មនុស្សជាច្រើនតែងតែចូលចិត្តទទួលទានក្បាលបង្គា ឬក្បាលត្រី ព្រោះវាមានរសជាតិឆ្ងាញ់ ហើយមិនចង់បោះចោលខ្ចេះខ្ចោយឡើយ។ ប៉ុន្តែវាជារឿងដ៏គួរឲ្យព្រួយបារម្ភខ្លាំងផងដែរ ព្រោះផ្នែកទាំងនេះមានផ្ទុកលោហៈធាតុធ្ងន់ច្រើនបំផុតនៅក្នុងរាងកាយរបស់សត្វ។ ដូច្នេះប្រសិនបើញ៉ាំច្រើនហួសកម្រិត អាចបង្កឲ្យមានគ្រោះថ្នាក់ដល់សុខភាព។
អ្នកជំនាញផ្នែកចំណីអាហារបានផ្តល់ដំបូលន្មានថា អាហារទាំងនេះប្រសិនបើបរិភោគច្រើនហួសកម្រិត អាចនាំឲ្យមានហានិភ័យដល់សុខភាព ឬពុលបាន។
យើងដឹងថា ត្រី និងបង្គាជាប្រភពនៃប្រូតេអ៊ីន ដែលមានគុណភាពខ្ពស់ ទើបមនុស្សជាច្រើនចូលចិត្តទទួលទាន។ ប៉ុន្តែមានការព្រមានថា ក្បាលបង្គា និងក្បាលត្រីមានផ្ទុកលោហៈធាតុធ្ងន់ ដែលមនុស្សមិនគួរញ៉ាំច្រើនពេកនោះទេ៕
