ជំងឺស្ត្រូក ឬដាច់សរសៃឈាមខួរក្បាល បណ្តោលមកពីមូលហេតុចម្បងពីរយ៉ាង គឺការស្ទះសរសៃឈាមខួរក្បាល និងការខូចខាតនៃសរសៃឈាមខួរក្បាល។ ជំងឺនេះ មានការរីករាលដាលយ៉ាងឆាប់រហ័ស ហើយត្រូវបានគេសម្គាល់ឃើញតាមរយៈការរំខានភ្លាមៗនៃលំហូរឈាមខួរក្បាល។ ក្រោយពេលជំងឺកើតឡើង អ្នកអាចប្រឈមនឹងផលវិបាកទូទៅភ្លាមៗ ៤ចំណុច៖
១.ខ្សោយការចង់ចាំ ឬបាត់បង់ការចង់ចាំតែម្តង
២.និយាយលែងច្បាស់
៣.ខ្វិនដៃ ខ្វិនជើង ងាប់មួយចំហៀងខ្លួន ឬរាងកាយទាំងមូល
៤.វៀចមុខ វៀចមាត់
ជំងឺនេះភាគច្រើនកើតឡើងចំពោះមនុស្សដែលមានអាយុចាប់ពី ៤០ឆ្នាំឡើងទៅ បើឈានដល់ដំណាក់កាលធ្ងន់ធ្ងរអាចបាត់បង់ជីវិតបាន៕
