ករណីខ្លះ ការស្តោះទឹកមាត់ចេញមកមានលាយឈាម អាចមកពីការប្រើច្រាស់ដុសធ្មេញមិនបានត្រឹមត្រូវ ឬអញ្ចាញធ្មេញត្រូវរបួសដោយសារតែការប៉ះទង្គិចជាមួយនឹងវត្ថុរឹង។ ក៏ប៉ុន្តែ ករណីខ្លះទៀត អាចមកពីជំងឺធ្ងន់ធ្ងរផ្សេងៗទៀតដូចជា ជំងឺរលាកក្រពះ ផ្លូវដង្ហើម បំពង់ក ឬជាលិកាជុំវិញអញ្ចាញធ្មេញជាដើម។ ហេតុនេះ មានតែគ្រូពេទ្យទេដែលអាចពិនិត្យដឹងពីរោគសញ្ញាច្បាស់លាស់ ហើយអាចជួយសង្គ្រាះអ្នកបាន។
ទាំងបេះជាអាការរោគដែលបណ្តោលឲ្យអ្នកស្តោះទឹកមាត់មកមានឈាម៖
អាការរោគទី១
ក្នុងករណីដែលអ្នកមានបញ្ហារលាកក្រពះ បំពង់អាហារ ទងសួត ផ្លូវដង្ហើម វានឹងធ្វើឲ្យអ្នកក្អក ឬស្តោះទឹកមាត់ចេញមកមានឈាម ហេតុដូចនេះកុំធ្វេសប្រហែសឲ្យសោះ។
អាការរោគទី២
នៅពេលដែលអ្នកមានបញ្ហាមួយចំនួនដូចជា ហូរឈាមតាមអញ្ចាញធ្មេញ ដំបៅមាត់ ក្អួត ក្អកខ្លាំងៗ ក៏អាចធ្វើឲ្យមានឈាមលាយក្នុងទឹកមាត់ដែរ។ ប្រសិនបើអាការបែបនេះអូសបន្លាយពេលយូរមិនព្រមបាត់ ត្រូវប្រញាប់ទៅជួបគ្រូពេទ្យជាបន្ទាន់។
អាការរោគទី៣
ការឆ្លងមេរោគបាក់តេរី ឬមេរោគផ្សិត ក៏ជាមូលហេតុមួយដែលនាំឲ្យអ្នកស្តោះទឹកមាត់មកមានឈាមដូចគ្នា។ ព្រោះមេរោគទាំងនោះ អាចឲ្យមានបញ្ហាអញ្ចាញធ្មេញ ដំបៅក្នុងមាត់ ឬអណ្តោត។
អាការរោគទី៤
ចំពោះការឆ្លងមេរោគបំពងក រលាកក្រពះ ទងសួត ជំងឺរបេង ផ្លូវដង្ហើម សុទ្ធតែជាដើមហេតុដែលធ្វើឲ្យមានឈាមចេញតាមទឹកមាត់ដូចគ្នាដែរ។
អាការរោគទី៥
អ្នកដឹងទេ សូម្បីតែបញ្ហាខ្វះវីតាមីន C នៅក្នុងរាងកាយ ក៏អាចធ្វើឲ្យអ្នកកើតមានបញ្ហាហូរឈាមតាមអញ្ចាញធ្មេញផងដែរ។
អាស្រ័យហេតុនេះ ប្រសិនបើអ្នកសង្កេតឃើញរោគសញ្ញាដូចខាងលើនេះ សូមប្រញាប់ទៅពិគ្រោះជាមួយគ្រូពេទ្យជាបន្ទាន់៕
