មនុស្សជាច្រើនមិនបានដឹងថា គុណភាពនៃការគេងមិនត្រឹមតែអាស្រ័យទៅលើស្ថានភាពសុខភាពនោះទេ ប៉ុន្តែវាក៏អាស្រ័យទៅលើការញ៉ាំផងដែរ។
ដូច្នេះ ដើម្បីឲ្យការគេងរបស់លោកអ្នកគ្មានការរំខាន អ្នកគួរតែជៀសវាងអាហារមួយចំនួន៖
កុំផឹកគ្រឿងស្រវឹង
ការផឹកគ្រឿងស្រវឹង ពិតជាអាចជួយឲ្យមនុស្សគេងលក់លឿន ប៉ុន្តែវាក៏មានផលប៉ះពាល់ដល់គុណភាពនៃការគេងផងដែរ។ គ្រឿងស្រវឹង អាចធ្វើឲ្យអ្នកបែកញើសច្រើន ឈឺក្បាល និងមានសុបិន្តអាក្រក់ ហេតុនេះការគេងរបស់អ្នកច្បាស់ជាត្រូវរំខាន។ យកល្អ អ្នកគួរតែបញ្ឈប់ទម្លាប់មួយនេះមុនពេលចូលគេង ឬទទួលទានមុនពេលចូលគេង ៤ ទៅ ៥ម៉ោង ដើម្បីឲ្យការគេងរបស់អ្នកបានលក់ស្រួល។
កុំទទួលទានអាហារមានផ្ទុកថាមពលខ្ពស់ និងអាហារហិរ
នៅមុនពេលចូលគេង ប្រសិនបើអ្នកទទួលទានអាហារបែបនេះ ក្រពះ ព្រមទាំងប្រព័ន្ធរំលាយអាហារផ្សេងៗទៀតច្បាស់ជាដំណើរការមិនស្រួលឡើយ។ យកល្អប្រសិនបើអ្នកចង់ញ៉ាំអាហារទាំងនេះ គួរតែញ៉ាំមុនពេលចូលគេង៤ម៉ោង។
កុំទទួលទានអាហារមានផ្ទុកប្រូតេអ៊ីនច្រើន
ប្រូតេអ៊ីន គឺជាផ្នែកមួយដ៏សំខាន់នៃការផ្គត់ផ្គង់ថាមពលពេលថ្ងៃ ប៉ុន្តែវាមិនមែនជាជម្រើសល្អសម្រាប់អាហារមុនពេលចូលគេងនោះទេ។ ដូច្នេះ ជំនួសឲ្យការញ៉ាំអាហារដែលសម្បូរប្រូតេអ៊ីន មុនពេលចូលគេងសូមជ្រើសរើសទឹកដោះគោក្តៅឧណ្ឌៗល្អជាង។
កាត់បន្ថយការទទួលទានទឹកមុនពេលចូលគេង២ម៉ោង
ការរំលាយអាហាររបស់រាងកាយ គឺមានសារៈសំខាន់ណាស់ ប៉ុន្តែវាអាចត្រូវបានធ្វើការពេញមួយថ្ងៃ។ ចំពោះអ្នកដែលគេងមិនគ្រប់គ្រាន់ជារឿយៗ បណ្តោលមកពីការផឹកទឹកមុនពេលចូលគេងចូលគេងច្រើនពេក ដែលធ្វើឲ្យអ្នកត្រូវក្រោកចូលបង្គន់ញឹក។
កុំជក់បារីមុនពេលចូលគេង
ជាតិនីកូទីន គឺជាភ្នាក់ងាររំញោចមួយស្រដៀងទៅនឹងជាតិកាហ្វេអ៊ីនដែរ។ មនុស្សជាច្រើនដែលមានទម្លាប់គេងមិនលក់ ឬងងុយគេងជារឿយៗតែងជក់បារី ដើម្បីបន្ធូរអារម្មណ៍ ប៉ុន្តែករណីភាគច្រើនពិបាកក្នុងការគេង។ ប្រសិនបើអ្នកចង់គេងលក់ស្រួល យកល្អគួរតែជៀសវាងការជក់បារីមុនពេកចូលគេងឲ្យបាន៕
