អ្នកស្រាវជ្រាវនៅសាកលវិទ្យាល័យ Harvard បានរកឃើញថា ខ្លាញ់មានផលប៉ះពាល់ខ្លាំងបំផុតដល់ការផលិតមេជីវិតឈ្មោល ព្រោះអាស៊ីតខ្លាញ់ឆ្អែតនៅក្នុងខ្លាញ់សត្វផ្សេងៗ អាចបំផ្លាញ់មេជីវិតឈ្មោលឲ្យចុះខ្សោយបន្តិចម្តងៗ រហូតធ្វើឲ្យអ្នកក្លាយជាមនុស្សអសមត្ថភាពក្នុងការមានកូន។ អាស្រ័យហេតុនេះ ទើបក្រុមអ្នកជំនាញបានផ្តល់អនុសាស្ត្រឲ្យប្រើប្រាស់ប្រេងរុក្ខជាតិ ដូចជាប្រេងអូលីវ ជំនួសវិញ ទើបមេជីវិតឈ្មោលមានសុខភាពល្អ ហើយមានសកម្ម។
ក្រុមអ្នកជំនាញ មានប្រសាសន៍ទៀតថា សម្រាប់ប្រុសៗដែលចង់បានកូនឆាប់ គួរជៀសវាងខ្លាញ់ ទោះបីជាសាច់ ឬនំដែលចម្អិនដោយប្រើខ្លាញ់ក៏ដោយ។ តែផ្ទុយទៅវិញ អ្នកគួរតែប្តូរមកប្រើប្រេងអូលីវ ហើយព្យាយាមទទួលទានត្រីដែលសម្បូរអាស៊ីតខ្លាញ់អូមេហ្គា ៣ ល្អជាង។
ម្យ៉ាងវិញទៀត អ្នកគួរតែកាត់បន្ថយការប្រើប្រាស់ផលិតផលធ្វើពីប្លាស្ទិចដូចជា ថង់ ដប កែវជ័រ ប្រអប់ដាក់អាហារ រួមទាំងឈើចាក់ធ្មេញ ព្រោះវាក៏ជាមូលហេតុដែលបណ្តោលឲ្យខ្សោយមេជីវិតឈ្មោលផងដែរ។ ក្រៅពីនេះ ប្រុសៗគួរតែឈប់ផឹកស្រា ជក់បារី ភេសជ្ជៈប៉ូវកម្លាំង និងព្យាយាមកាត់បន្ថយបញ្ហាស្ត្រេសឲ្យបាន៕
