ក្មេងប្រុសជនជាតិជប៉ុនម្នាក់ទើបតែត្រូវបានគេទទួលស្គាល់ថា ជាក្មេងដែលតូចជាងគេងបំផុតនៅលើពិភពលោក ដែលអាចរស់រានមានជីវិតក្រោយពេលកើតមិនគ្រប់ខែអាយុត្រឹម៣ខែកន្លះ និងមានទម្ងន់តិចជាង១/១០ នៃទារកទើបនឹងកើតធម្មតា។ ប៉ុន្តែបន្ទាប់ពីមើលថែអស់រយៈពេលកន្លះឆ្នាំ នៅឯមន្ទីរពេទ្យ តូក្យូ ក្មេងប្រុសរូបនោះមានទម្ងន់ ៣,២គីឡូក្រាម។
យោងតាមវេជ្ជបណ្ឌិត មកពីសាលកវិទ្យាល័យ Keio University Hospital បានបង្ហាញថា ស្ត្រីមានផ្ទៃពោះដែលមិនស្គាល់ឈ្មោះ ត្រូវបានធ្វើការវះកាត់សង្គ្រោះបន្ទាប់កាលពីខែសីហា ឆ្នាំមុន។ ក្មេងប្រុសបានកើតនៅអាយុ ២៤សប្តាហ៍ ដែលមានអាយុជិត ៣ខែកន្លះ ជាសប្តាហ៍អប្បរមានៃការមានផ្ទៃពោះ។
រូបភាពដំបូងបង្អស់បន្ទាប់ពីចាប់កំណើតពីរបីថ្ងៃ បានបង្ហាញឲ្យឃើញក្មេងប្រុសរូបនោះ មានទំហំតូចជាងបាតដៃទាំងពីររបស់មនុស្សពេញវ័យទៅទៀត។
ក្មេងប្រុសដ៏តូចរូបនេះ ត្រូវបានគេបញ្ជាក់ផងដែរថា មានសុខភាពល្អ អាចញ៉ាំបានធម្មតា ហើយម្តាយរបស់គាត់រីករាយណាស់ព្រោះបានឃើញកូនរីកធំធាត់ និងមានជីវិតរស់នៅដោយមានសុខភាពល្អ។ អ្នកតំណាងនៃសាលកវិទ្យាល័យ Keio University Hospital បាននិយាយថា អត្រានៃការរស់រានមានជីវិតរបស់ទារកដែលមានទម្ងន់តិចជាង ១គីឡូក្រាម នៅពេលកើតមាន ៩០ភាគរយ នៅក្នុងប្រទេសជប៉ុន។ នៅពេលដែលទារកកើតមកតិចជាង ៣០០ក្រាម នោះសមាមាត្រគឺប្រហែលជា ៥០ភាគរយប៉ុណ្ណោះ។
សូមបញ្ជាក់ផងដែរថា កំណត់ត្រានៃក្មេងស្រីតូចជាងគេបំផុតនៅក្នុងពិភពលោក ដែលបានរស់រានមានជីវិត គឺមានទម្ងន់ត្រឹមតែ ២៥២ក្រាម នៅប្រទេសអាឡឺម៉ង់៕
