អារម្មណ៍​ធុញថប់​របស់​អ្នក​ម្តាយ​ជិត​សម្រាលកូន​ដែល​ស្វាមី​គ្រប់រូប​គួរ​ដឹង

0

រឹតតែ​ជិត​ឆ្លងទន្លេ គភ៌​របស់​អ្នក​ម្តាយ​រឹតតែ​រិ​ក​ធំ​ឡើង ធ្វើឱ្យ​អ្នក​ម្តាយ​មាន​អារម្មណ៍​ថា ធុញថប់ ធ្វើ​ចលនា ឬ​កំរើកខ្លួន​មិនបាន​ស្រួល​សោះ តែ…កុំ​ថា​តែ​អ្នក​ម្តាយ​នោះ សូម្បីតែ​កូនតូច​ដែល​នៅក្នុង​ផ្ទៃ​ក៏មាន​អាការ​មិន​ខុសពី​អ្នក​ម្តាយ​ប៉ុន្មាន​ដែរ ។ បើ​សង្កេតមើល​ឱ្យ​ច្បាស់ អ្នក​ម្តាយ​នឹង​បានដឹងថា កាលពី​អាយុ​គភ៌​បាន 7 ខែ កូន​នឹង​រើ ហើយ​ធាក់​ខ្លាំងណាស់ តែ​រឹតតែ​ជិត​ដល់ពេល​ប្រសូត​កម្លាំង​រើ​របស់​កូន​រឹតតែ​ថយចុះ​ទៅវិញ​ដែរ នោះ​ក៏​ដោយសារតែ កាលពីមុន​នោះ​ទំហំ​ខ្លួន​របស់​កូន​នៅ​តូច ទើប​មាន​ទីកន្លែង​នៅសល់​ធំ​ក្នុង​ពោះ​ម្តាយ​ឱ្យគេ​រើ​បាន​យ៉ាង​ពេញទំហឹង តែ​ដល់ពេល​ជិត​ប្រសូត ខ្លួន​កូន​កាន់​ធំ​ឡើង​រហូត​រើបំរះ​មិនសូវ​ជា​ងាយស្រួល​ដូច​មុន ទើប​អ្នក​ម្តាយ​មាន​អារម្មណ៍​ថា​កម្លាំង​រើ​របស់​កូន​ថយចុះ ។

 

 

– មាន​អារម្មណ៍​ធុញថប់ ដកដង្ហើម​មិន​ស្រួល

នៅក្នុង​ត្រីមាស​នេះ អ្នក​ម្តាយ​អាចមាន​អារម្មណ៍​ថា​ធុញថប់ ដកដង្ហើម​មិន​ស្រួល ព្រោះ​ខ្លួន​ទារក​ក្នុង​ផ្ទៃ​កាន់តែ​ធំ​ឡើង រហូត​ទៅទល់​ក្បាំង​ខ្យល់​របស់​អ្នក​ម្តាយ ។ ការ​អង្គុយ​លើ​កៅអី​ដែលមាន​បង្អែក និង​ធ្វើ​ខ្នង​ឱ្យ​យឺត​ត្រង់ ហើយ​ដកដង្ហើម​ចេញចូលយឺតៗ នឹងធ្វើ​ឱ្យ​អ្នក​ម្តាយ​ដកដង្ហើម​បាន​កាន់តែ​ងាយស្រួល​ឡើង ។

ក្រៅពីនេះ គួរ​ចៀសវាង​ការ​នៅក្នុង​កន្លែង​ដែល​មិនសូវមាន​ខ្យល់អាកាស​ចេញចូល ចំណែក​ការ​គេង​វិញ គួរតែ​គេង​ផ្អៀង​ព្រោះ​បើ​គេង​ផ្ងារ ក្រៅពី​អ្នក​ម្តាយ​មាន​អារម្មណ៍​ថា​ធុញថប់​រហូត​គេង​មិន​លក់​ហើយ​នោះ ស្បូន​នឹង​ទៅ​សង្កត់​លើ​សរសៃឈាម​ខ្មៅ​ធំ​ដែល​ហូរ​នាំ​ឈាម​ត្រឡប់​ទៅរក​បេះដូង ធ្វើឱ្យ​ឈាម​ហូរ​មិនបាន​ស្រួល នាំឱ្យ​បេះដូង​របស់​អ្នក​ម្តាយ​ដើរ​កាន់តែ​ញាប់​ឡើង កើត​អាការ​ញាប់​ញ័រ សម្ពាធ​ឈាម​ចុះ​ទាប ងងឹតមុខ ហើយ​ឈាម​ដែល​ហូរ​ទៅ​ចិញ្ចឹម​ស្បូន​ក៏​ថយចុះ​តាម​នោះដែរ ។

 

 

 

– ចុក​ណែន បរិវេណ​ដើមទ្រូង

ទោះជា​នៅពេលនេះ អ្នក​ម្តាយ​លែងមាន​អាការ​ចាញ់កូន​ហើយ​មែន តែ​ក៏​អាច​នៅតែ​ញ៉ាំ​អាហារ​មិនសូវ​បាន​ដដែល ដោយសា​តែ​កូនតូច​ដែល​កាន់តែ​ធំ​ឡើង​រហូត​ទៅ​ប្រជ្រៀត​ទីកន្លែង​របស់​ក្រពះ និង​ពោះវៀន​របស់​អ្នក​ម្តាយ ធ្វើឱ្យ​អ្នក​ម្តាយ​ញ៉ាំ​អាហារ​បាន​តិច​និង​ញ៉ាំ​បានតែ​បន្តិច​ក៏មាន​អារម្មណ៍​ថា ចុក​ណែន ឬ​ពេញ​ពោះ​បាត់ទៅហើយ ។

វិធី​ការពារ​អាការ​នេះ​គឺ ចៀសវាង​អាហារ​ណា​ដែល​ក្រពះ​ពិបាក​រំលាយ អាហារ​មាន​ជាតិ​ខ្លាញ់​ច្រើន ហើយ​ពេល​ញ៉ាំ​ក៏​ញ៉ាំ​ត្រឹមតែ​ជិត​ឆ្អែត​បាន​ហើយ ដើម្បី​កុំឱ្យ​មាន​អារម្មណ៍​ថា​ណែន​ធុញថប់​ខ្លាំងពេក និង រង់ចាំ​ឱ្យ​អាហារ​រំលាយ​អស់​បន្តិច​សឹ​ន សឹម​ទទួលទាន​បន្តទៀត​ប្រសើរ​ជាង ។

 

 

 

– ឈឺ​ចុក​រួយ​ពេញ​ទាំង​ខ្លួនប្រាណ

និយាយ​ពី​រឿង​ឈឺ​ចុក​រួយ​ចំពោះ​អ្នក​ម្តាយ​ដែល​ជិត​ដល់ពេល​ឆ្លងទន្លេ​វិញ យើង​ច្រើនតែ​នឹក​ដល់ អាការ​ឈឺចង្កេះ​មែន​ទេ? ការឈឺ​ចង្កេះ​កើតឡើង​ដោយសា​តែ​ទម្ងន់​របស់​ស្បូន និង​ទម្ងន់​ខ្លួន​របស់​កូន​នៅក្នុង​គភ៌​កើនឡើង​ច្រើន ធ្វើឱ្យ​ចំណុច​ទាញ​ទម្ងន់​របស់​រាងកាយ​អ្នក​ម្តាយ​ប្រែប្រួល ទើប​ធ្វើឱ្យ​អ្នក​ម្តាយ​ត្រូវ​ខំ​យឹត​ដងខ្លួន​ឱ្យ​ត្រង់​វិញ ដែលជា​ហេតុ​ធ្វើឱ្យ​កើត​អា​ការឈឺ​ចុក​រួយ​ខ្នង និង​ចង្កេះ​ហ្នឹងឯង ។តែ​ក្រៅពី​ការឈឺ​ខ្នង​ចង្កេះ​ហើយ កន្លែង​ដែល​ច្រើនតែ​កើត​អាការ​ឈឹ​ចុកចាប់​ដែរនោះ​មានដូចជា ត្រគាក គល់ភ្លៅ ពោះ​ម្តុំ​ក្រោម​ភ្ជឹ​ត(ថ្ងាស) ។

វិធី​កម្ចាត់​អា​ការឈឺ​ខ្នង​ចង្កេះ​នោះ ការពិតទៅ​គួរតែ​ចាប់ផ្តើម​ការពារ​តាំងពី​ពេលដែល​ពោះ​នៅ​មិនទាន់​រីក​ធំ​ខ្លាំង ដោយ​ហ្វឹកហាត់​ធ្វើ​ឥរិយាបថ​ក្នុងការ​ឈរ អង្គុយ​ឱ្យបាន​ត្រឹមត្រូវ ដូចជា ពេល​ឈរ​មិនគួរ​ឈរ​ក្នុង​ឥរិយាបថ​ដែល​ខ្នង​អ៊ែន​ជ្រុល​ពេក​ឡើយ ព្យាយាម​ទាញ​ត្រគាក​មក​ខាងមុខ និង​ធ្វើ​ស្មា​ឱ្យ​ត្រង់ ពាក់​ស្បែកជើង​ដែលមាន​កែងទាបៗ ពេល​អង្គុយ​គួរ​ព្យាយាម​អង្គុយ​ឱ្យ​ខ្នង​ត្រង់​ជាប់​នឹង​បង្អែក​កៅអី ក្រោក​ឡើង​ផ្លាស់ប្តូរ​ឥរិយាបថ​ឱ្យបាន​ញឹកញាប់ កុំ​ស្ថិតនៅក្នុង​ឥរិយាបថ​ដដែល​យូរពេក និង​គួរ​អង្គុយ​ក្នុង​ឥរិយាបថ​ណា​ដែល​ជង្គង់​ខ្ពស់ជាង​ត្រគាក​បន្តិច ។

 

 

 

ក្នុងអំឡុងពេល​ជិត​ប្រសូត​នេះ​គួរ​ប្រយ័ត្នប្រយែង​ការធ្វើ​ចលនា មិនគួរ​ឱន​ចុះទៅ​លើក​របស់របរ​ខ​ណៈ​ពេល​កំពុង​ឈរ​ឡើយ​គួរ​ប​ន្ទុ​ច​ជង្គង់​ចុះ​យក​របស់​នោះ​វិញ រួចហើយ​ងើបឡើង​ដោយ​ព្យាយាម​ធ្វើ​ខ្នង​ឱ្យ​ត្រង់​ជានិច្ច ។ ករណី​ឈោង​ដៃ​យក​របស់របរ​ដែល​នៅលើ​ទី​ខ្ពស់ ក៏​មិនគួរ​ខំ​ជំ​ទើត កំរើកខ្លួនលឿនៗ ឬ​ប្រឹង​ឈោង​ដៃ​រហូត​ផុត​ពេក​ដែរ វិធី​ដែល​ល្អ​គឺ រឿងលើក​រឿង​ឈោង​យកអី្វៗនោះ ទុក​តួនាទី​ឱ្យ​ស្វាមី​ជា​អ្នកធ្វើ​វិញ​ប្រសើរ​ជាង ។

តែបើ​សឹ​ន​អា​ការឈឺ​ចុក​រួយ​នោះ​កើតឡើង​ហើយ គួរ​ធ្វើឱ្យ​ធូរស្រាល​ទៅវិញ​ដោយ​ការ​ស្អំ​ទឹក​ក្តៅ ឬ​ប្រើ​វិធី​ធ្វើ​ម៉ាស្សា​ជាមុន​សឹ​ន បើ​អាការ​មិនបាន​ធូរស្រាល​ទេនោះ គួរ​ទៅ​ជួប​លោកគ្រូ​ពេទ្យ​ដើម្បី​ប្រឹក្សា ព្រោះ​អាច​ចាំបាច់​ត្រូវ​ប្រើ​ថ្នាំ និង​មិនគួរ​ទិញ​មក​លេប​ដោយ​ខ្លួនឯង​ឡើយ ។

 

 

 

រឿង​ដែល​ស្វាមី​គួរ​ដឹង មុន​នាំ​ភរិយា​គ្រប់​ខែ​ទៅ​ប្រសូត

ការមើល​ថែទាំ​សុខភាព​ខណៈ​តាំង​គភ៌​ក្នុងអំឡុងពេល​ជិត​ប្រសូត ស្ត្រី​មានគភ៌​អាច​នឹងមាន​អារម្មណ៍​ធុញថប់​តានតឹង និង​កង្វល់​ក្នុង​ចិត្តជា​ច្រើន​រឿង តែ​រឿងនេះ​លោក​ប្តី​អាចជួយ​បាន។ ថ្ងៃនេះ យើង​មាន​គន្លឹះល្អៗក្នុងការ​មើលថែ​ភរិយា​ដែលមាន​ផ្ទៃពោះ​គ្រប់​ខែ​ជិត​ប្រសូត 9ចំណុចងាយៗ ដែល​ស្វាមី​អាចធ្វើ​បាន​យ៉ាងពិត​ប្រាកដ។

 

 

 

1 ចំណីអាហារ

ស្វាមី​ត្រូវ​មើលថែទាំ​រឿង​អាហារ​ការហូបចុក​សម្រាប់​ភរិយា​មានគភ៌​តាំងពី​អំឡុងពេលដំបូងៗ ជាពិសេស​ការជួយ​ឱ្យ​ភរិយា​បាន​ញ៉ាំ​អាហារ​គ្រប់5ប្រភេទ​ក្រុម​យ៉ាង​គ្រប់គ្រាន់ ហើយ​ក្នុងអំឡុង​ត្រីមាស​ចុងក្រោយ ត្រូវ​មើលថែទាំ​រឿង​អាហារ​យ៉ាង​ស័ក្តិ-សម ព្រោះ​អំឡុងពេល​ចុងក្រោយ​នៃ​ការតាំង​គភ៌ ស្ត្រី​មានគភ៌​ត្រូវ​ប្រយ័ត្ន​រឿង​ទម្ងន់​ខ្លួន​ឡើង​ខ្លាំង​ជ្រុល។ គួរ​ញ៉ាំ​អាហារ​ដែល​ស្អាត ប្រយ័ត្ន​មេរោគ និង​ការឆ្លង​មេរោគ រឹត​តែបើ​ឆ្លង​មេរោគ​ខាង​ផ្លូវអាហារ​ផង​នោះ វា​អាច​នឹង​ជំ​រុញឱ្យ​ប្រសូត​មុន​កំណត់​បាន។

2 ការហាត់​ប្រាណ

មុនពេល​ប្រសូត​ស្ត្រី​មានគភ៌​អាច​មិនសូវ​ជា​ស្រួល​សប្បាយខ្លួន​ប៉ុន្មាន​ឡើយ តែ​ក៏​នៅតែ​អាច​ហាត់ប្រាណស្រាលៗ ដើម្បី​សម្រាល​អាការ​ចុក​រួយ​បានដែរ​ដោយ​ស្វាមី​អាច​នឹង​ហាត់ប្រាណ​កំដរ​ជាមួយ ឬ​នៅចាំ​ធ្វើ​ម៉ាស្សា​ខ្នង​ផ្នែក​ខាងក្រោម ធ្វើ​ម៉ាស្សា-ក​ស្មា ដើម្បី​សម្រាល​ភាព​តានតឹង​របស់​សាច់ដុំ ជួយ​ត្រៀម​ទឹក​ក្តៅឧណ្ហៗសម្រាប់​ត្រាំ​បាតជើង ធ្វើ​ម៉ាស្សា​ជើង ក៏​នឹង​ជួយ​កាត់បន្ថយ​អាការ​ហើមជើង​របស់​ភរិយា​បាន​យ៉ាង​ល្អ​ដែរ។

 

 

 

3 នៅចាំ​សង្កេតមើល​អា​ការខុស​ប្រក្រតី​ដែល​ត្រូវ​ប្រញាប់​នាំទៅ​មន្ទីរពេទ្យ

ស្ត្រី​មានគភ៌​ថ្មីថ្មោង​ដែល​នៅ​មិនទាន់មាន​បទពិសោធ ត្រូវ​អាស្រ័យ​ការសង្កេតមើល​ពី​សំណាក់​ស្វាមី​ផងដែរ ដោយ​អាការ​ខុស​ប្រក្រតី​ដែល​បញ្ជាក់ប្រាប់​អំពី​ការ​ប្រសូត​មានដូចជា ពោះ​ឡើង​រឹង ឈឺពោះ​ជិត​ប្រសូត និង​បែក​ទឹកភ្លោះ​ជាដើម។ ស្វាមី​អាច​ប្រឹក្សា​ជាមួយ​គ្រូពេទ្យ​ឱ្យដឹង​ច្បាស់​ថា តើ​អាការ​បែបណា​ទើប​ហៅថា បែក​ទឹកភ្លោះ ឬ​មាន​ទឹករំអិល​ឈាម​ចេញ​តាម​រន្ធ​ស្បូន បញ្ជាក់​ពីស​ភាវ​ដែល​មាត់ស្បូន​បើក​ជាដើម។ ក្រៅពីនេះ​ស្វាមី​ត្រូវ​នៅចាំ​សង្កេតមើល បើ​កូន​ក្នុង​ផ្ទៃ​មិនសូវ​រើ ឬ​មិន​រើ​តែម្តង ឬ​ភរិយា​មាន​អា​ការខុស​ប្រក្រតី​ពាក់ព័ន្ធ​នឹង​រោគ​ជ្រៀតជ្រែក ឬ​ជំងឺ​ប្រចាំកាយ​ផង ព្រោះ​អំឡុងពេល​ចុងក្រោយ​របស់​ការ​មានគភ៌​នេះ​មាន​ភាព​ប្រថុយប្រថាន​ខ្ពស់ ការប្រែប្រួល​ខាង​រាងកាយ ឬ​អ័រម៉ូន​ប្រែប្រួល បើ​រោគ​ទាំងនោះ​កម្រើក​ឡើង​អាច​ហុច​ផលប៉ះពាល់​ដល់​ជីវិត​របស់​ភរិយា និង​កូន​បាន។

4 យកចិត្តទុកដាក់​យ៉ាង​ល្មម​សមរម្យ

ក្រៅពី​នៅចាំ​សង្កេតមើល​អាការ​ខុស​ប្រក្រតី​ហើយ​នោះ គួរ​សួរនាំ​ពី​អាការ និង​បបួល​ភរិយា​ធ្វើ​កិច្ចការងារ​រួមគ្នា ដើម្បី​បន្ធូរបន្ថយ​ខាង​អារម្មណ៍ ដូចជា ធ្វើ​ម្ហូបម្ហា មើល​កុន ស្តាប់ភ្លេង​ជាមួយគ្នា​នៅ​នឹង​ផ្ទះ ព្រោះ​ភរិយា​អាច​នឹងមិន​ងាយស្រួល​ក្នុងការ​ចេញទៅ​ក្រៅ​ជាដើម។

 

 

 

5 និយាយ​លេង​ជាមួយ​ភរិយា និង​កូន​ក្នុង​ផ្ទៃ​ភរិយា

ក្រៅពី​បន្ធូរបន្ថយ​អារម្មណ៍​ភរិយា​ហើយ នៅ​ជា​វិធី​ជំរុញ​វិវឌ្ឍនាការ​របស់​កូនតូច​បាន​ទៀតផង។

6 ត្រៀមខ្លួន​មុន​ប្រសូត

ចាប់ផ្តើម​ពី​ការប្រឹក្សា​ជាមួយ​គ្រូពេទ្យ​ពាក់ព័ន្ធ​នឹង​វិធី​ការ​ប្រសូត ទោះជា​ភរិយា​ចង់​ជ្រើស​រើសយក​ការ​វះ​ប្រសូត ឬ​ប្រសូត​តាម​ធម្មជាតិ​ក៏ដោយ ព្រោះ​ទាំង2បែប​មានការ​ត្រៀមខ្លួន និង​ការមើល​ថែទាំ​ខុសប្លែក​ពីគ្នា។

7 ស្វាមី​គួរ​មាន​ចំណែក​រួម​ក្នុងការ​ពិចារណា​ជ្រើសរើស​មន្ទីរពេទ្យ

មិនថាតែ​រឿង​របស់​ភរិយា​ដែលមាន​ជំងឺ​ប្រចាំកាយ ឬ​រឿង​របស់​កូនតូច​ក្រោយពេល​ប្រសូត​នោះឡើយ។ ការពិចារណា​ពី​មន្ទីរពេទ្យ​ដែលមានអ្វីៗគ្រប់ ជ្រើសរើស​ក្រុមគ្រូពេទ្យ​ដែលមាន​អារម្មណ៍​ជឿជាក់​ក្នុង​ចិត្ត នឹង​ជួយ​ឱ្យមាន​អារម្មណ៍​សប្បាយ​នឹង​ធូរស្រាល​បាន។

 

 

 

8 ជា​អ្នក​មើលថែទាំ​ភរិយា​ពេល​ជិត​ប្រសូត

ស្វាមី​គួរ​នៅ​មើលថែទាំ​ភរិយា​យ៉ាង​ជិតដិត​គ្រប់ពេលវេលា តែបើ​មានធុរៈ​ប្រញាប់​បន្ទាន់​ឬ​មិនអាច​នៅ​មើល​បាន គួរឱ្យ​សាច់ញាតិ​ជិតស្និទ្ធ ដូចជា ឪពុកក្មេក​ម្តាយក្មេក បងប្អូន​ខាង​ខ្លួនឯង ឬ​សាច់ថ្លៃ មកជួយ​មើលថែទាំ​ភរិយា​យ៉ាង​ជិតដិត​ផង។

9 រៀបចំ​ចាត់​ត្រៀម​សភាព​បរិស្ថាន​ជុំវិញខ្លួន​សម្រាប់​កូនតូច

មិន​ថា​ជា​ឧបករណ៍ របស់របរ​ប្រើប្រាស់​សម្រាប់​កូនតូច​បន្ទប់​គេង​របស់​កូន ទីកន្លែង​សម្រាប់​កូនតូច ចាត់ចែង​រៀបចំ​សភាព​ខាង​ក្នុងផ្ទះ​ឱ្យ​រួចជាស្រេច2ខែ​មុននឹង​ដល់កំណត់​ប្រសូត៕

 

 

 

តួនាទី​របស់​ស្វាមី​ក្នុងការ​មើលថែ​ប្រពន្ធ​មាន​ផ្ទៃពោះ

ការមើល​ថែទាំ​សុខភាព​ខណៈ​តាំង​គភ៌​ក្នុងអំឡុងពេល​ជិត​ប្រសូត ស្ត្រី​មានគភ៌​អាច​នឹងមាន​អារម្មណ៍​ធុញថប់​តានតឹង និង​កង្វល់​ក្នុង​ចិត្តជា​ច្រើន​រឿង តែ​រឿងនេះ​លោក​ប្តី​អាចជួយ​បាន។ ថ្ងៃនេះ​មាន​គន្លឹះល្អៗក្នុងការ​មើលថែ​ភរិយា​ដែលមាន​ផ្ទៃពោះ​គ្រប់​ខែ​ជិត​ប្រសូត 9ចំណុចងាយៗ ដែល​ស្វាមី​អាចធ្វើ​បាន​យ៉ាងពិត​ប្រាកដ។

 

 

 

1 ចំណីអាហារ ៖ ស្វាមី​ត្រូវ​មើលថែទាំ​រឿង​អាហារ​ការហូបចុក​សម្រាប់​ភរិយា​មានគភ៌​តាំងពី​អំឡុងពេលដំបូងៗ ជាពិសេស​ការជួយ​ឱ្យ​ភរិយា​បាន​ញ៉ាំ​អាហារ​គ្រប់5ប្រភេទ​ក្រុម​យ៉ាង​គ្រប់គ្រាន់ ហើយ​ក្នុងអំឡុង​ត្រីមាស​ចុងក្រោយ ត្រូវ​មើលថែទាំ​រឿង​អាហារ​យ៉ាង​ស័ក្តិ-សម ព្រោះ​អំឡុងពេល​ចុងក្រោយ​នៃ​ការតាំង​គភ៌ ស្ត្រី​មានគភ៌​ត្រូវ​ប្រយ័ត្ន​រឿង​ទម្ងន់​ខ្លួន​ឡើង​ខ្លាំង​ជ្រុល។ គួរ​ញ៉ាំ​អាហារ​ដែល​ស្អាត ប្រយ័ត្ន​មេរោគ និង​ការឆ្លង​មេរោគ រឹត​តែបើ​ឆ្លង​មេរោគ​ខាង​ផ្លូវអាហារ​ផង​នោះ វា​អាច​នឹង​ជំ​រុញឱ្យ​ប្រសូត​មុន​កំណត់​បាន។

2 ការហាត់​ប្រាណ ៖ មុនពេល​ប្រសូត​ស្ត្រី​មានគភ៌​អាច​មិនសូវ​ជា​ស្រួល​សប្បាយខ្លួន​ប៉ុន្មាន​ឡើយ តែ​ក៏​នៅតែ​អាច​ហាត់ប្រាណស្រាលៗ ដើម្បី​សម្រាល​អាការ​ចុក​រួយ​បានដែរ​ដោយ​ស្វាមី​អាច​នឹង​ហាត់ប្រាណ​កំដរ​ជាមួយ ឬ​នៅចាំ​ធ្វើ​ម៉ាស្សា​ខ្នង​ផ្នែក​ខាងក្រោម ធ្វើ​ម៉ាស្សា-ក​ស្មា ដើម្បី​សម្រាល​ភាព​តានតឹង​របស់​សាច់ដុំ ជួយ​ត្រៀម​ទឹក​ក្តៅឧណ្ហៗសម្រាប់​ត្រាំ​បាតជើង ធ្វើ​ម៉ាស្សា​ជើង ក៏​នឹង​ជួយ​កាត់បន្ថយ​អាការ​ហើមជើង​របស់​ភរិយា​បាន​យ៉ាង​ល្អ​ដែរ។

 

 

 

3 នៅចាំ​សង្កេតមើល​អា​ការខុស​ប្រក្រតី​ដែល​ត្រូវ​ប្រញាប់​នាំទៅ​មន្ទីរពេទ្យ ៖ ស្ត្រី​មានគភ៌​ថ្មីថ្មោង​ដែល​នៅ​មិនទាន់មាន​បទពិសោធ ត្រូវ​អាស្រ័យ​ការសង្កេតមើល​ពី​សំណាក់​ស្វាមី​ផងដែរ ដោយ​អាការ​ខុស​ប្រក្រតី​ដែល​បញ្ជាក់ប្រាប់​អំពី​ការ​ប្រសូត​មានដូចជា ពោះ​ឡើង​រឹង ឈឺពោះ​ជិត​ប្រសូត និង​បែក​ទឹកភ្លោះ​ជាដើម។ ស្វាមី​អាច​ប្រឹក្សា​ជាមួយ​គ្រូពេទ្យ​ឱ្យដឹង​ច្បាស់​ថា តើ​អាការ​បែបណា​ទើប​ហៅថា បែក​ទឹកភ្លោះ ឬ​មាន​ទឹករំអិល​ឈាម​ចេញ​តាម​រន្ធ​ស្បូន បញ្ជាក់​ពីស​ភាវ​ដែល​មាត់ស្បូន​បើក​ជាដើម។ ក្រៅពីនេះ​ស្វាមី​ត្រូវ​នៅចាំ​សង្កេតមើល បើ​កូន​ក្នុង​ផ្ទៃ​មិនសូវ​រើ ឬ​មិន​រើ​តែម្តង ឬ​ភរិយា​មាន​អា​ការខុស​ប្រក្រតី​ពាក់ព័ន្ធ​នឹង​រោគ​ជ្រៀតជ្រែក ឬ​ជំងឺ​ប្រចាំកាយ​ផង ព្រោះ​អំឡុងពេល​ចុងក្រោយ​របស់​ការ​មានគភ៌​នេះ​មាន​ភាព​ប្រថុយប្រថាន​ខ្ពស់ ការប្រែប្រួល​ខាង​រាងកាយ ឬ​អ័រម៉ូន​ប្រែប្រួល បើ​រោគ​ទាំងនោះ​កម្រើក​ឡើង​អាច​ហុច​ផលប៉ះពាល់​ដល់​ជីវិត​របស់​ភរិយា និង​កូន​បាន។

4 យកចិត្តទុកដាក់​យ៉ាង​ល្មម​សមរម្យ ៖ ក្រៅពី​នៅចាំ​សង្កេតមើល​អាការ​ខុស​ប្រក្រតី​ហើយ​នោះ គួរ​សួរនាំ​ពី​អាការ និង​បបួល​ភរិយា​ធ្វើ​កិច្ចការងារ​រួមគ្នា ដើម្បី​បន្ធូរបន្ថយ​ខាង​អារម្មណ៍ ដូចជា ធ្វើ​ម្ហូបម្ហា មើល​កុន ស្តាប់ភ្លេង​ជាមួយគ្នា​នៅ​នឹង​ផ្ទះ ព្រោះ​ភរិយា​អាច​នឹងមិន​ងាយស្រួល​ក្នុងការ​ចេញទៅ​ក្រៅ​ជាដើម។

 

 

 

5 និយាយ​លេង​ជាមួយ​ភរិយា និង​កូន​ក្នុង​ផ្ទៃ​ភរិយា ៖ ក្រៅពី​បន្ធូរបន្ថយ​អារម្មណ៍​ភរិយា​ហើយ នៅ​ជា​វិធី​ជំរុញ​វិវឌ្ឍនាការ​របស់​កូនតូច​បាន​ទៀតផង។

6 ត្រៀមខ្លួន​មុន​ប្រសូត ៖ ចាប់ផ្តើម​ពី​ការប្រឹក្សា​ជាមួយ​គ្រូពេទ្យ​ពាក់ព័ន្ធ​នឹង​វិធី​ការ​ប្រសូត ទោះជា​ភរិយា​ចង់​ជ្រើស​រើសយក​ការ​វះ​ប្រសូត ឬ​ប្រសូត​តាម​ធម្មជាតិ​ក៏ដោយ ព្រោះ​ទាំង2បែប​មានការ​ត្រៀមខ្លួន និង​ការមើល​ថែទាំ​ខុសប្លែក​ពីគ្នា។

7 ស្វាមី​គួរ​មាន​ចំណែក​រួម​ក្នុងការ​ពិចារណា​ជ្រើសរើស​មន្ទីរពេទ្យ ៖ មិនថាតែ​រឿង​របស់​ភរិយា​ដែលមាន​ជំងឺ​ប្រចាំកាយ ឬ​រឿង​របស់​កូនតូច​ក្រោយពេល​ប្រសូត​នោះឡើយ។ ការពិចារណា​ពី​មន្ទីរពេទ្យ​ដែលមានអ្វីៗគ្រប់ ជ្រើសរើស​ក្រុមគ្រូពេទ្យ​ដែលមាន​អារម្មណ៍​ជឿជាក់​ក្នុង​ចិត្ត នឹង​ជួយ​ឱ្យមាន​អារម្មណ៍​សប្បាយ​នឹង​ធូរស្រាល​បាន។

 

 

 

8 ជា​អ្នក​មើលថែទាំ​ភរិយា​ពេល​ជិត​ប្រសូត ៖ ស្វាមី​គួរ​នៅ​មើលថែទាំ​ភរិយា​យ៉ាង​ជិតដិត​គ្រប់ពេលវេលា តែបើ​មានធុរៈ​ប្រញាប់​បន្ទាន់​ឬ​មិនអាច​នៅ​មើល​បាន គួរឱ្យ​សាច់ញាតិ​ជិតស្និទ្ធ ដូចជា ឪពុកក្មេក​ម្តាយក្មេក បងប្អូន​ខាង​ខ្លួនឯង ឬ​សាច់ថ្លៃ មកជួយ​មើលថែទាំ​ភរិយា​យ៉ាង​ជិតដិត​ផង។

9 រៀបចំ​ចាត់​ត្រៀម​សភាព​បរិស្ថាន​ជុំវិញខ្លួន​សម្រាប់​កូនតូច ៖ មិន​ថា​ជា​ឧបករណ៍ របស់របរ​ប្រើប្រាស់​សម្រាប់​កូនតូច​បន្ទប់​គេង​របស់​កូន ទីកន្លែង​សម្រាប់​កូនតូច ចាត់ចែង​រៀបចំ​សភាព​ខាង​ក្នុងផ្ទះ​ឱ្យ​រួចជាស្រេច2ខែ​មុននឹង​ដល់កំណត់​ប្រសូត៕