ក្រោយពេលរៀបការរួច ប្រសិនបើអ្នកទាំងពីរចង់ឆាប់មានកូន តើត្រូវធ្វើដូចម្តេច? ក្រៅពីរួមភេទក្រោយពេលមករដូវ ខាងប្រុសត្រូវជៀសវាងរឿងមួយចំនួនទៀត ដើម្បីថែរក្សាសុខភាពឲ្យបានល្អ។ ព្រោះសុខភាពជាកត្តាដ៏សំខាន់ មុននឹងឈានដល់ការបង្កកំណើត ដូច្នេះអ្នកគួរតែធ្វើរឿងមួយចំនួននេះឲ្យបាន៖
១.មនុស្សប្រុសគួរតែព្យាយាមរក្សាទម្ងន់ឲ្យបានល្អ ប្រសិនបើអ្នកឡើងទម្ងន់ហួសកម្រិត នោះមេជីវិតឈ្មោលកាន់តែចុះខ្សោយ ដែលជាហេតុធ្វើឲ្យអ្នកអសមត្ថិភាពក្នុងការធ្វើឲ្យខាងស្រីមានផ្ទៃពោះ។
២.ក្នុងការកណីអ្នកជាមនុស្សាមានទម្លាប់ជក់បារី គួរតែផ្តាច់ភ្លាម ព្រោះវាមិនត្រឹមតែបំផ្លាញសួតនោះទេ សូម្បីតែឱកាសក្នុងការមានកូនក៏ត្រូវបំផ្លាញដូចគ្នាដែរ។
៣.គួរពិនិត្យសុខភាពឲ្យបានទៀតទាត់ ដើម្បីដឹងថាមេជីវិតឈ្មោលមានសុខភាពល្អដែរឬទេ។ ប្រសិនបើមានបញ្ហា គ្រូពេទ្យអាចជួយព្យាបាលបានទាន់ពេលវេលា។
៤.តើអ្នកចូលចិត្តទទួលទានកាហ្វេមែនទេ? បើដូច្នោះមែនគួរតែកាត់បន្ថយទៅ ព្រោះវាក៏ជាដើមហេតុដែលអាចបណ្តោលសមត្ថភាពក្នុងការមានកូនត្រូវចុះទន់ខ្សោយដែរ។
៥.ព្យាយាមធ្វើចិត្តឲ្យសប្បាយៗ ហើយកុំគិតច្រើនឲ្យសោះ ព្រោះបញ្ហាស្ត្រេសជាឧបសគ្គដ៏ធំបំផុត សម្រាប់ការមានកូនទាំងបុរស និងស្ត្រី៕
