រាល់ឆ្នាំ ជំងឺមហារីកក្រពះ បានកើតមានចំពោះមនុស្សរាប់ពាន់នាក់ នៅទូទាំងពិភលោក។ ប្រសិនបើជំងឺនេះមានអាការ:ធ្ងន់ធ្ងរ អ្នកនឹងពិបាកក្នុងការព្យាបាល ហើយអាចមានគ្រោះថ្នាក់ដល់ជីវិតថែមទៀត។ ដូច្នេះ អ្នកមិនត្រូវព្រងើយកណ្តើយចំពោះរោគសញ្ញាព្រមាននៃជំងឺមហារីកក្រពះឡើយ។
- សុខភាពទូទៅមានសភាពយ៉ាប់យ៉ឺន
- ចេះតែស្រក់ទម្ងន់មិនដឹងមូលហេតុ
- តែងតែអស់កម្លាំង និងខ្សោយ
- ចេះតែចង់ក្អួត
- ក្អួតមានឈាម
- បាត់បង់ចំណង់អាហារ
- ពិបាកលេចចំណីអាហារ
- ចេះតែឈឺចាប់ក្នុងពោះ បន្ទាប់ពីទទួលទានអាហារតិចតួចចូលទៅ
- ភើច្រើនហួសហេតុ
- លាមកខ្មៅទាំងស្រុង
ដើម្បីបញ្ជៀសជំងឺនេះ អ្នកត្រូវឈប់ជក់បារី កាត់បន្ថយអាហារប្រៃ និងព្យាយាមទទួលទានបន្លែឲ្យបានច្រើន។ ជាពិសេស អ្នកត្រូវពិនិត្យសុខភាពឲ្យបានត្រឹមត្រូវ ប្រសិនបើកើតមានរោគសញ្ញាមួយចំនួន ដូចដែលបានបង្ហាញខាងលើនេះ៕
