ជាការពិតណាស់ អ្នកណាមិនចូលចិត្តគ្រឿងសមុទ្រនោះ ប៉ុន្តែនៅពេលញ៉ាំគ្រឿងសមុទ្រ តើអ្នកធ្លាប់ក្លែមជាមួយស្រាបៀរដែរឬទេ? ជួនកាលយើងមិនដឹងថា អាហារមួយចំនួនមិនគួរញ៉ាំស្របពេលជាមួយគ្នានោះទេ ព្រោះវាអាចបណ្តោលឲ្យមានប្រតិកម្ម ពុល ក្អួរ ចង្អោរ ឬឈឺពោះ…។
ចំពោះការញ៉ាំគ្រឿងសមុទ្រ ជាមួយនឹងស្រាបៀរ អាចប្រឈមនឹងជំងឺរលាកសន្លាក់ខ្ពស់បំផុត ដោយសារតែអាហារសមុទ្រដូចជាត្រី បង្គារ ក្តាម អយស្ទ័រ… មានផ្ទុកប្រូតេអ៊ីនច្រើន និងអាស៊ីត glycoisides។ ប្រសិនបើការទទួលទានស្របពេលដំណាលគ្នាជាមួយនឹងស្រាបៀរ ធាតុផ្សំទាំងពីរនេះនឹងរួមបញ្ចូលជាមួយវីតាមីន B1 នៅក្នុងស្រាបៀរ អាចបង្កឲ្យពិបាកក្នុងការកម្ចាត់ចេញពីរាងកាយ។ លើសពីនេះទៅទៀត វាអាចបង្កឲ្យមានគ្រោះថ្នាក់ ព្រោះស្រាបៀរអាចរារាំងដល់ការបញ្ចេញជាតិអាសូតពីក្នុងខ្លួន។
មូលហេតុដែលបណ្តោលឲ្យហើមសន្លាក់ និងសាច់ដុំ កើតឡើងដោយសារតែក្នុងសន្លាក់ និងជាលិកាសាច់ដុំ មានផ្ទុកប្រូតេអ៊ីនច្រើនហួសកម្រិត។ ជាពិសេសប្រសិនបើអ្នកពិសារស្រាបៀរ ជាមួយនឹងគ្រឿងសមុទ្រទៀងទាត់ បរិមាណប្រូតេអ៊ីនដែលលើសនេះ នឹងនៅតែមានក្នុងសន្លាក់ ដែលអាចធ្វើឲ្យខូចសន្លាក់ ហើយមានបញ្ហាមេតាប៉ូលីសនៅក្នុងរាងកាយថែមទៀត៕