ល្ហុង ត្រូវបានគេទទួលស្គាល់ជាផ្លែឈើសម្បូរទៅដោយជាតិសរសៃខ្ពស់ ដែលអាចជួយរក្សាប្រព័ន្ធភាពស៊ាំ និងជំរុញដល់ការរំលាយអាហារឲ្យដំណើរការបានល្អ។ សំខាន់ជាងនេះទៅទៀត ល្ហុងអាចកាត់បន្ថយហានិភ័យនៃជំងឺទឹកនោមផ្អែម ជំងឺបេះដូង និងជំងឺមហារីកផងដែរ។
តែទោះជាយ៉ាងណាក៏ដោយ ល្ហុងមិនត្រូវបានផ្តល់អនុសាស្ត្រសម្រាប់ស្ត្រីមានផ្ទៃពោះនោះទេ លើកលែងតែល្ហុងទុំ ឬល្ហុងខ្ចីដែលត្រូវបានចម្អិន។
ជាតិជ័រ នៅក្នុងល្ហុងខ្ចី មានផ្ទុកអង់ស៊ីមជាច្រើន ដូចជា Prostaglandin និង oxytocin។ អង់ស៊ីមទាំងពីរនេះ ត្រូវបានគេប្រើដើម្បីជួយពន្លឿនដល់ការសម្រាលកូន ព្រោះវាមានឥទ្ធិពលអាចជួយរុញឲ្យទារកឆាប់ចេញមកក្រៅ។ ហេតុនេះ ប្រសិនបើស្ត្រីមានផ្ទៃពោះទទួលទានល្ហុងខ្ចី ទាំងឆៅ ឱកាសនៃការរលូតកូនកាន់តែច្រើន ហើយទារកដែលកើតមកអាចមានអាការមិនប្រក្រតីមួយចំនួន។
បើយោងតាមការស្រាវជ្រានជាច្រើនបានបង្ហាញថា ល្ហុងខ្ចី មានផ្ទុកអង់ហ្ស៊ីមច្រើន ដែលស្បូនទន់ខ្សោយមានសភាពទន់ខ្សោយ ហើយករណីរលូត ក៏អាចកើតមានឡើងគ្រប់ពេល។ ផ្ទុយទៅវិញ អង់ស៊ីម prostaglandin និង oxytocin ដែលមានវត្តមាននៅក្នុងល្ហុងខ្ចី ពិតជាមានសារសំខាន់ខ្លាំងណាស់សម្រាប់រាងកាយរបស់ទារកនៅពេលកើតមក៕
