អ្នកម្តាយថ្មោងថ្មីជាច្រើនតែងតែមានការព្រួយបារម្ភចំពោះការផ្តល់ទឹកឲ្យទារកទទួលទាន រហូតមានអ្នកខ្លះលើកសំនួរមកថា តើពួកគេអាចផ្តល់ទឹកតិចតួចសម្រាប់ទារកបានដែរឬទេ? សំនួរមួយនេះត្រូវបានបដិសេធពីអ្នកជំនាញ ហើយត្រូវរចាំរហូតទារកមានអាយុ ៦ខែ ទើបអាចផ្តល់ទឹកឲ្យពួកគេបាន។
ខាងក្រោមនេះ គឺជាកត្តាមួយចំនួនដែលអ្នកគួរតែដឹង មុនពេលផ្តល់ទឹកឲ្យទារក៖
១.ទឹកមិនល្អសម្រាប់ទារកក្រោមអាយុ ៦ខែឡើង ព្រោះវាមានមិនមានជាតិកាឡូរី ហើយអាចបង្អាក់ដល់ការទទួលសារធាតុចិញ្ចឹម និងកាឡូរីពីទឹកដោះរបស់អ្នកម្តាយ។ អ្នកជំនាញ បាននិយាយថា ការឡូរីនៅក្នុងទឹកដោះ ពិតជាមានសារៈសំខាន់ខ្លាំងណាស់សម្រាប់ ការលូតលាស់រូបរាងកាយ និងផ្លូវចិត្ត របស់ទារកអំឡុងពេល៦ខែដំបូង។
២.កុំបារម្ភចំពោះបញ្ហាខ្វះជាតិទឹក ព្រោះទឹកដោះម្តាយផ្តល់នូវសាធាតុសំខាន់ៗគ្រប់បែបយ៉ាងដែលទារកត្រូវការ រួមទាំងជាតិទឹកផងដែរ។ ដូច្នេះ អ្នកពុំចាំបាច់ផ្តល់ទឹកឲ្យទារកឡើយ អំឡុងពេល ៦ខែ ប្រសិនបើពួកគេបៅដោះម្តាយ។
៣.ការផ្តល់ទឹកឲ្យទារកមុនអាយុ ៦ខែ អាចរំខានដល់សមត្ថភាពរាងកាយក្នុងការស្រូបយកសារធាតុចិញ្ចឹម នៅក្នុងទឹកដោះម្តាយ។ ការផ្តល់ទឹកឲ្យទារកច្រើន ពួកគេនឹងមានអារម្មណ៍ឆ្អែត ហើយមិនចង់បៅដោះឡើយ។
៤.នៅពេលទារកមានអាយុលើស៦ខែ អ្នកអាចផ្តល់អាហារបំប៉នបន្ថែមដល់ពួកគេ ហើយក៏អាចផ្តល់ទឹកផងដែរ ព្រោះទឹកអាចជួយដល់ការរំលាយអាហារ។
៥.ប្រសិនបើអ្នកផ្តល់ទឹកឆ្អិនឲ្យទារក កុំភ្លេចថា ក្រោយពេលដាំពុះហើយត្រូវរងចាំរហូតទាល់តែទឹកចុះត្រជាក់ ១០០ភាគរយសិន ទើបផ្តល់ឲ្យទារក។
៦.កុំផ្តល់ទឹកដល់ទារកច្រើនពេក ព្រោះវាអាចធ្វើឲ្យជាតិសូដ្យូមប្រមូលផ្តុមនៅក្នុងខ្លួន ដែលនាំឲ្យអតុល្យភាពអេឡិចត្រូលីត្រ និងហើមជាលិកា ដោយសារតែជាតិទឹកលើសកម្រិត។
៧.សូមធ្វើការពិគ្រោះជាមួយគ្រូពេទ្យជំនាញឲ្យបានត្រឹមត្រូវ ប្រសិនបើអ្នកចង់ផ្តល់ទឹកឲ្យទារកមុនអាយុ ៦ឆ្នាំ៕
ផលប៉ះពាល់នៃការឲ្យទារកក្រោមអាយុ៦ខែទទួលទានទឹក
អ្នកម្តាយភាគច្រើនតែងតែទម្លាប់បន្តក់ទឹកទារក នៅពេលដែលពួកគេស្រែកយំខ្លាំងៗ ក៏ប៉ុន្តែទង្វើមួយមិនពិតជាមិនល្អឡើយសម្រាប់ទារកក្រោម៦ខែ។ បើយោងតាមគេហទំព័រ boldsky បានចុះផ្សាយថា ការឲ្យទារកទើបនឹងកើតទទួលទានទឹកច្រើនពេក អាចបណ្តោលឲ្យមានផលវិបាកយ៉ាងធ្ងន់ធ្ងរ។
ការផ្តល់ទឹកឲ្យទារកក្រោម៦ខែទទួលទានទឹកច្រើនពេក អាចបណ្តោលឲ្យពុល ព្រោះទឹកអាចផ្លាស់ប្តូរតុល្យភាពនៃអេឡិចត្រូលីត ក្នុងរាងកាយរបស់ទារក ងាយប្រឈមនឹងបញ្ហាហើមពោះ ប៉ះពាល់ដល់ខួរក្បាល និងបេះដូងថែមទៀត។
អ្នកត្រូវចាំទុកថា ទឹកដោះម្តាយមានសារធាតុចិញ្ចឹមគ្រប់បែបយ៉ាងដែលទារកត្រូវការ សូម្បីតែជាតិទឹក ដូច្នេះអ្នកមិនត្រូវផ្តល់អ្វីផ្តេសផ្តាស់ឲ្យទារកក្រោម៦ខែទទួលទានក្រៅពីទឹកដោះម្តាយនោះទេ៕
