សក់ជាចំណែកមួយដ៏សំខាន់បំផុតសម្រាប់មនុស្សគ្រប់រូប ព្រោះវាអាចជួយលើកកម្ពស់សម្រស់ឲ្យមានភាពស្រស់ស្អាតបានមួយកម្រិត និងធ្វើឲ្យអ្នកមើលទៅក្មេងជាងវ័យផងដែរ។ ក៏ប៉ុន្តែមនុស្សភាគច្រើនតែងតែជួបបញ្ហាសក់ស្ងួត ហើយផុយស្រួយ ដែលធ្វើឲ្យបាត់បង់នូវភាពទាក់ទាញ ជាពិសេសអ្នកដែលឧស្សាហ៍ដូរពណ៌សក់ ឬគៀបសក់ញឹកញាប់ពេក។
ដូច្នេះ ដើម្បីជៀសវាងសក់ពីភាពស្ងួត ផុតស្រួយ អ្នកអាចប្រើប្រាស់គ្រែមធម្មជាតិដូចខាងក្រោម៖
ធាតុផ្សំ៖
- ផ្លែប័រមួយផ្លែ(ចូកយកតែសាច់)
- ប្រេងអូលីវ១ស្លាបព្រាកាហ្វេ
- ស៊ុតមួយគ្រាប់ (យកតែស៊ុតលឿង)
របៀបអនុវត្ត៖
១.លាយគ្រឿងផ្សំទាំងអស់បញ្ចូលគ្នាឲ្យក្លាយទៅជាល្បាយសាច់មួយ បន្ទាប់មកលាបនៅលើសក់ឲ្យសព្វ។
២.ទុកប្រហែលជា៣០នាទី ទើបលាងសម្អាតជាមួយនឹងសាប៊ូធម្មតា។
៣.អ្នកគួរតែអនុវត្តជាប្រចាំរយៈពេល ១០ថ្ងៃ សក់នឹងប្រែជាទន់រលាងស្អាតបំផុត៕
