តើការប្រើដៃដើម្បីសម្រេចកាមខ្លួនឯងក្នុងអំឡុងពេលមានផ្ទៃពោះ មានសុវត្ថិភាពដែរឬទេ? ការមានផ្ទៃពោះ គឺជាពេលវេលាមួយដែលអ័រម៉ូនត្រូវបានបំផ្លាញ។ អ័រម៉ូន Estrogen, testosterone និង progesterone ជាអ្នកទទួលខុសត្រូវចំពោះអារម្មណ៍ស្រេកឃ្លានចំណង់ និងមានអារម្មណ៍ក្នុងអំឡុងពេលមានផ្ទៃពោះ។
ក្នុងពេលជាក់លាក់ណាមួយនៃដំណាក់កាលមានផ្ទៃពោះ ក៏អាចកើតមានអារម្មណ៍ចង់រួមភេទផងដែរ ប៉ុន្តែស្ត្រីជាច្រើនបានបោះបង់គំនិតសម្រេចកាមដោយខ្លួនឯងចោលវិញ ព្រោះពួកគេយល់ថាគ្មាសុវត្ថិភាព។
ផ្ទុយទៅវិញការសម្រេចកាមដោយខ្លួនឯក្នុងអំឡុងពេលមានផ្ទៃពោះមានអត្ថប្រយោជន៍ជាច្រើន ហើយចំពោះករណីហានិភ័យគឺមានកម្រិតទាបបំផុត។
អត្ថប្រយោជន៍ទាំងនោះរួមមាន៖ បញ្ចេញភាពតានតឹង បំបាត់ការឈឺចាប់ ពង្រឹងប្រព័ន្ធភាពស៊ាំរបស់រាងកាយ មានសុវត្ថិភាពជាងកាយរួមភេទ មានអារម្មណ៍រីករាយជាងពេលមិនទាន់មានផ្ទៃពោះ ជួយបញ្ចេញអ័រម៉ូនអុកស៊ីតូស៊ីន មានសុវត្ថិភាពចំពោះទារកក្នុងផ្ទៃ។
បើទោះបីជាការសម្រេចកាមខ្លួនឯងមានសុវត្ថិភាពយ៉ាងណាក៏ដោយ អ្នកកុំភ្លេចពិគ្រោះយោបល់ ឬសុំការណែនាំពីគ្រូពេទ្យជាមុនសិន៕
ជៀស៣ចំណុចនេះបានទោះ រួមភេទរាល់ថ្ងៃក៏មិនប៉ះពាល់ដល់កូនក្នុងផ្ទៃដែរ
គូស្នេហ៍ជាច្រើននៅតែឆ្ងល់ថា តើការរួមភេទក្នុងពេលមានផ្ទៃពោះបណ្តោលឲ្យប៉ះពាល់ដល់កូនក្នុងផ្ទៃដែរឬទេ? ចំពោះគូស្នេហ៍ថ្មោងថ្មីច្បាស់ជាមិនហ៊ានរួមភេទក្នុងអំឡុងពេលនេះទេ ព្រោះខ្លាចប៉ះពាល់ដល់កូនក្នុងផ្ទៃ។ តែទោះជាយ៉ាងណាក៏ដោយ បើយោងតាមគេហទំព័រ thehealthsite បានបង្ហាញថា ការរួមភេទក្នុងពេលមានផ្ទៃពោះពិតជាគ្មានផលប៉ះពាល់ឡើយ ប្រសិនបើអ្នកអនុវត្តតាមអនុសាសន៍របស់អ្នកជំនាញបានត្រឹមត្រូវ។
តមរួមភេទនៅ៣ខែដំបូង និង១ខែចុងក្រោយ
វាពិតជារឿងមួយដ៏សំខាន់បំផុតសម្រាប់គូស្នេហ៍គ្រប់រូបគួរជៀសវាង ព្រោះក្នុងដំណោក់៣ខែដំបូងទារកកំពុងតែអភិវឌ្ឍ។ បើពុំដូច្នោះទេ ទារកអាចប្រឈមនឹងបញ្ហារបូតទងសុខ ហើយសូម្បីតែខែចុងក្រោយក៏ដូចគ្នាដែរ។
២.ប្រុសៗត្រូវនៅពីក្រោម
បុរសគ្រប់រូបតែងតែចង់នៅពីលើដើម្បីគ្រប់គ្រងសកម្មភាពក្នុងពេលរួមភេទ ក៏ប៉ុន្តែក្នុងដំណាក់កាលមានផ្ទៃពោះ អ្នកគួរតែឲ្យដៃគូគ្រប់គ្រងវិញ។ ព្រោះ នាងអាចដឹងពីដងស៊ីតេនៃសង្វាក់រួមភេទ ហើយជៀសផុតពីការដាក់សម្ពាធមកលើពោះថែមទៀត។ នេះហើយជាមូលហេតុដែលធ្វើឲ្យកូនក្នុងផ្ទៃមានសុវត្ថិភាព។
៣.សុកបាំងមាត់ស្បូន
អ្នកមិនចាំបាច់សួរថា តើធ្វើយ៉ាងណាទើបដឹងថាសុខបាំងមាត់ស្បូនឬក៏អត់នោះទេ? នៅពេលដែលអ្នកធ្វើការរួមភេទសម្រាប់តែមានអ្វីមួយទើសៗ មិនដូចសព្វមួយដង គឺហ្នឹងហើយ។ ប៉ុន្តែ បើអ្នកនៅតែរឹងទទឹងធ្វើសកម្មភាពទៀតនោះ កូននៅក្នុងផ្ទៃច្បាស់ជាជួបបញ្ហាធំជាមិនខាន៕
៤ហេតុផល ស្ត្រីគួររួមដំណេកពេលមានផ្ទៃពោះ
មនុស្សស្រីមួយចំនួនតែងតែមានការព្រួយបារម្ភថា ការរួមដំណេកក្នុងពេលពរពោះអាចប៉ះពាល់ដល់កូនក្នុងផ្ទៃ។ តែខុសពីអ្វីដែលស្ត្រីបានគិត អ្នកជំនាញបានបង្ហាញថា ការរួមដំណេកអំឡុងពេលមានផ្ទៃពោះ អាចទទួលបានអត្ថប្រយោជន៍សំខាន់ៗដល់ទៅ ៤ចំណុចឯណោះ។
កាត់បន្ថយសម្ពាធឈាម
ហេតុអ្វីបានជាការរួមដំណេក អាចជួយកាត់បន្ថយសម្ពាធឈម? នេះក៏ដោយសារតែ អ័រម៉ូន អុកស៊ីតូស៊ីន ត្រូវបញ្ចេញក្នុងការរួមដំណេក ដែលធ្វើឲ្យអ្នកមានអារម្មណ៍សប្បាយរីករាយ បាត់បង់នូវភាពតានតឹងទាំងអស់។ លើសពីនេះ ការរួមដំណេកក្នុងពេលនេះ អាចកាត់បន្ថយហានិភ័យនៃការគាំងបេះដូងថែមទៀត។
គេងលក់ស្រួល
បញ្ហាគ្រប់ប្រភេទ ស្ត្រីនឹងត្រូវឆ្លងកាត់ពេលមានផ្ទៃពោះ រួមទាំងការឈឺចាប់រាងកាយ ឧស្សាហ៍លេចនោម និងភ្ញាក់ដោយសារទារកក្នុងផ្ទៃរើបំរាស់។ ក៏ប៉ុន្តែ ក្រោយពេលរួមដំណេកដល់កម្រិតកំពូល អ្នកច្បាស់ជាងលែងមានអារម្មណ៍បែបនេះទៀតហើយ ហើយការគេងក៏បានលក់ស្រួលដែរ។
បង្កើនភាពស្និតស្នាលកាន់តែខ្លាំង
មនុស្សភាគច្រើនមិនចង់រួមដំណេកនៅពេលនេះទេ ព្រោះយល់ថាគួរឲ្យធុញទ្រាន់ តែតាមពិតការរួមដំណេកអំឡុងពេលនេះ អាចជួយឲ្យអ្នក និងដៃគូកាន់តែមានភាពស្និតស្នាលកាន់តែខ្លាំង។
កាត់បន្ថយការឈឺចាប់រាងកាយ
ការរួមដំណេកជាមួយស្វាមី ក្នុងពេលនេះ អាចជួយកាត់បន្ថយការឈឺចាប់បាន ដោយសារតែអ័រម៉ូន អឺស្ត្រូជែន និងប្រូហ្គេស្ទើរ៉ូន ត្រូវបានបញ្ចេញ ដើម្បីជួយបង្កើនលំហូរឈាមទៅកាន់អាងត្រគាក រួមទាំងទ្វារមាស។ មិនតែប៉ុណ្ណោះ អ័រម៉ូនទាំងនេះ នឹងធ្វើឲ្យអ្នកមានអារម្មណ៍ញាប់ញ័រខ្ពស់ ហើយឆាប់ដល់កំពូលផងដែរ។
ទោះជាយ៉ាងណាក៏ដោយ ដើម្បីមានសុវត្ថិភាព គូស្នេហ៍ទាំងពីរគួរតែជៀសវាងឥរិយាបទដែលនាំឲ្យប៉ះពាល់ដល់ពោះ ហើយយកល្អគួរឲ្យខាងស្រីជាអ្នកគ្រប់គ្រងសកម្មភាពវិញប្រសើរជាង៕
