មនុស្សភាគច្រើនមិនហ៊ានប្រព្រឹត្តិសកម្មភាពរួមភេទ អំឡុងពេលមានផ្ទៃពោះនោះទេ ព្រោះខ្លាចបង្កឲ្យប៉ះពាល់ដល់កូនក្នុងផ្ទៃ។ ប៉ុន្តែតាមការស្រាវជ្រាវបានបង្ហាញថា ប្រសិនបើអ្នករួមភេទបានត្រឹមត្រូវ មិនត្រឹមតែមិនប៉ះពាល់នោះទេ វាថែមទាំងជួយពង្រឹងសាច់ដុំឲ្យមានកម្លាំងសម្រាប់បំពេញតួនាទីពេលសម្រាលថែមទៀត។
ក្រៅពីនេះ ការរួមភេទអំឡុងពេលមានផ្ទៃពោះ អាចទទួលបានូវអត្ថប្រយោជន៍ជាច្រើនទៀត៖
កាត់បន្ថយភាពតានតឹង
នៅពេលរួមភេទ រាងកាយនឹងបញ្ចេញអ័រម៉ូន អ័រម៉ូនអុកស៊ីតូ ដែលធ្វើឲ្យអារម្មណ៍តានតឹងនៅក្នុងខ្លួនរបស់អ្នកត្រូវរំសាយ។ លើសពីនេះការរួមភេទពេលមានផ្ទៃពោះ ធ្វើឲ្យអារម្មណ៍ស្ងប់ស្ងាត់ ហើយអាចកាត់បន្ថយសម្ពាធឈាមផងដែរ។
គេងលក់ស្រួល
នៅពេលមានផ្ទៃពោះ ស្ត្រីច្បាស់ជាជួបប្រទះនូវបញ្ហារាប់សិបជំពូក មិនថាការឈឺចាប់រាងកាយ នោមញឹក ឬគេងឧស្សាហ៍ភ្ញាក់នោះឡើយ។ ក៏ប៉ុន្តែ ប្រសិនបើអ្នករួមភេទឈានដល់ចំណុកកំពូល អារម្មណ៍ទាំងនេះនឹងលុបបំបាត់ទៅដោយមិនដឹងខ្លួន ចំណែកឯការគេងរបស់អ្នកក៏មានភាពស្ងប់ស្រួលផងដែរ។
កាត់បន្ថយការឈឺចាប់
ការរួមភេទអំឡុងពេលនេះ អ័រម៉ូននៅក្នុងរាងកាយមួយចំនួនត្រូវបានបញ្ចេញ ដែលអាចជួយបង្កើនដល់លំហូរឈាមទៅកាន់អាងត្រគាក រួមទាំងទ្វារមាសផងដែរ។ នេះហើយជាមូលហេតុមួយដែលធ្វើឲ្យការឈឺចាប់របស់ស្ត្រីមានផ្ទៃពោះ បាត់ទៅដោយមិនដឹងខ្លួន៕
បញ្ហាឈឺខ្នង ចង្កេះ ដែលស្ត្រីមានផ្ទៃពោះគ្រប់រូបត្រូវតែដឹង
ឈឺខ្នង ជាអាការយ៉ាងសាមញ្ញ និងជាបញ្ហាធម្មតាដែលកើតមានឡើងសម្រាប់ស្ត្រីមានផ្ទៃពោះ ដោយអាការនេះ អាចចាប់ផ្ដើមមានឡើងតាំងពីខែដំបូងៗ រហូតដល់ថ្ងៃសម្រាលតែម្ដង។
នៅពេលផ្ទៃពោះរបស់ស្ត្រីកាន់តែធំទៅៗ ខ្នងមានភាពកោងកាន់តែខ្លាំង ដើម្បីទ្រទម្ងន់ពោះ ដោយសារតែសាច់ដុំយឺតទាញ ដែលធ្វើឱ្យអ្នកមានផ្ទៃពោះ មានអារម្មណ៍ឈឺខ្នង ហើយខណៈដែលស្បូនកាន់តែរីកធំ ជាពិពេសគឺពោះកាន់តែហុចទៅមុខ ដែលជាកត្តាមួយដាក់សម្ពាធទៅលើខ្នង។
មានវិធីជាច្រើនក្នុងការសម្រាល ឬកាត់បន្ថយអាការឈឺខ្នង ដូចជា៖
– នៅពេលអង្គុយ ទោះបីជានៅផ្ទះ ឬនៅកន្លែងណាក្ដី ស្ត្រីមានផ្ទៃពោះត្រូវអង្គុយត្រង់ខ្នង និងមិនត្រូវអង្គុយគងអន្ទាក់ខ្លាឡើង ព្រោះនឹងធ្វើឱ្យឆ្អឹងត្រគាកមានសភាពផ្អៀង ធ្វើឱ្យសាច់ដុំខ្នង ធ្វើការមិនល្អ ឬអាចខុសប្រក្រតី។
– ត្រូវសម្រាកឱ្យបានញឹកញាប់ ដោយដើរ ឬឈរ ឬពន្យឺតសរសៃតិចៗ ក្នុងរយៈពេលមួយម៉ោងម្ដង ព្រោះបើអង្គុយយូរពេកនឹងធ្វើឈឺខ្នងកាន់តែខ្លាំង។
– មិនត្រូវឈរយូរពេកទេ ប្រសិនបើការងាងរតម្រូវឱ្យឈរគូរដាក់ជើងម្ខាងនៅលើកំណល់ទម្រ ដើម្បីទ្រទម្ងន់ខ្លួន និងកាត់បន្ថយសម្ពាធទៅលើឆ្អឹងខ្នងផ្នែកខាងក្រោម។
– ចៀងវាងលើករបស់ធ្ងន់ៗ តែបើសិនជាចាំបាច់ ត្រូវលើកវាដោយយឺតៗ និងរក្សាលំនឹងនៃរាងកាយ ដោយបន្ទន់ជង្គង់បន្តិចៗ ហើយលើករបស់នោះដោយប្រើកម្លាំងដៃ និងជើង ពោលគឺមិនត្រូវប្រើកម្លាំងខ្នង។
– មិនត្រូវបាក់ស្បែកជើងកែងចោតខ្ពស់ពេកទេ គួរប្រើស្បែកជើងកែងទាបៗ ហើបើអាចជៀសបាន កុំពាក់ស្បែកជើងកែងតែម្ដងក៏ល្អដែរ។
– នៅក្នុងអំឡុងពេលមានផ្ទៃពោះ ពូកដេក គួរតែប្រើពូកណាដែលមិនទន់ ពោលគឺរឹងបន្តិច ដើម្បីរក្សាទម្រដងខ្លួនឱ្យនៅត្រង់ល្អ និងចំណុចមួយទៀត ក៏ត្រូវតែចាំដែរ គឺមិនត្រូវឈោងយករបស់ដែលនៅទីខ្ពស់ឡើយ ជាពិសេសគឺមិនត្រូវប្រើកំណល់ជាន់ឡើង ព្រោះវាអាចបង្កគ្រោះថ្នាក់បានភ្លាម៕
