ប្រសិនបើអាស៊ីតអ៊ុយរិច នៅក្នុងរាងកាយកើនឡើងលើសកម្រិត អាចបណ្តោលឲ្យអ្នកមានជំងឺរលាកសន្លាក់ និងមានផលប៉ះពាល់ដល់សុខភាពផ្សេងៗទៀត។
វិធីល្អបំផុតក្នុងការព្យាបាល គឺការផ្លាស់ប្តូរទម្លាប់នៃការញ៉ាំ រស់នៅប្រកបដោយផាសុខភាព ហើយរួមបញ្ចូលទាំងការប្រើឱសថធម្មជាតិផងដែរ។ នៅពេលដែលសន្ទស្សន៍អាស៊ីតអ៊ុយរិច ក្នុងឈាមថយចុះ វានឹងធ្វើឲ្យប្រសើរឡើងនូវស្ថានភាពនៃជំងឺរលាកសន្លាក់ និងបង្កើតគុណភាពជីវិតឡើងវិញ។
បើយោងតាមអ្នកវិទ្យាសាស្ត្របានឲ្យដឹងថា ក្រូចឆ្មារជាអាហារដែលត្រូវបានគេរប្រើប្រាស់ប្រចាំថ្ងៃ ព្រមទាំងគេប្រើជាថ្នាំពិសេសនៅពេលមានបញ្ហាអាស៊ីតអ៊ុយរិចកើនឡើងលើសកម្រិតផងដែរ។
ទឹកក្រូចឆ្មារ គឺជាអាហារសម្បូរជាតិអាស៊ិត ប៉ុន្តែពេលបញ្ចូលទៅក្នុងរាងកាយ វានឹងបង្កើតអាល់កាឡាំង និងលុបបំបាត់អាស៊ីតអ៊ុយរិច។ ជាពិសេសនៅពេលដែលរួមបញ្ចូលគ្នាជាមួយទឹកឃ្មុំ គឺកាន់តែមានប្រសិទ្ធភាព ហើយមានរសជាតិឆ្ងាញ់ថែមទៀត។
ធាតុផ្សំ៖
- ទឹក១លីត្រ
- ក្រូចឆ្មារ ៣ផ្លែ
- ទឹកឃ្មុំ១ស្លាបព្រាបាយ
របៀបអនុវត្ត៖
១.ដំបូងអ្នកត្រូវដាំទឹកឲ្យពុះ រួចហាន់ក្រូចឆ្មារទាំងសំបកដាក់ចូល។
២.រំពុះប្រហែលជា ២០នាទី ទើបលើកចុះ ហើយត្រង់យកកាកចេញ។
៣.នៅពេលត្រជាក់សូមបន្ថែមទឹកឃ្មុំចូល។
៤.សូមទទួលទាន១កែវនៅពេលព្រឹកមុនញ៉ាំអាហារ និង១៥នាទីក្រោយពេលបាយថ្ងៃត្រង់។
៥.នៅពេលរសៀល សូមទទួលទាន១កែវ និងពេលល្ងាចបន្ទាប់ពីញ៉ាំអាហារ៕