ថ្មីៗមានជំងឺប្លែកមួយមុខទៀតហើយ ដែលភាសាបច្ចេកទេសហៅថា Hand Foot Mouth Disease បានផ្ទុះឡើងនៅលើកុមារតូច ជាពិសេសប្រទេសជិតខាងយើងតែម្តង។
រហូតមកដល់បច្ចុប្បន្ននេះប្រទេសកម្ពុជាយើងក៏មានករណីនេះកើតឡើងដែរ ដោយ មន្ទីរសំរាកព្យាបាលនិងសម្ភពកំពតសង់តេ ទទួលបានកុមារ ១០នាក់រួចទៅហើយ។
ដូច្នេះក្រុមគ្រូពេទ្យបានជូនដំណឹងដល់អាណាព្យាបាលទាំងអស់ មេត្តាប្រុងប្រយ័ត្ន និងអនាម័យខ្ពស់ ជាពិសេសក្មេងៗដែលចូលចិត្តលេងនៅទីសាធារណៈ សាលារៀន និងទីប្រជុំជនផ្សេងៗ ព្រោះជំងឺនេះងាយនឹងឆ្លងបំផុត។
ប្រសិនបើកុមារមានជំងឺបែបនេះសូមរួសរាន់នាំកូនមកទទួលសេវាព្យាបាលអោយទាន់ពេលវេលា និងមានវេជ្ជបញ្ជារត្រឹមត្រូវ។
