ដឹង​ទេ ហេតុអ្វី​ស្ត្រី​ភាគច្រើន​ឡើង​ទម្ងន់​រហូតដល់១២ទៅ ១៦គីឡូក្រាម​ក្នុងពេល​មាន​ផ្ទៃពោះ

0

ក្នុងដំណាក់កាល​មាន​ផ្ទៃពោះ យើង​សង្កេតឃើញថា​ស្ត្រី​ភាគច្រើន​តែងតែ​មានការ​ឡើង​ទម្ងន់ គ្រាន់តែ​អ្នកខ្លះ​ឡើង​តិច ហើយ​អ្នក​ខ្លះទៀត​អាច​ឡើង​ច្រើន។ តើ​អ្នក​ឆ្ងល់​ទេ ហេតុអ្វី​បានជា​ក្នុងអំឡុងពេល​មាន​ផ្ទៃពោះ ស្ត្រី​ភាគច្រើន​ចេះតែ​ឡើង​ទម្ងន់? បើ​យោងតាម​គេហទំព័រ boldsky បាន​ចុះផ្សាយ​ថា ខណៈ​ដែលមាន​ផ្ទៃពោះ ស្ត្រី​អាច​ឡើង​ទម្ងន់​ចាប់ពី ១២គីឡូក្រាម ទៅ ១៦គីឡូក្រាម នេះ​ក៏​ដោយសារតែ​កត្តា​មួយចំនួន​ដូចខាងក្រោម៖

 

១.ការឡើង​ទម្ងន់​អំឡុងពេល​មាន​ផ្ទៃពោះ អាស្រ័យទៅលើ​ទម្ងន់​មុនពេល​មាន​ផ្ទៃពោះ​របស់​ស្ត្រីម្នាក់។ ឧ​ទារ​ហណ៍ ប្រសិនបើ​អ្នក​មិន​លើស​ទម្ងន់​មុនពេល​មាន​ផ្ទៃពោះ អ្នក​ប្រហែលជា​ឡើង​ទម្ងន់​តិចតួច​ប៉ុណ្ណោះ ផ្ទុយទៅវិញ​ប្រសិនបើ​អ្នក​លើស​ទម្ងន់​មុនពេល​មាន​ផ្ទៃពោះ អ្នក​អាច​នឹង​ឡើង​ទម្ងន់​ខ្លាំង​ក្នុងពេល​មាន​ផ្ទៃពោះ។

 

២.ក្នុងករណី​ដែល​អ្នកមាន​កូនភ្លោះ អ្នក​ច្បាស់​ជា​ប្រឈម​នឹង​ការឡើង​ទម្ងន់​កាន់តែខ្លាំង។

baby and mom in Cambodia

 

៣.ក្នុងអំឡុង​ពេ​មាន​ផ្ទៃពោះ​ប៉ុន្មាន​ខែ​ដំបូង អ្នក​អាច​ឆ្លងកាត់​អាការ​ក្អួតចង្អោរ ឬ​គេ​ហៅថា​ចាញ់​នៅ​ពេ​ព្រឹក ដែលជា​មូលហេតុ​ប​ណ្តោ​ល​ឲ្យ​បាត់បង់​ទម្ងន់ ប៉ុន្តែ​បន្ទាប់ពី​ខែ​ទី៤នៃ​ការ​មាន​ផ្ទៃពោះ អ្នក​អាច​ចាប់ផ្តើម​ឡើង​ទម្ងន់​មកវិញ។

baby and mom in Cambodia

 

៤.កត្តា​មួយទៀត​ដែល​ប​ណ្តោ​ល​ឲ្យ​ឡើង​ទម្ងន់​ក្នុងអំឡុងពេល​មាន​ផ្ទៃពោះ គឺ​អាស្រ័យ​ទៅ​លស​ន្ទ​ស្សន៍​នៃ​រាងកាយ​មុនពេល​មាន​ផ្ទៃពោះ និង​ការ​ទទួលទាន​ថាមពល​ប្រចាំថ្ងៃ​របស់​អ្នក៕