បន្ទាប់ពីរកឃើញ Cronobacter sakazakii នៅក្នុងគំរូផលិតផលម្សៅទឹកដោះគោសម្រាប់ទារក Dumex Mamail Gold Infant Milk Farmula-Step1 ដែលមានប្រភពដើមនៅប្រទេសម៉ាឡេស៊ី និងនាំចូលដោយក្រុមហ៊ុន Danone Dumex ក្រសួងពានិជ្ជកម្ម បានចេញសេចក្តីប្រកាសផ្តល់ដំណឹកដល់ប្រជាពលរដ្ឋទូទាំងប្រទេស ឈប់ប្រើប្រាស់ផលិតផលប្រភេទនេះតទៅទៀត។
អាជ្ញាធរសិង្ហបុរី បានផ្តល់ការណែនាំដល់ក្រុមហ៊ុននាំចូល ឲ្យប្រមូលត្រឡប់ទៅវិញនូវឡូតិ៍ផលិតផល ដែលមានបញ្ហា និងផ្តល់ដំបូន្មានដល់អ្នកប្រើប្រាស់ផ្តល់ជាអាហារសម្រាប់ទារក។
ដើម្បីទប់ស្កាត់គ្រោះថ្នាក់ដែលអាចប៉ះពាល់ ដល់សុខភាពជាយថាហេតុ អគ្គនាយកដ្ឋានកាំកុងត្រូល សូមអំពាវនាវដល់សាធារណជន សូមកុំទិញផលិតផលដែលមានអត្តសញ្ញាណ ដូចបានជម្រាបជូនខាងលើ និងសូមជួយសហការផ្តល់ព័ត៌មានដល់មន្ត្រីមានសមត្ថកិច្ច ក្នុងករណីបងប្អូនបានជួបប្រទះ។
ទឹកដោះគោ ៣ប្រភេទដែលក្រសួងសុខាភិបាល ហាមមិនអោយប្រើប្រាស់ដាច់ខាត
បើយោងតាមសេចក្ដីប្រកាសរបស់ក្រសួងសុខាភិបាល បានឲ្យដឹងថា ទឹកដោះគោម្សៅ ៣ប្រភេទ ដែលនឹងបង្កឲ្យមានគ្រោះថ្នាក់ ដល់សុខភាពអ្នកប្រើប្រាស់ ពិសេសសម្រាប់ ទារក កុមារតូចៗ ស្ដ្រីមានផ្ទៃពោះ និងស្រ្ដីកំពុងបំបៅដោះកូន ដែលក្នុងទឹកដោះគោនោះ មានឆ្លងមេរោគ សាលម៉ូណែល ដែលពេលនេះ ក្រសួងសុខាភិបាល កំពុងធ្វើការប្រមូលត្រលប់ពីទីផ្សារមកវិញ។
