កាល់ស្យូម គឺជាសារធាតុរ៉ែ ដ៏មានសារៈសំខាន់បំផុតក្នុងការពង្រឹងឆ្អឹង និងធ្មេញឲ្យកាន់តែមានភាពរឹងមាំ។ មិនតែប៉ុណ្ណោះ វាក៏អាចចូលរួមក្នុងដំណើរការកំណកឈាម និងកន្ត្រាសាច់ដុំផងដែរ។ ស្ត្រីមានផ្ទៃពោះ ដែលខ្វះជាតិកាល់ស្យូម អាចបណ្តោលឲ្យមានការឈឺចាប់ ស្ពឹក និងអស់កម្លាំង ហើយចំណែកឯទារកអាចមានបញ្ហាឆ្អឹងលូតលាស់មិនបានល្អ។
ដូច្នេះ ដើម្បីការពារកុំឲ្យ ការស្រូបយកជាតិកាល់ស្យូមពីក្នុងអាហារត្រូវកាត់បន្ថយ ស្ត្រីមានផ្ទៃពោះទាំងឡាយ គួរជៀសវាងផ្សំអាហារប៉ុន្មានប្រភេទនេះបញ្ចូលគ្នាឲ្យសោះ។
តៅហ៊ូ និងស្ពៃខ្មៅ
តៅហ៊ូ មានផ្ទុកសារធាតុប្រូតេអ៊ីន ខ្លាញ់ និងកាល់ស្យូមខ្ពស់ ប៉ុន្តែប្រសិនបើអ្នកផ្សំជាមួយស្ពៃខ្មៅ ដែលសម្បូរទៅដោយសារធាតុ លីកូពីន ជាតិដែក និងអាស៊ីតហ្វូលិក វានឹងកាត់បន្ថយជាតិកាល់ស្យូមពីក្នុងតៅហ៊ូ កាន់តែខ្លាំង។
សាច់គោ និងបង្គា
បង្គាសម្បូរទៅដោយជាតិកាល់ស្យូម ប៉ុន្តែនៅពេលអ្នកចម្អិនបញ្ចូលជាមួយសាច់គោដែលសម្បូរជាតិដែក វានឹងកាត់បន្ថយជាតិកាល់ស្យូមដែលមាននៅក្នុងបង្គា។
ទឹកដោះគោ និងសូកូឡា
សូកូឡា សម្បូរទៅដោយជាតិអាស៊ីត oxalic ដែលប្រឆាំងជាមួយនឹងជាតិកាល់ស្យូមនៅក្នុងទឹកដោះគោ ដូច្នេះនៅពេលដែលវាផ្សំបញ្ចូលគ្នា ច្បាស់ជាបាត់បង់ជាតិកាល់ស្យូមកាន់តែច្រើន
