ការគេងស្រម៉ុក បណ្តោលមកពីភាពធាត់ ការទទួលទានគ្រឿងស្រវឹង ស្លេសច្រើននៅក្នុងបំពងក ឬច្រមុះជាដើម។ ដូច្នេះ ដើម្បីកម្ចាត់ភាពរំខានដោយតែសំលេងស្រម៉ុករបស់ស្វាមី អ្នកគួរតែសាកល្បងភេសជ្ជៈមួយប្រភេទ ដែលផ្សំពីធាតុផ្សំធម្មជាតិ៤មុខងាយៗ។
ធាតុផ្សំ៖
- ខ្ញី ១មើម (ប្រវែង២ថ្នាំងដៃ)
- ការ៉ុត ២មើម
- ប៉ោម ២ផ្លែ
- ក្រូចឆ្មារ មួយចំហៀង(ច្របាច់យកទឹក)
ការណែនាំ៖
១.អ្នកត្រូវចិតសំបកខ្ញី ការ៉ុត និងផ្លែប៉ោមឲ្យស្អាត រួចក្រឡុកគ្រឿងផ្សំទាំងអស់នេះបញ្ចូលគ្នា។
២.បន្ទាប់ពីនោះ ត្រូវទទួលទានមុនពេលចូលគេងមួយម៉ោង តែត្រូវអនុវត្តរាល់ថ្ងៃ។
ភេសជ្ជ:ធម្មជាតិមួយប្រភេទនេះសម្បូរវីតាមីន C ដែលអាចលាងសម្អាតរន្ធច្រមុះ និងផ្លូវដង្ហើម។ លើសពីនេះទៅទៀត ខ្ញីអាចជួយបន្ធូរបន្ថយសម្ពាធខ្យល់ចេញចូលតាមច្រមុះ ខណ:ដែលផ្លែប៉ោម និងការ៉ុត អាចជម្រះតំបន់ទាំងមូលនៃច្រមុះ។
ការគេងស្រម៉ុក មិនមែនជាបញ្ហាធ្ងន់ធ្ងរសម្រាប់សុខភាពនោះទេ ប៉ុន្តែវាអាចប៉ះពាល់ដល់ជីវិតរស់នៅប្រចាំថ្ងៃរបស់អ្នក និងដៃគូ ប្រសិនបើអ្នកមិនព្រមព្យាបាលឲ្យបានត្រឹមត្រូវ ឬស្វែងរកជំនួយពីផ្នែកវិជ្ជសាស្ត្រ៕
