ការស្រាវជ្រាវថ្មីៗនេះបានបង្ហាញថា នៅប្រទេសហ្វាំងឡង់ជាប្រទេសដែលមានមាតាល្អបំផុតនៅលើពិភពលោក ប៉ុន្តែនៅតែមាន១៥ភាគរយនៃអ្នកម្តាយទាំងអស់មិនចោលទម្លាប់ជក់បារីអំឡុងពេលមានផ្ទៃពោះឡើយ។ ក្នុងចំណោមស្ត្រីដែលជក់បារីទាំងនោះ មានម្តាយវ័យជំទងដល់ទៅ ៥០ភាគរយ។
ទោះជាយ៉ាងណា អ្នកជំនាញបានព្រមានថា ការជក់បារីមិនត្រឹមតែធ្វើឲ្យប៉ះពាល់ដល់សុខភាពមនុស្សទូទៅនោះទេ សូម្បីតែស្ត្រីមានផ្ទៃពោះក៏មានគ្រោះថ្នាក់ដែរ ជាពិសេសក្មេងកំពុងតែរីកលូតលាស់។ ខាងក្រោមនេះជាផលអាក្រក់ទាំង៧ចំណុចនៃការជក់បារីអំឡុងពេលមានផ្ទៃពោះ៖
- រលូតកូន ឬកូនស្លាប់ក្នុងផ្ទៃ
- កើតជំងឺដុំគីសក្នុងដៃស្បូន
- របូតទងសុកមុនពេលសម្រាល
- សុខបារាំងជិតមាត់ស្បូន
- កូនកើតមិនគ្រប់ខែ
- កូនកើតមកមានទម្ងន់ស្រាល
- ពិការភាពពីកំណើត
តែគួរឲ្យសោកស្តាយ ស្ត្រីមានផ្ទៃពោះជាច្រើននៅតែជក់បារី បើទោះបីជាដឹងពីហានិភ័យចំពោះសុខភាពទារក និងខ្លួនឯងក៏ដោយ។ បើយោងតាមអង្គការចំណីអាហារសហរដ្ឋអាមេរិកហៅកាត់ថា CDC បានឲ្យដឹងថា ១០ភាគរយនៃស្ត្រីមានផ្ទៃពោះទាំងអស់មានទម្លាប់ជក់បារីអំឡុងពេល៣ខែចុងក្រោយ។ វិធីតែមួយគក់ ដើម្បីជៀសវាងផលវិបាកនៃការជក់បារីអំឡុងពេលមានផ្ទៃពោះនោះ គឺត្រូវផ្តាច់បារីឲ្យបាន៕
