គ្រប់ពពួលផ្លែក្រូចទាំងអស់សុទ្ធតែសម្បូរទៅដោយសារធាតុបំប៉នចាំបាច់ដូចជា វីតាមីន C អាស៊ីតហ្វូលិក ដែលល្អសម្រាប់ស្បែក ឆ្អឹង បង្កើនសុខភាពបេះដូង សាច់ដុំ និងប្រព័ន្ធរំលាយអាហារ។ តែទោះជាយ៉ាងណា ពេលខ្លះអ្នកមិនគួរទទួលទានផ្លែក្រូចទាំងអស់នេះឡើយ ព្រោះវាអាចធ្វើឲ្យខូចសុខភាព។
ពេលព្រឹក
អ្នកគួរតែជៀសវាងបរិភោគផ្លែក្រូច នៅពេលព្រឹក ជាពិសេសពេលពោះទទេ ព្រោះវាអាចបង្កឲ្យកម្រិត pH ក្នុងរាងកាយកើនឡើងខ្លាំង និងឡើងជាតិអាស៊ីតបង្កឲ្យខូចក្រពះ។ ជំនួសឲ្យការបរិភោគផ្លែឈើមួយប្រភេទនេះ អ្នកគួរតែទទួលទានផ្លែឈើដែលសម្បូរជាតិសរសៃដូចជា ផ្លែប៉ោម ចេក សណ្តែក ឬផ្លែទទឹមវិញ។
ពេលចូលគេង
អ្នកអាចបរិភោគផ្លែឈើទាំងអស់នេះមុនពេលចូលគេងរយៈពេល ១ទៅ ២ម៉ោង ប៉ុន្តែពពួកផ្លែក្រូចមិនអាចនោះទេ។ ព្រោះវាអាចបណ្តោលឲ្យមានបញ្ហាដល់ដំណើរការផលិតជាតិអាស៊ីតក្នុងក្រពះ ហើយនាំឲ្យហើមពោះ។
ពេលទទួលទានគ្រឿងស្រវឹង
ខណ:ដែលកំពុងទទួលទានគ្រឿងស្រវឹង ហាមទទួលទានផ្លែក្រូច ព្រោះវាអាចបណ្តោលឲ្យរលាកក្រពះ និងបង្កើតអាស៊ីតជាច្រើនទៀតដែលនាំឲ្យមានការក្រហាយទ្រូង និងច្រាលទឹកអាស៊ីតក្នុងក្រពះ។
អាស្រ័យហេតុនេះអ្នកគួរតែទទួលទានចេក ឬឪឡឹកជំនួសវិញ ដើម្បីទប់ស្កាត់ការខ្សោះជាតិទឹក ដែលបង្កឡើងដោយសារគ្រឿងស្រវឹង៕
