វេជ្ជបណ្ឌិតនៅមន្ទីពេទ្យកុមារ សហរដ្ឋអាមេរិក បានមានប្រសាសន៍ថា “សព្វថ្ងៃនេះការច្នៃប្រឌិត និងការអភិវឌ្ឍន៏ភេស្ជជៈផ្សេងៗឲ្យមានរសជាតិ កំពុងតែក្លាយជារឿងសំខាន់មួយដែលត្រូវតាមសង្កេតមើល ព្រោះកុមារដែលផឹកភេស្ជជៈដែលមានរសជាតិផ្អែមខ្លាំង នឹងធ្វើឲ្យកុមាររឹតតែចូលចិត្ត និងញៀនភេស្ជជៈនោះកាន់តែច្រើនឡើងជារឿយៗ “ នេះជាបញ្ហាដែលធ្វើឲ្យសមាគមបានណែនាំឲ្យឪពុកម្តាយទាំងឡាយត្រូវចេះ ជ្រើសរើសភេស្ជជៈដែលត្រឹមត្រូវសម្រាប់កុមារ។
០១.ភេសជ្ជៈដែលកុមារអាចផឹកបានរហូត
ទឹកដោះ ៖ ក្មេងអាយុ ១ទៅ២ខួបគួរផឹកទឹកដោះឲ្យបានគ្រប់ចំនួន (បើនៅក្នុងក្រុមគ្រួសាដែលមានប្រវត្តិកើតរោគធាត់ ឬរោគបេះដូង អាចជ្រើសយកទឹកដោះដែលមិនសូវមានជាតិប៊័របាន ដោយប្រឹក្សាគ្រូពេទ្យជាមុន) ចំណែកបន្ទាប់ពី ២ខួបទៅហើយនោះ ក៏ឲ្យផឹកទឹកដោះប្រភេទគ្មានជាតិខ្លាញ់បាន ហើយក្នុងវ័យនេះកុមារចាំបាច់ត្រូវតែបានទទួលវិតាមីន D និងកាល់ស្យូមផងដែរ ។
ទឹកបរិសុទ្ធ ៖ ផឹកបានគ្រប់ពេលវេលាតាមតំរូវការ និងតាមលក្ខណះកិច្ចការដែលធ្វើឲ្យកុមារបាត់បង់ញើស ឬតាមស្ថានភាពធាតុអាកាស និងទម្ងន់ខ្លួនរបស់ក្មេង តែ…តើមានកុមារណាដែលចូលចិត្តតែទឹកសាបឈឹងនោះ? លោកអ្នកអាចបន្ថែមរសជាតិទឹកបរិសុទ្ធដោយការហាន់ផ្លែឈើជាដុំតូចៗដាក់ចូលទៅ ឬក៏យកដុំផ្លែឈើដែលហាន់ហើយនោះទៅដាក់ក្នុងទូទឹកកកក្នុងកន្លែងកក យើងនឹងបានដុំទឹកកកដែលមានផ្លែឈើនៅខាងក្នុង ពេលញ៉ាំទឹកក៏មានរសជាតិផ្លែកមួយបែបទៀតដែរ ។
០២. ភេសជ្ជៈដែលកុមារអាចផឹកបានម្តងម្កាល
ទឹកផ្លែឈើ ៖ គួរជ្រើសរើសផឹកទឹកផ្លែឈើ ១០០ភាគរយ ដែលមិនមានលាយស្ករ សម្រាប់ក្មេងអាយុ ១ទៅ៦ឆ្នាំអាចផឹកបានក្នុងមួយថ្ងៃ ៤ទៅ៦អោន ឬ ១២០ទៅ១៨០180មីលីលីត្រ បើផឹកច្រើនជាងនេះ នឹងបង្កើនបរិមាណកាល់ឡូរី ហើយដែលសំខាន់នោះគឺ សារធាតុសសៃក្នុងទឹកផ្លែឈើនៅតែតិចជាងការញ៉ាំផ្លែឈើស្រស់ដដែល ។
០៣. ភេសជ្ជៈដែលកុមារត្រូវផឹកយូរៗម្តង
វីតាមីន ៖ ភេស្ជជៈ វីតាមីនវាគ្រាន់តែទឹកធម្មតាដែលមានលាយវីតាមីនស្តើងៗ(ដែលកុមារក៏បានទទួលពីអាហារផ្សេង ទៀតស្រាប់ហើយ ) តែបើចង់ឲ្យកូនញ៉ាំ ក៏សុំឲ្យជ្រើសយកបែបគ្មានជាតិស្ករទើបជាការល្អ ។
០៤.ភេសជ្ជៈដែលកុមារមិនគួរផឹក
ទឹកតែ សូដា កាហ្វេ ឬសូម្បីតែភេស្ជជះប៉ូវកម្លាំងក៏ដោយ ទឹកសូដា គ្មានគុណប្រយោជន៏សម្រាប់សុខភាពទេ
ចំណែកកាហ្វេវិញ វានឹងទៅជំរុញប្រព័ន្ធរាងកាយឲ្យធ្វើការធ្វន់ ហើយថែមទាំងធ្វើឲ្យញៀនទៀតផង៕
