ការកើតមានស្នាមជាំលើផ្ទៃមុខ ជាបញ្ហាដែលធ្វើឲ្យមនុស្សជាច្រើនមិនពេញចិត្តនឹងខ្លួនឯង។ ដូច្នេះ អ្នកទាំងនោះតែងតែចំណាយលុយយ៉ាងច្រើនសន្ធឹកសន្លាប់ ទៅលើការប្រើប្រាស់ផលិតផលផ្សេងៗ ដើម្បីដោះស្រាយបញ្ហា។ ប៉ុន្តែផលិតផលទាំងនោះត្រូវការចំណាយច្រើន ហើយអាចមានផ្ទុកសារធាតុគីមីបង្កគ្រោះថ្នាក់ដល់សុខភាពថែមទៀត។
ដូច្នេះ ប្រសិនបើអ្នកងាកមកសាកល្បងឱសថធម្មជាតិទាំងអស់នេះវិញ មិនចំណាយច្រើន ហើយមានប្រសិទ្ធភាពថែមទៀត។
១.ទឹកក្រូចឆ្មារ
យកសំឡីទៅជ្រលក់ចូលទឹកក្រូចឆ្មារ ហើយលាបសើៗលើកន្លែងដែលមានស្នាមជាំ ២ដងក្នុងមួយថ្ងៃ។ ប៉ុន្តែក្រោយពេលប្រើប្រាស់ អ្នកមិនត្រូវដើមក្រោមពន្លឺថ្ងៃឡើយ ព្រោះវាអាចបណ្តោលឲ្យស្បែកប្រតិកម្ម។
២.ប្រទាលកន្ទុយក្រពើ
កាត់យកប្រទាលកន្ទុយក្រពើមួយធាង ចិតចេញសាច់របស់វា រួចបិតលើកន្លែងដែលមានស្នាមជាំ ហើយទុកឲ្យបាន៣០នាទីទើបលាងសម្អាតចេញ។ ព្យាយាមអនុវត្តបែបនេះមួយថ្ងៃពីរដង អ្នកនឹងឆាប់ទទួលបានផល។
៣.ខ្ទឹមបារាំង
យកខ្ទឹមបារាំងមួយមើមទៅកិន ហើយពូតយកទឹក។ បន្ទាប់មកចាប់ផ្តើមលាបលើកន្លែងដែលមានស្នាមជាំ ហើយទុកឲ្យបាន១០ទៅ១៥នាទី ទើបលាងចេញ។ ធ្វើបែបនេះជាប្រចាំ រហូតដល់ស្នាមជាំរលប់បាត់អស់ទាំងស្រុង៕
