ជាការពិតណាស់ នៅក្នុងរដូវក្តៅគ្មានអ្វីល្អប្រសើរជាងទឹកដូងនោះទេ ព្រោះវាអាចជួយឲ្យរាងកាយមានភាពត្រជាក ផ្តល់ថាមពល និងមានប្រយោជន៍ដល់សុខភាពថែមទៀត។ ការទទួលទានទឹកដូង ជាទៀងទាត់ វានឹងជួយឲ្យសម្បុរស្បែកមានពណ៌ភ្លឺថ្លា ជួយសម្រកទម្ងន់ កាត់បន្ថយការឈឺចាប់ ការកើតមុន ពង្រឹងប្រព័ន្ធភាពស៊ាំ និងជួយគាំទ្រដល់ប្រព័ន្ធរំលាយអាហារ។
ទោះជាយ៉ាងណាអ្នកត្រូវចង់ចាំថា ប្រសិនបើស្ថិតនៅក្នុងលក្ខខណ្ឌ៣ចំណុចនេះ មិនគួរទទួលទានទឹកដូងឡើយ៖
១.ទឹកដូងដែលចាក់ចេញពីផ្លែរយៈពេលយូរ មិនត្រូវទទួលទាននោះទេ។
២.ដូងដែលទុកចោលក្រោមពន្លឺព្រះអាទិត្យយូរ ហាមទិញមទទួលទានព្រោះវាអាចធ្វើឲ្យអ្នក ហើមពោះ ឬក្តៅខ្លួនបាន។
៣.ចំពោះអ្នកជំងឺសម្ពាធឈាមទាប រលាកសន្លាក់ឆ្អឹង ជាពិសេសស្ត្រីមានផ្ទៃពោះត្រីមានដំបូង ក៏ពុំគួរទទួលទានទឹកដូងដែរ៕
