តើអ្នកសុភាពនារីទាំងឡាយចង់បានសក់វែង ក្រាស់ រឹងមាំ និងទន់រលោងដែរទេ? នេះជាអ្វីដែលមនុស្សជាច្រើនចង់បាន ហើយមិនមែនគ្រប់គ្នាសុទ្ធតែអាចទទួលបានពីធម្មជាតិនោះទេ។ ប៉ុន្តែប្រសិនបើអ្នកព្យាយាមអនុវត្តរូបមន្តធម្មជាតិ ដោយប្រើផ្លែចេក និងផ្លែប៊ឺរ ជាប្រចាំបំណងនេះនឹងក្លាយជាការពិត។
ចេកសម្បូរវីតាមីន C និងE ជាពិសេសប៉ូតាស្យូម ប្រេងធម្មជាតិ កាបូនអ៊ីដ្រាត និងវីតាមីន។ ដូច្នេះ ចេកមានសមត្ថភាពក្នុងការបន្ទន់សក់ និងធ្វើឲ្យសក់មានភាពបត់បែបតាមធ្មជាតិ។ ទន្ទឹមនឹងនេះ វីតាមីន E A D នៅក្នុងផ្លែប៊ឺរអាចជួយកាត់បន្ថយដំណើរនៃភាពចាស់នៃសក់ ចិញ្ចឹមសក់ ធ្វើឲ្យសក់លូតលាស់លឿន និងទន់រលោង។
ធាតុផ្សំ៖
- ចេកមួយកំណាត់
- ប៊ឺរមួយផ្លែ
- ស៊ុតមួយគ្រាប់
- ប្រេងអូលីវ ២ស្លាបព្រាបាយ
- ទឹកឃ្មុំ២ស្លាបព្រាកាហ្វេ
របៀបអនុវត្ត៖
១.យកធាតុផ្សំទាំងអស់ទៅកិនឲ្យក្លាយជាល្បាយតែមួយ។
២.ចាប់ផ្តើមលាបនៅលើសក់ឲ្យជោគពីគល់ដល់ចុង។
៣.ទុកចោលរយៈពេល ៣០នាទីទៅ ១ម៉ោង ហើយលាងសម្អាតជាមួយនឹងទឹកធម្មតា។
ក្រោយអនុវត្តបាន៣ថ្ងៃ សក់របស់អ្នកនឹងប្រែជាទន់រលោង ឆាប់ដុះវែង ដោយសារតែអាហារបំប៉នរបស់ធាតុផ្សំពីធម្មជាតិទាំងអស់នេះ៕
