ខួរក្បាល គឺជាផ្នែកមួយដ៏សំខាន់ខ្លាំងបំផុតនៃរាងកាយ ហើយវាក៏ជាអ្នកបញ្ជារទៅលើអវ:យវ:ទាំងមូលផងដែរ។ មានន័យថា អ្វីគ្រប់យ៉ាងដែលមនុស្សម្នាក់ៗធ្វើរាល់ថ្ងៃ គឺស្ថិតនៅក្រោមការគ្រប់គ្រងរបស់ខួរក្បាលទាំងអស់។
ទន្ទឹមនឹងនេះ យោងតាមអង្គការពិភពលោក WHO បានបង្ហាញថា ខួរក្បាលអាចងាយនឹងទទួលរងនូវគ្រោះថ្នាក់ ឬខូចខាត ប្រសិនបើអ្នកទម្លាប់ធ្វើរឿងអាក្រក់ៗមួយចំនួន។ ខាងក្រោមនេះ ជាទម្លាប់ដែលធ្វើឲ្យខូចខួរក្បាល៖
រំលងអាហារពេលព្រឹក
អាហារមួយពេលនេះពិតជាមានសារ:សំខាន់ខ្លាំងណាស់ សម្រាប់សុខភាព។ ប៉ុន្តែ ប្រសិនបើអ្នកមិនទទួលទានវិញនោះ ធ្វើឲ្យជាតិស្ករក្នុងឈាម ជួនកើនឡើង ជួនធ្លាក់ចុះ មិនទៀងទាត់ឡើយ។ ម្យ៉ាងវិញទៀត បើអ្នកមិនបានបំពេញតម្រូវការដល់ក្រពះទេ ខួរក្បាលនឹងខ្វះសារធាតុចិញ្ចឹម ហើយងាយនឹងទទួលរងនូវផលប៉ះពាល់ថែមទៀត។
ទទួលទានឆ្អែតពេក
ការទទួលទានបែបនេះនឹងធ្វើឲ្យអ្នកឡើងគីឡូ កើតជំងឺធាត់ គ្រោះថ្នាក់ដល់សរសៃឈាមខួរក្បាល និងផ្លូវអារម្មណ៍។
ញ៉ាំជាតិស្ករច្រើនពេក
ជាតិស្ករមាននៅក្នុងអ្វីៗគ្រប់យ៉ាងដែលយើងបរិភោគរាល់ថ្ងៃ រួមទាំងភេសជ្ជ:។ ហេតុនេះបើអ្នកបន្ថែមជាតិស្ករកាន់តែច្រើនទៅក្នុងរបបអាហារ អ្នកនឹងប្រឈមហានិភ័យនៃបញ្ហាខួរក្បាល។
គេងមិនគ្រប់គ្រាន់
ការមិនបានគេងយូរៗទៅ កោសិកាខួរក្បាលដែលមានសុខភាពល្អនឹងត្រូវកាត់បន្ថយ។ ជាពិសេសភាពតានតឹង និងកោសិកាទាំងអស់មិនបានជួសជុលឡើងវិញឡើយ។
គេងគ្របក្បាលជិត
ការគេងគ្របក្បាល អុកស៊ីសែនដែលអ្នកត្រូវការស្រូបនឹងត្រូវបានកាត់បន្ថយ ហើយបែរជាទទួលឌីអុកស៊ីតជំនួសវិញ។
ជក់បារី
ទម្លាប់អាក្រក់មួយនេះ អាចធ្វើឲ្យខួរក្បាលរួញតូច ហើយអាចកើតមានបញ្ហាជំងឺរង្វេងបាន៕
