ជាធម្មតា នៅពេលចង់ដឹងថាខ្លួនឯងមានផ្ទៃពោះ ឬក៏អត់ មនុស្សស្រីភាគច្រើនតែងតែទៅទិញប្រដាប់ពិនិត្យទឹកនោម មកប្រើប្រាស់ ព្រោះវាមានភាពងាយស្រួល ហើយអាចដឹងលទ្ធផលភ្លាម។ ប៉ុន្តែ ក្រៅពីវិធីនេះនៅមានវិធីបុរាណមួយចំនួនទៀត ក៏អាចពិនិត្យដឹងថា អ្នកពិតជាមានផ្ទៃពោះ ឬក៏អត់ដែរ។ ចង់ដឹងទេ តើគេត្រូវធ្វើដូចម្តេចខ្លះ?
សាប៊ូដុំ សម្រាប់សម្អាតរាងកាយ
គ្មានអ្វីពិបាកនោះទេ ស្ត្រីទាំងឡាយគ្រាន់តែយកទឹកនោម ២ទៅ៣ដំណក់ មកបន្តក់ពីលើសាប៊ូដុំនោះ ប្រសិនបើកន្លែងបន្តក់ទឹកនោមនោះមានពពុះឡើងមានន័យថា អ្នកមានផ្ទៃពោះហើយ។
ថ្នាំដុសធ្មេញដែលអ្នកប្រើរាល់ថ្ងៃ
យកទឹកនោម ២ទៅ៣ដំណក់ ទៅបន្តក់ពីលើថ្នាំដុសធ្មេញចំនួន ១ស្លាបព្រាកាហ្វេ រួចច្របល់បញ្ចូលគ្នា។ ប្រសិនបើថ្នាំដុសធ្មេញប្រែជាឡើងពពុះ ហើយមានពណ៌ខៀវ នោះមានន័យថា អ្នកកំពុងតែក្លាយទៅជាម្តាយគេឆាប់ៗនេះហើយ។
ស្ករស
អ្នកត្រូវយកគ្រឿងទេសនេះចំនួនមួយស្លាបព្រាកាហ្វេដាក់ចូលទៅក្នុងចានមួយ រួចបន្តក់ទឹកនោម ២ទៅ ៣ដំណក់ចូល។ ប្រសិនស្ករនោះរលាយលឿន បញ្ចាក់ថា អ្នកកំពុងតែមានផលអវិជ្ជមាន។ ប៉ុន្តែបើសិនជាស្ករនៅតែកកដុំៗ មិនរលាយចូលគ្នា សូមជួយត្រេកអរ ព្រោះអ្នកនឹងបានកូនពឆាប់៕
13សញ្ញា បញ្ជាក់ថាអ្នកពិតជាមានផ្ទៃពោះហើយ
ការប្រែប្រួលខាងក្នុងរាងកាយ និងខាងក្រៅរាងកាយអាចជាអាការមួយក្នុងចំណោមអាការជាច្រើនដែលប្រាប់បានថា អ្នកកំពុងតែឈានចូលទៅរកភាពជាម្តាយហើយ ហើយបន្តពីនេះទៅគឺជារយ:ពេល 40 សប្តាហ៍ ដែលអ្នកត្រូវបំពេញតួនាទីក្នុងការពពោះ និងចិញ្ចឹមជីវិតដ៏តូចមួយដែលអ្នកត្រូវមើលថែទាំយ៉ាងថ្នាក់ថ្នម ដើម្បីឲ្យជីវិតដ៏តូចមួយនេះរីកចំរើនធំធាត់ដ៏ល្អបំផុតក្នុងគ្រប់ផ្នែក ។
1 . អាការវឹល និងងងឹតមុខ
គឺជាអាការទូទៅរបស់ការមានគភ៌ ដែលមានមូលហេតុមកពីរាងកាយត្រូវបញ្ជូនឈាមទៅចិញ្ចឹមតួកំណើតនិងស្បូន ដែលមានតម្រូវការលោហឹតកាន់តែច្រើនឡើង ធ្វើឲ្យឈាមដែលទៅចិញ្ចឹមខួរក្បាលថយចុះ ជាហេតុបណ្តាលឲ្យអ្នកកើតអាការវឹលមុខហ្នឹងឯង ។ ក្រៅពីនេះអាចមានមូលហេតុមួយទៀត គឺបណ្តាលមកពីសម្ពាធលោហឹតថយចុះក្នុងរយ:តំបូងនៃការមានគភ៌ ផងដែរ ។
2 . បាត់រដូវប្រចាំខែ
នេះអាចជាសញ្ញាតំបូងមួយ ជាពិសេសបើរដូវប្រចាំខែរបស់អ្នកមកជាប្រក្រតីនោះ នៅពេលបូកជាមួយសញ្ញាផ្សេងៗទៀតផងនោះ ធ្វើឲ្យអ្នកអាចប៉ាន់ស្មានដឹងថា អ្នកកំពុងតែចាប់ផ្តើមមានគភ៌ហើយ ។
3 . មានឈាមចេញមកតាមរន្ធស្បូន
ក្រោយពីការទម្លាក់ខ្លួនរបស់មេជីវិតឈ្មោលញីដែលបានទទួលការផ្សំពូជហើយប្រមាណ 1 សប្តាហ៍ អ្នកអាចសង្កេតឃើញថា មានឈាមចេញមកតាមរន្ធស្បូនសើមៗ ក្រៅពីនេះនៅមានអាការមិនស្រួលពោះ ឈឺរាងអួលៗម្តុំក្រោមផ្ជឹត(ថ្ងាស់) ក្នុងចន្លោះពេលដែលប្រចាំខែដែលធ្លាប់មកជាប្រចាំ និងមានអារម្មណ៍ថារដូវប្រចាំខែរបស់អ្នកហាក់ដូចជាកំពុងចង់ធ្លាក់មកជានិច្ច ។ អាការទាំងអស់នេះគឺជាផលប៉ះពាល់ដែលបណ្តាលមកពីអ័រម៉ូននៅក្នុងរាងកាយធ្វើឲ្យសរសៃពួរដែលទ្រស្បូនរបស់អ្នកបន្ទន់ខ្លួនហ្នឹងឯង ។
4 . សីតុណ្ហភាពក្នុងរាងកាយកើនឡើង
អ្នកអាចនៅតែមានអារម្មណ៍ល្អជាប្រក្រតី ដរាបណាដែលកំរឹតសីតុណ្ហភាពនៅតែដដែលក្នុងអំឡុងពេលតំបូងនៃការចាប់ផ្តើមមានគភ៌នេះ ទោះជាឆ្លងកាត់អំឡុងពេលនៃការមានរដូវប្រចាំខែមកហើយ និងនៅពេលដែលអ្នកមានគភ៌មេជីវិតនឹងធ្លាក់ចេញពីសំបុក និងប្រើពេលវេលាប្រមាណមួយសប្តាហ៍ក្នុងការធ្វើតំណើរទៅដល់ស្បូន ដែលជាការទៅទម្លាក់ខ្លួន គឺនៅក្នុងរយ:ពេលនេះឯងដែលរាងកាយរបស់អ្នកនឹងបានដឹងថាកំពុងតែមានគភ៌ ធ្វើឲ្យសីតុណ្ហភាពក្នុងរាងកាយកើនខ្ពស់ឡើង ។
5 . សុដន និងសាច់ជុំវិញក្បាលដោះឡើងខ្មៅ
អ្នកនឹងមានអារម្មណ៍ដឹងថា មានអាការឈឺរាងស្រៀវៗកើតឡើងជាញឹកញាប់ពេលដែលប៉ះម្តុំៗសុដននេះគឺជាផលប៉ះពាល់ដែលបណ្តាលមកពីអ័រម៉ូននៅក្នុងអំឡុងពេលមានគភ៌ ហើយអ្នកថែមទាំងសង្កេតឃើញថា សរសៃឈាមនៅម្តុំសុដនរបស់អ្នកប៉ោងឡើង និងមានពណ៌រាងដឹតច្បាស់ឡើងផងក្រៅពីនេះនៅមានចំណុចតូចៗជាច្រើនកើតឡើងនៅជុំវិញក្បាលសុដន(កន្លែងរង្វង់) នឹងឡើងពណ៌ខ្មៅស្រគាំ ហើយរីកធំទៀតផង ។
6 . ឆាប់ហត់
អាការឆាប់ហត់នេះនឹងកើតមានឡើងក្នុងរយ:ពេល 8 – 10 សប្តាហ៍តំបូងនៃការមានគភ៌ ។ នៅពេលអ្នកមានគភ៌ ប្រព័ន្ធដុតបំផ្លាញថាមពលការងារនឹងកើតការប្រែប្រួល ដូច្នេះហើយទើបរាងកាយចាំបាច់ត្រូវបានទទួលការកែសំរួលដើម្បីផ្តល់កំណើតឲ្យជីវិតតូចមួយ ។ ភាគច្រើនទៅ អាការឆាប់ហត់នេះនឹងបាត់ទៅវិញក្នុងសប្តាហ៍ទី 12 ។
7 . បស្សាវ:ញឹកញាប់
ក្នុងរយ:ពេលដែលបាត់រដូវប្រចាំខែ 1 – 2 សប្តាហ៍ អ្នកនឹងដឹងថា អ្នកបត់ជើងតូចញឹកញាប់ជាងធម្មតាអាការនេះកើតឡើងដោយសារទារកកំពុងធំធាត់ឡើងនៅក្នុងស្បូន ហើយទៅសង្កត់ក្រពះបស្សាវ:ហ្នឹងឯង ។
8 . ចាញ់កូន ក្អួតចង្អោរ
អាការនេះអាចកើតមានឡើងតាំងពីសប្តាហ៍តំបូង បន្ទាប់ពីដឹងថាមានគភ៌ ដែលអាចនឹងកើតអាការវឹលមុខ ធ្វើឲ្យក្អួតចង្អោរ ។ អាការនេះអាចកើតឡើងបានគ្រប់ពេលវេលា ទាំងពេលថ្ងៃ និងពេលយប់ ។
9 . ស្បែកមើលទៅភ្លឺរលោងស្អាត និងមានសំណើម
ក្នុងអំឡុងពេលមានគភ៌ អ្នកនឹងមានអារម្មណ៍ដឹងថា សីតុណ្ហភាពនៅក្នុងរាងកាយឡើងខ្ពស់ ហើយនៅពេលទារកក្នុងផ្ទៃកាន់តែធំឡើង សីតុណ្ហភាពក្នុងរាងកាយក៏កាន់តែកើនឡើងតាមនោះដែរ ក្រៅពីនេះមុខមាត់ ស្បែកសម្បុររបស់អ្នកនឹងមើលទៅឃើញក្រហមព្រឿងៗឡើង នោះបណ្តាលមកពីចំនួនសរសៃឈាមតូចៗដែលនៅជិតៗនឹងស្រទាប់ស្បែកខាងលើបំផុតនោះកើនឡើងច្រើន ធ្វើឲ្យមានឈាមហូរវឹលមកចិញ្ចឹមបរិវេណក្រោមស្បែកកាន់តែច្រើនឡើងដែរ ទើបធ្វើឲ្យសាច់ឈាម ស្បែកសម្បុររបស់អ្នកមើលទៅភ្លឺរលោងមានសំណើមខ្លាំងឡើងក្នុងអំឡុងពេលមានគភ៌នោះ ។
10 . ស្បែកកើតមានស្នាមប្រេះ បែក (សង្វារ)
ក្នុងអំឡុងពេលមានគភ៌ ស្បែកនៅក្នុងកន្លែងផ្សេងៗនៅលើរាងកាយចាប់ផ្តើមមានការពង្រីកខ្លួន ជាពិសេសបរិវេណក្បាលពោះ ទើបធ្វើឲ្យស្បែកកើតមានស្នាមប្រេះជាខ្សែឆ្នូតៗពណ៌ក្រហមៗ តែបន្ទាប់ឆ្លងទន្លេហើយស្នាមទាំងអស់នេះនឹងរលប់បាត់ជាសន្សឹមៗ ក្លាយជាស្នាមខ្សែពណ៌-សៗវិញ(សង្វារ)វិញ ។
11 . ឆ្អល់ពោះ
អ្នកសង្កេតឃើញការប្រែប្រួលរបស់ពោះវៀនតាំងពីពេលចាប់ផ្តើមមានគភ៌ ដោយសារតែអ័រម៉ូនដែលកើនឡើងក្នុងអំឡុងពេលមានគភ៌នោះ វាធ្វើឲ្យប្រព័ន្ធបន្ទោរបង់ប្រែប្រួល និងមានប្រសិទ្ធិភាពថយចុះ ។
12 . ពណ៌សម្បុររបស់មាត់ស្បូនប្រែប្រួល
ការទៅជួបលោកគ្រូពេទ្យ នឹងជួយឲ្យអ្នកមានការជឿជាក់ក្នុងចិត្តចំពោះលទ្ធផលនៃការពិនឹត្យបានកាន់តែខ្លាំងឡើង ដោយគ្រូពេទ្យនឹងធ្វើការត្រួតពិនឹត្យបរិវេណមាត់ស្បូនរបស់អ្នក បើអ្នកមានគភ៌ ពណ៌របស់មាត់ស្បូននឹងប្រែពណ៌ពីក្រហមទៅជាស្វាយក្នុងអំឡុងសប្តាហ៍ទី 6 នៃការមានគភ៌ ។
13 . លទ្ធផលនៃការពិនឹត្យការមានគភ៌
ការបាត់រដូវប្រចាំខែត្រឹមតែ 1 ថ្ងៃ ហើយអ្នកក៏ព្រមទទួលស្គាល់ការពិតថាអ្នកនឹងមានគភ៌ដែរនោះ ដើម្បីឲ្យកាន់តែច្បាស់ អ្នកអាចទៅទិញប្រដាប់ពិនឹត្យទឹកនោមដើម្បីរកមើលការមានគភ៌ដោយខ្លួនឯងនៅផ្ទះបាន ។ ការពិនឹត្យមើលទឹកនោមនេះនឹងកាន់តែមានភាពច្បាស់លាស់ខ្លាំងឡើង បើសឹនជាពិនឹត្យមើលក្រោយពេលបាត់រដូវបាន 10 – 14 ថ្ងៃ ។ ការពិនឹត្យឈាមក៏មានភាពច្បាស់លាស់ដែរ ក្នុងអំឡុងពេល 8 – 10 ថ្ងៃក្រោយពេលបាត់រដូវ ។
