បុរស១៧ប្រភេទ ដែលនារីៗមិនគួរ​យក​ធ្វើជា​ស្វាមី

0

ពេល​យើង​ចង់​ស្រឡាញ់​នរណាម្នាក់ វា​មិនមែនជា​រឿង​ពិបាក​នោះទេ តែ​ពេល​ចង់​ឈប់​ស្រឡាញ់​វិញ ទើប​វា​មិនមែនជា​រឿង​ងាយស្រួល​ឡើយ តែ​ដល់​ថ្ងៃ​ណាមួយ ដែល​គេ «មិនមែនជា​មនុស្ស​ដែល​យើង​ត្រូវការ» ទោះ​ទ្រាំ​តទៅទៀត «ក៏​នៅតែ​មិនមែនជា​មនុស្ស​ដែល​យើង​ត្រូវការ» ដដែល។

 

 

 

ថ្ងៃនេះ យើង​សូម​នាំយក​បុរស​គំរូ 17បែប ដែលនារីៗយើង​មិនគួរ​ខាត​ពេល​ជាមួយ មក​ជម្រាបជូន ដើម្បី​ពិចារណា​ថា តើ​មនុស្ស​ដែល​យើង​កំពុង​សេពគប់​នោះ​កំពុង​ស្ថិតក្នុង 17 បែបនេះ​ឬក៏​អត់?

1 . បុរស​ដែល​គិតថា ការងារ​ផ្ទះ​ជា​រឿង​របស់ស្រីៗ និង​មិនចេះ​ជួយ ឬ​គិតថា​មិនមែនជា​រឿង​ខុស​ទេ ដែល​មនុស្ស​ប្រុស​មាន​ស្រី​ក្រៅ​ផ្ទះ។

2 . មាន​បំណុល​វ័​ន្ឌ​ក បំណុល​ភ្នាល់​បាល់ កាត​ក្រេ​ឌី​ត និង​បំណុលផ្សេងៗ និង​មិន​គិត​ចង់​ដោះបំណុល។

3 . បុរស​វ័យ​ធ្វើ​ការដែល​នៅតែ​អង្គុយលេង​ហ្គេម​រាល់ថ្ងៃ និង​មិន​ព្រមធ្វើ​ការងារ​អ្វី​ក្រៅតែពី​គេង​ក្នុង​ថ្ងៃ​ឈប់សម្រាក។

4 . បុរស​ដែល​អាយុ​ច្រើនជាង​យើង តែ​មិន​គិត​អភិវឌ្ឍ​ខួរក្បាល​ខ្លួនឯង។

5 . បុរស​ដែល​អាយុ​តិចជាង​យើង ដែល​គិតថា​យើង​មាន​ប្រាក់ចំណូល​ច្រើនជាង និង​គិតតែ​ពី​ឱ្យ​យើង​ចេញ​លុយ។

 

 

6 . មិន​នាំ​យើង​ទៅ​ណែនាំ​ឱ្យ​ក្រុមគ្រួសារ​របស់គេ​ស្គាល់។

7 . បុរស​ដែល​មិន​ប្រាកដ​ក្នុង​ចិត្ត​ថា ស្រឡាញ់​មនុស្ស​ស្រី ឬ​អត់។

8 . បុរស​ដែលមាន​គ្រួសារ​ហើយ រួច​អះអាងថា​រស់នៅ​បែក​គ្នា តែ​មិនអាច​លែងលះ​បាន។

9 . មិនអាច​លះបង់​ពេលវេលា​ការងារ​ដើម្បី​យើង​បាន ទោះជា​រឿង​បន្ទាន់​ប៉ុនណា​ក៏ដោយ។

10 . បុរស​ដែល Give silent treatment  មាន​មាត់​តែ​មិនចេះ​និយាយ ពេល​ជជែក​គ្នា មានរឿង​ពេលណា ស្ងៀម​រហូត!!។

11 . បុរស​ដែលមាន​ឬ​ក​ពារ​ជា​ប្រុស​ជ្រុល មិន​ដើរ​ដឹក​ដៃ មិន​ជួយ​កាន់​របស់របរ និង​ដើរ​នាំមុខ​មនុស្ស​ស្រី​រហូត។

12 . មិន​គិត​ចង់​រៀបការ​ជាមួយ​យើង គ្មាន​ការ​សន្សំ​ប្រាក់​ដើម្បី​ទុក​រៀបការ ឬ​សាង​គ្រួសារ និង​មិនដែល​និយាយ​គ្នា​អំពី​រឿងនេះ។

 

 

 

13 . បុរស​ដែល​សេពគប់​ជាមួយ​យើង​ព្រោះ​ឃើញ​យើង​មាន សង្ឃឹម​ចង់បាន​លុយ ឬ​ផលប្រយោជន៍​ពី​យើង និង​ក្រុមគ្រួសារ​យើង។

14 . បុរស​ដែល​មិន​គោរព​ឪពុកម្តាយ​យើង។

15 . និយាយ​អាក្រក់​ជាមួយ​អ្នកដទៃ តែ​និយាយ​ល្អជា​មួយ​យើង!!។

16 . បុរស​ដែល​ចាំតែ​ប្រាប់​ឱ្យ​យើង​ទៅ​ពេទ្យ​ពេល​យើង​ឈឺ​ថ្កាត់ តែ​មិនដែល​នាំ​យើង​ទៅ​ពេទ្យ។

17 . បុរស​ដែល​ចូលចិត្ត​និយាយថា មិនចាំបាច់​ធ្វើ​ល្អ​ក្នុង​ថ្ងៃ​ពិសេស​ណាមួយ​ទេ ថ្ងៃ​ណា​ក៏​ធ្វើ​បានដែរ (ថ្ងៃ​ពិសេស​វា​មិន​ធ្វើ​ផង ចុះ​ទំរាំ​ថ្ងៃ​ធម្មតា កុំ​សង្ឃឹម!)៕

 

 

 

៤ចំណុច​បញ្ជាក់ថា ស្វាមី​ដែល​អ្នក​រើស​ពិតជា​មិន​ខុស

នារី​ភាគច្រើន​តែងតែ​ចង់បាន​ស្វាមី ជា​អ្នកមាន ឡូយឆាយ ដោយ​មិនបាន​គិតថា គេ​អាច​ក្លាយជា​ស្វាមី​ដ៏​ល្អ​សម្រាប់​ខ្លួន​ឡើយ។ ប៉ុន្តែ ប្រសិនបើ​អ្នក​បាន​ជួប​បុរស​ដែលមាន​លក្ខខណ្ឌ​ទាំង ៤ចំណុច​នេះ បញ្ជាក់ថា អ្នក​រើស​ស្វាមី​មិន​ខុស​នោះទេ។

 

 

 

ចេះ​យកអាសារ​នៅពេល​អ្នក​ជួប​បញ្ហា

អ្នក​អាច​សង្កេតមើល​សកម្មភាព​របស់​ស្វាមី​ដោយ​ខ្លួនឯង នៅពេលដែល​អ្នក​មិន​ស្រួលខ្លួន។ តើ​គាត់​រត់​ទៅធ្វើ​ការបាត់ ទុក​ឲ្យ​អ្នក​ទៅ​ពេទ្យ​ដោយ​ខ្លួនឯង ឬ​គាត់​សុំច្បាប់​ការងារ​ដើម្បី​ជូន​អ្នក​ទៅ​ពេទ្យ? ជាពិសេស បី​ទោះជា​គាត់​ចម្អិន​អាហារ​ឲ្យ​អ្នក​ញ៉ាំ​ទៀត​នោះ គឺ​កាន់តែ​បញ្ជាក់​យ៉ាងច្បាស់​ថា​គាត់​ជា​ស្វាមី​ដែល​ចេះ​យល់ចិត្ត​ប្រពន្ធ​ជាទីបំផុត។

យកចិត្តទុកដាក់​ចំពោះ​អ្នកជា​និច្ច

ប្តី​ល្អ​តែងតែ​យល់ច្បាស់​ពី​ទំហំ​ការងារ​របស់​ភរិយា​ដែល​ត្រូវធ្វើ​នៅក្នុង​ផ្ទះ។ ដូច្នេះ គាត់​តែ​ព្យាយាម​ជួយ​សម្រាល​បន្ទុក​របស់​ប្រពន្ធ​ជានិច្ច ទោះបីជា​ការងារ​នោះ​ធ្ងន់ ឬ​ស្រាល​យ៉ាងណាក្តី។

 

 

 

ចេះ​ផ្តល់​សេរីភាព​ដល់​អ្នក

ប្តី​ល្អ​មិនដែល​ជ្រៀតជ្រែក​សេរីភាព​របស់​ភរិយា​ឡើយ ព្រោះ​គាត់​ដឹងថា អ្នកត្រូវការ​សេរីភាព​ផ្ទាល់ខ្លួន​ខ្លះ។ ជាពិសេស​គាត់​តែងតែ​នៅចាំ​ជួយ​ដល់​អ្នកជា​និច្ច គ្រប់​ពេលដែល​អ្នកត្រូវកា​រ​គាត់។

ផ្តល់​ក្តី​សុខ​ដល់​អ្នក​គ្រប់ពេល

ប្រសិនបើ​ស្វាមី​របស់​អ្នក​តែងតែ​ព្យាយាម​ធ្វើ​ឲ្យ​អ្នក​ញញឹម​គ្រប់ពេល ដោយ​មិន​ចង់​បានការ​តបស្នង​អ្វី​ពី​អ្នក​សោះ​នោះ មានន័យថា​គាត់​ជា​ស្វាមី​ស្រឡាញ់​អ្នកខ្លាំង​បំផុត៕

 

 

 

អាកប្បកិរិយា ៥ចំណុច​បង្ហាញថា ស្វាមី​របស់​អ្នក​មិន​គោរព​អ្នក​ឡើយ

តើ​អាកប្ប​កិរ​យា​បែបណាខ្លះ ដែល​បញ្ជាក់ថា ស្វាមី​មិនចេះ​គោរព​ភរិយា? តាមពិត​ឥរិយាបទ​មិន​គោរព​មាន​ច្រើនយ៉ាង​ណាស់ ដែល​ភរិយា​ទាំងឡាយ​អាច​រៀន​សង្កេតមើល​ដោយ​ខ្លួនឯងបាន។ ជាពិសេស ប្រសិនបើ​ស្វាមី​មិនសូវ​យកចិត្តទុកដាក់​ចំពោះ​អ្នក ហើយ​មិនដែល​មើលឃើញ​ពី​គុណ​តម្លៃ​របស់​អ្នក​ជាដើម។

 

 

 

ខាងក្រោម​នេះ ជា​អាកា​ប្ប​កិរិយា​ទាំង៥ចំណុច​ដែល​បង្ហាញថា ស្វាមី​របស់​អ្នក​មិនដែល​គោរព​អ្នក​ឡើយ៖

១/ គាត់​មិនដែល​ប្រឹក្សា​ជាមួយ​អ្នក​ឡើយ

បើទោះបីជា​មានរឿង​អ្វី​ក៏ដោយ គាត់​តែងតែ​សម្រេចចិត្ត​ម្នាក់ឯង​ជានិច្ច ហើយ​មិនដែល​ពិភាគ្សា​ជាមួយនឹង​អ្នក​ឡើយ។ បានន័យថា គាត់​មិន​ទុក​អ្នកជា​មនុស្ស​សំខាន់ នៅក្នុង​ជីវិត​របស់គាត់​នៅឡើយ។

២/ មិនដែល​វល់​នឹង​បំណងប្រាថ្នា​របស់​អ្នក​ឡើយ

ប្រសិនបើ​អ្នក​ចង់​ពិភាក្សា​ពី​ក្តី​ប្រាថ្នា​របស់​អ្នក​ទៅ​ថ្ងៃ​អ​នា​គត់​ជាមួយនឹង​គាត់ ប៉ុន្តែ​គាត់​ហាក់ដូចជា​មិន​រវីរវល់​ចំពោះ​ក្តីសង្ឃឹម​នេះ​ទេ មានន័យថា គាត់​មិនបាន​គោរព ឬ​ខ្វាយខ្វល់​ពី​ក្តីសង្ឃឹម​ក្នុង​ជីវិត​របស់​អ្នក​ឡើយ។

 

 

៣/ ចូលចិត្ត​រិះគន់​អ្នក

ជាធម្មតា​គូស្នេហ៍​ដែល​ចេះ​គោរព​គ្នា តែងតែ​ផ្តល់​តម្លៃ នឹង​ជួយ​កែតម្រូវ​កំហុសឆ្គង​ដល់​គ្នា​ទៅវិញទៅមក។ តែ​ប្រសិនបើ​ស្វាមី​របស់​អ្នក​តែងតែ​រិះគន់ និង​ចាំ​ចាប់កំហុស​អ្នក​គ្រប់ពេល បានន័យថា​គាត់​កំពុងតែ​មិន​គោរព​ចំពោះ​អ្នក​ហើយ។

៤/ និយាយដើម​អ្នក​ប្រាប់​អ្នកដទៃ

ប្រសិនបើ​គាត់​ឧស្សាហ៍​និយាយ​ពី​ចំណុច​អាក្រក់​របស់​អ្នក​ប្រាប់​ដល់​ម្តាយ​របស់គាត់ ឬ​មិន​ភក្តិ​ជិតស្និត​របស់គាត់​ជា​ញឹកញាប់ មានន័យថា គាត់​គ្មាន​ការគោរព​អ្នក​ដែលជា​ភរិយា​បន្តិច​ឡើយ។

 

 

៥/ មិន​សប្បាយចិត្ត​ពេលវេលា​នៅ​ជាមួយ​អ្នក

រាល់ពេល​នៅ​ជាមួយនឹង​គាត់​តែងតែ​មិន​សប្បាយចិត្ត ឬ​ធ្វើ​មុខគួរ​ឲ្យ​ធុញទ្រាន់ បានន័យថា គាត់​គ្មាន​ទុក​អ្នក​នៅក្នុង​កែវភ្នែក​ទៀតឡើយ។ ជាពិសេស ប្រសិនបើ​គាត់​តែងតែ​ចង់​គេចវេស មិន​ចង់​និយាយ​តទល់​ជាមួយនឹង​អ្នក៕