshi ជាអ្នកឯកទេសរោគស្ត្រី បាននិយាយថា ភាពគ្មានកូនមិនមែនបណ្តោលមកពីស្ត្រីតែម្នាក់ឯងនោះទេ សូម្បីតែបុរស ក៏ជាចំណែកមួយនៃការអត់កូនផងដែរ។ វេជ្ជបណ្ឌិត Bakshi បានបន្តទៀតថា មានមូលហេតុជាច្រើនដែលបណ្តោលឲ្យគូស្វាមីភរិយា ខ្វះសមត្ថភាពក្នុងការមានកូន ជាពិសេសកត្តា៣ចំណុចនេះ។
ស្ត្រេសខ្លាំង
បញ្ហាស្ត្រេស មិនត្រឹមតែធ្វើឲ្យប៉ះពាល់ដល់សុខភាពទូទៅរបស់មនុស្សទាំងពីរភេទនោះទេ វាក៏អាចជះឥទ្ធិពលអាក្រក់ដល់ការមានកូនផងដែរ។ ដូច្នេះ ដើម្បីជៀសផុតពីបញ្ហាអត់កូន សូមព្យាយាមកាត់បន្ថយបញ្ហាស្ត្រេសឲ្យបាន។
ទម្លាប់ជក់បារី និងសេពគ្រឿងស្រវឹង
របស់ពីរយ៉ាងនេះ អាចបំផ្លាញ់សុខភាពធ្ងន់ធ្ងរ ប្រសិនបើអ្នកប្រើប្រាស់យូរអង្វែង។ លើសពីនេះទៅទៀត វាអាចបំផ្លាញដល់សមត្ថភាពក្នុងការមានកូនរបស់បុរស ហើយស្ត្រីវិញអាចបណ្តោលឲ្យមានគ្រោះថ្នាក់ខ្លាំងបំផុតដល់កូនក្នុងផ្ទៃ (ជាពិសេសរលូត)។
របៀការនៅវ័យចាស់ពេក
វ័យត្រូវយកកូនចំពោះបុរស គឺអត់កំណត់នោះទេ ក៏ប៉ុន្តែសម្រាប់ស្ត្រីវិញ ហ៊ានតែបណ្តោលខ្លួនឲ្យឈានដល់ចន្លោះវ័យ ៣២ ដល់ ៤០ឆ្នាំ ឱកាសនៃការមានកូន គឺតិចណាស់។ ដូច្នេះ ស្ត្រីគួរតែកំណត់ក្នុងការយកកូននៅវ័យ ២៥ចុះ ទើបប្រសើរ ហើយកូនកើតមកមានសុខភាពល្អថែមទៀត។
ក្រៅពីកត្តាសំខាន់ទាំង ៣ចំណុចខាងលើនេះ នៅមានកត្តារួមផ្សំមួយចំនួនទៀតដូចជា៖ ខ្សោយគុណភាពស៊ុត, ចំនួនមេជីវិតឈ្មោលតិច, ក្រពេញអូវែមានជំងឺ, បញ្ហាឆាប់ចេញទឹកកាម, អតុល្យភាពអ័រម៉ូន និងកត្តាហ្សែន ក៏ជាកត្តាដែលនាំឲ្យអត់កូនផងដែរ៕
