ការថើប គឺជាកាយវិការដ៏អស្ចារ្យមួយដែលបង្ហាញពីក្តីស្រឡាញ់ ភាពផ្អែមល្ហែម ភាពស្និតស្នាល និងភាពរ៉ូមែនទិចចំពោះគូស្នេហ៍។ ប៉ុន្តែក្រៅពីនេះ តើអ្នកដឹងទេថា ការថើបផ្តល់អត្ថប្រយោជន៍អស្ចារ្យខ្លាំងប៉ុណ្ណាចំពោះរាងកាយ? បើយោងតាមអ្នកជំនាញបានង្ហាញថា ការថើបគ្នាញឹកញាប់ អាចជួយបាននូវអត្ថប្រយោជន៍ដល់ទៅ៥ចំណុច៖
១.ពង្រឹងប្រព័ន្ធភាពស៊ាំ
បើយោងតាមការសិក្សាបានឲ្យដឹងថា ការថើបអាចជួយបង្កើនប្រព័ន្ធភាពស៊ាំឲ្យកាន់តែមានភាពរឹងមាំ ដែលធ្វើឲ្យរាងកាយជៀសផុតពីជំងឺមួយចំនួនបាន។
២.រក្សាបេះដូងឲ្យមានសុខភាពល្អ
ការថើប អាចជំនួយដល់បេះដូង និងកាត់បន្ថយបញ្ហាសម្ពាធឈាមឡើងខ្ពស់ លើសពីនេះវាអាចជួយឲ្យឈាមរត់ទូទាំងរាងកាយបានល្អ។
៣.ដុតបំផ្លាញកាឡូរី
ការថើបត្រឹម១នាទី ត្រូវបានគេចាត់ទុកជាលំហាត់ប្រាណមួយ ដែលអាចជួយដុតបំផ្លាញកាឡូរីនៅក្នុងរាងកាយ ហើយជួយឲ្យប្រព័ន្ធរំលាយអាហារដំំណើរការបានស្រួលថែមទៀត។
៤.ជួយឲ្យមានសម្រស់ក្មេងជាងវ័យ
ការថើបញឹកញាប់ ត្រូវបានគេចាត់ទុកជាឱសថដ៏មានប្រសិទ្ធភាពក្នុងការជួយឲ្យផ្ទៃមុខអ្នកមើលទៅក្មេងជាងវ័យ ដោយសារតែសាច់ដុំនៅលើផ្ទៃមុខមានចលនាច្រើន។
៥.ធ្វើឲ្យអ្នកមានអារម្មណ៍ស្រស់ថ្លា
យោងតាមការស្រាវជ្រាវមួយបានបង្ហាញថា ការថើបគ្នា អាចជួយកាត់បន្ថយបញ្ហាស្មុគស្មាញក្នុងអារម្មណ៍ ហើយវាអាចធ្វើឲ្យអ្នកមានអារម្មណ៍ស្រស់ថ្លាឡើងវិញ៕
