តាមការសិក្សាមួយបានរកឃើញថា ភ្លើងពណ៌បៃតងដែលជះចេញពីអេក្រង់ទូរស័ព្ទដៃ អាចបង្កឲ្យស្រទាប់កោសិកាប្រសាទងាប់ ហើយប៉ះពាល់ដល់ភ្នែកធ្ងន់ធ្ងរ ប្រសិនបើអ្នកចំណាយពេលសម្លឹងនៅជាមួយវាច្រើនពេក។
ពេលដែលអ្នកមើលទូរស័ព្ទក្នុងបន្ទប់បិទជិត ឬទីងងឹត ពន្លឺចេញពីអេក្រង់ទូរស័ព្ទ នឹងជះទៅលើកែវភ្នែកពេញទំហឹង យូរៗទៅអាចបណ្តោលឲ្យកើតជំងឺមហារីកភ្នែក និងខ្វាក់ភ្នែកបាន។
យោងតាមគេហទំព័រ myfitmagazine បានចុះផ្សាយថា បុរសវ័យ ៤០ឆ្នាំម្នាក់ បានមានបញ្ហាភ្នែកក្រហមចេះតែធ្ងន់ធ្ងរទៅៗ រហូតដល់មើលអ្វីលែងឃើញ ដោយសារតែគាត់ទម្លាប់មើលទូរសព្ទក្នុងទីងងឹតរយ:ពេល ៣០នាទីជារៀងរាល់យប់មុនពេលចូលគេង។ គ្រូពេទ្យបានធ្វើរោគវិនិច្ច័យឃើញថា នេះជាសញ្ញានៃការកើតជំងឺមហារីកភ្នែក។
ក្នុងករណីនេះ គ្រូពេទ្យមិនអាចជួយអ្វីបានឡើយ ដោយសារតែកោសិកាប្រសាទត្រូវបានខូចខាតទាំងអស់ទៅហើយ។
ហេតុនេះ គ្រប់គ្នាគួរកាត់បន្ថយ ឬជៀសវាងការប្រើប្រាស់ទូរស័ព្ទដៃក្នុងទីងងឹត ដើម្បីការពារកុំឲ្យកើតមានបញ្ហាភ្នែក៕
