ងាយ​ដល់​ម្លឹ​ង! ចង់​កម្ចាត់​មុន​ក្បាល​ខ្មៅ​នៅលើ​ច្រមុះ​គេ​ធ្វើបែបនេះ​សោះ

0

មុន​ក្បាល​ខ្មៅ គឺជា​ចំណុច​ខ្មៅតូចៗដែល​កើតមាន​នៅលើ​ផ្ទៃមុខ ជាពិសេស​នៅ​ជុំវិញ​តំបន់​ច្រមុះ​តែម្តង។ មុន​ក្បាល​ខ្មៅ​នេះ កើតឡើង​ដោយសារតែ​ជាតិ​ខ្លាញ់ មេរោគ ធូលី​ដី និង​កោសិកា​ស្បែកងាប់ៗ នៅ​កកស្ទះ​ក្នុង​រន្ធ​រោម។ តែ​ទោះជា​យ៉ាងណាក៏ដោយ មិន​មិនចាំបាច់​ខ្វាយខ្វល់​ទៀតឡើយ ព្រោះ​មន្ត​ក្បាល​ខ្មៅ អាច​កម្ចាត់​បាន ដោយ​ប្រើ​វិធី​ងាយ​ប៉ុណ្ណោះ។

 

 

 

ធាតុ​ផ្សំៈ
កន្សែង​ស្អាត និង​ទឹក​ក្តៅ
អំបិល​មួយ​ចិ​ប
ទឹកក្រូច​ឆ្មារ​កន្លះ​ស្លាប​កាហ្វេ
ទឹកឃ្មុំ ១ស្លាបព្រា​កាហ្វេ

របៀប​ប្រើប្រាស់ៈ
១.ចាប់ផ្តើម​យក​កន្សែង​ជ្រលក់​ក្នុង​ទឹក​ក្តៅ រួច​ពូត​ឲ្យ​នៅសើមៗទើប​ស្អំ​លើ​ច្រមុះ​ចំនួន ១០នាទី ដើម្បី​បើក​រន្ធ​ញើស និង​រំលាយ​ជាតិ​ខ្លាញ់​ព្រមទាំង​ភាពកខ្វក់​ក្នុង​រន្ធ​ញើស។
២.ចាប់ផ្តើម​លាយ​អំបិល ទឹកឃ្មុំ និង​ក្រូចឆ្មារ លាយ​បញ្ចូល​គ្នា​ឲ្យ​ក្លាយទៅជា​ល្បាយ។
៣.យក​ល្បាយ​នេះ ម៉ាស្សាថ្នមៗត្រង់​ច្រមុះ រួច​ទុកចោល​រយៈពេល១០នាទី។
៤.បន្ទាប់មក​ប្រើ​កន្សែង​ស្អាត​មួយទៀត​ជ្រ​ល់​ទឹក​ក្តៅ ហើយ​ជុ​ត​សម្អាត​ចេញ។
៥.ចុងក្រោយ​ត្រូវ​លាង​សម្អាត​ផ្ទៃមុខ​ជាមួយនឹង​ទឹក​ធម្មតា​ម្តងទៀត ដើម្បី​បង្រួមរ​ណ្ធ​ញើស​ឡើងវិញ។
សូម​ព្យាយាម​អនុវត្ត​មួយថ្ងៃ​ម្តង​ជា​រៀងរាល់​ពេល​ល្ងាច មុន​ក្បាល​ខ្មៅ​នៅលើ​ចម្រុះ​របស់​អ្នកនឹង​ចាប់ផ្តើម​អស់​មុន​ក្បាល​ខ្មៅ​បន្តិចម្តងៗ បន្ទាប់បី​ប្រើ​បាន​មួយ​សប្តាហ៍​ដំបូង៕

 

ប្រភព៖DR