តើអ្នកណាខ្លះចូលចិត្តទទួលទានផ្លែសាវម៉ាវ? សាវម៉ាវ គឺជាផ្លែឈើធម្មជាតិមួយប្រភេទដែលមានរសជាតិផ្អែមឆ្ងាញ់ ហើយមានភាពពេញនិយមខ្លាំងបំផុតសម្រាប់បងប្អូនមួយចំនួន។
ក្រៅពីទទួលទានស្រស់ៗ ផ្លែរបស់វាត្រូវបានគេកែច្នៃធ្វើជាបង្អែម បន្ទាប់ពីទទួលទានអាហារផងដែរ។ តែទោះជាយ៉ាងណា មនុស្សភាគច្រើនដែលចូលចិត្តញ៉ាំសាវម៉ាវ ប្រហែលជាមិនទាន់ដឹងពីអត្ថប្រយោជន៍សំខាន់យ៉ាងណាសម្រាប់ស្ត្រីមានផ្ទៃពោះឡើយ។
ការពារបញ្ហាខ្វះឈាម
ប្រភពជាតិដែកដ៏ល្អនៅក្នុងផ្លែសាវម៉ាវ អាចជួយឲ្យស្ត្រីរួចផុតពីជំងឺខ្វះឈាម ឬស្លេកស្លាំង នៅពេលមានផ្ទៃពោះ។ សាវម៉ាវ ក៏សម្បូរទៅដោយបរិមាណវីតាមីន E ជួយកាត់បន្ថយអារម្មណ៍ឆេឆាវចំពោះស្ត្រីមានផ្ទៃពោះ។
ជួយរក្សាស្បែកឲ្យមានភាពស្រស់ស្អាត
អត្ថប្រយោជន៍មួយទៀតនៃផ្លែសាវម៉ាវ គឺមានផ្ទុកជាតិទឹកច្រើន និងសារធាតុប្រឆាំងអុកស៊ីតកម្ម ដែលមានប្រសិទ្ធភាពជួយឲ្យស្បែកស្ត្រីមានផ្ទៃពោះឲ្យទន់រលោង និងស្រស់ថ្លាជានិច្ច។
ដូច្នេះ អ្នកស្ត្រីមានផ្ទៃពោះ អាចទទួលទានផ្លែសាវម៉ាវ ជាប្រចាំ ប៉ុន្តែសូមព្យាយាមទទួលទានក្នុងកម្រិតមធ្យមបានហើយ៕
