ជាទូទៅមេជីវិតឈ្មោលមានប្រហែលជា ៥០ទៅ ៨៥ភាគរយ នៅក្នុងខ្លួនរបស់មនុស្សប្រុសម្នាក់។ ប៉ុន្តែអ្នកជំនាញអ៊ីស្រាអែល បានសិក្សាទៅលើបុរស១០៦នាក់ រយៈពេលមួយឆ្នាំពេញបានរកឃើញថា បុរសដែលមិនបានដាក់ទូរសព្ទដៃនៅក្នុងហោប៉ៅខោ ចំនួនមេជីវិតឈ្មោរបស់ពួកគេមានសុខភាពល្អ។ ផ្ទុយទៅវិញសម្រាប់បុរសដែលមានទម្លាប់ដាក់ទូរសព្ទដៃ នៅក្នុងហោប៉ៅខោ ចំនួនមេជីវិតឈ្មោលថយចុះសល់ត្រឹមតែ ១១ភាគរយប៉ុណ្ណោះ។
អ្នកស្រាវជ្រាវបានបន្តទៀតថា រលកវិទ្យុសកម្មដែលភាយចេញពីទូរសព្ទដៃ អាចបំផ្លាញ DNA នៅក្នុងមេជីវិតឈ្មោលរបស់បុរស ហេតុនេះហើយពួកគេត្រូវប្រឈមនឹងបញ្ហាអត់កូន។
អាស្រ័យហេតុនេះក្រុមអ្នកស្រាវជ្រាវបានផ្តល់អនុសាសន៍ ឲ្យប្រុសទាំងឡាយមានការប្រុងប្រយ័ត្នចំពោះទម្លាប់ដាក់ទូរសព្ទដៃ នៅក្នុងហោប៉ៅខោ ហើយទូរសព្ទត្រូវទុកឲ្យឆ្ងាយពីខ្លួនប្រហែលជាកន្លះម៉ែត្រទើបមានសុវត្ថិភាព៕
