អំឡុងពេលមានផ្ទៃពោះ រាងកាយស្ត្រីហាក់ដូចជាមានភាពទន់ខ្សោយខ្លាំងណាស់ ដែលងាយនឹងជំងឺផ្សេងៗចូលមកយាយី។ ជាពិសេសជំងឺដ៏មានគ្រោះថ្នាក់ទាំង៣យ៉ាងនេះ ស្ត្រីគួរតែមានការប្រុងប្រយ័ត្នឲ្យមែនទែន។
បាក់ទឹកចិត្ត
ជំងឺបាក់ទឹកចិត្ត ភាគច្រើនកើតឡើងដោយសារតែការគេងមិនលក់ ការប្រែប្រួលកម្រិតអ័រម៉ូនក្នុងរាងកាយ ឬការមានកូនដំបូង ដែលធ្វើឲ្យពួកគេមានអារម្មណ៍ធុញថប់ និងគិតភាពអវិជ្ជមានច្រើន។ ប្រសិនបើអ្នកមិនយកចិត្តទុកដាក់ក្នុងការដោះស្រាយនោះទេ វាអាចបង្កឲ្យមានផលប៉ះពាល់ដល់ទារកក្នុងផ្ទៃ។ ប៉ុន្តែប្រសិនបើមានស្វាមីដែលចេះជួយលើកទឹកចិត្ត និងមើលថែយ៉ាងដិតដល់ ជំងឺនេះនឹងឆាប់ជាសះស្បើយ។
ខ្សោយបេះដូង
ជំងឺនេះភាគច្រើនកើតឡើងនៅពេលស្ត្រីមានផ្ទៃពោះជិតដល់ថ្ងៃសម្រាល ព្រោះអំឡុងពេលមានផ្ទៃពោះសរសៃឈាមរបស់ស្ត្រីរីកធំជាងមុន ហើយធ្វើឲ្យបេះដូងពិបាកធ្វើចលនា។ លទ្ធផល ស្ត្រីមានផ្ទៃពោះអាចប្រឈមនឹងបញ្ហាខ្សោយបេះដូង ប៉ុន្តែក្រោយពេលសម្រាលកូនយ៉ាងយូរកន្លះឆ្នាំ បេះដូងអាចដំណើរការមកធម្មតាវិញ។
ទឹកនោមផ្អែម
នេះក៏ជាជំងឺមួយដែលងាយនឹងកើតឡើងចំពោះស្ត្រីមានផ្ទៃពោះដែរ ហើយប្រសិនបើវាកើតមានឡើងពិបាកក្នុងការព្យាយាមឲ្យជាសះស្បើយវិញណាស់។ ក្នុងករណីដែលកើតជំងឺនេះពេលមានផ្ទៃពោះ តម្រូវឲ្យស្ត្រីតមអាហារទាំងឡាយដែលមានជាតិផ្អែម ហើយពិនិត្យសុខភាពឲ្យបានទៀងទាត់។
ឬសដូងបាត
ស្ត្រីភាគច្រើនតែងតែកើតជំងឺឬសដូងបាតនេះកំលុងពេលពពោះ តែកុំបារម្ភអី វានិងបាត់ទៅវិញនៅពេលដែលអ្នកសម្រាលកូនហើយ។
មហារីកសុដន់
មហារីកសុដន់ គឺជាជំងឺដ៏គួរឲ្យខ្លាចបំផុត ព្រោះវាគ្មានថ្នាំព្យាបាលនោះទេ បើរករោគសញ្ញាដំបូងមិនឃើញ។ ជំងឺនេះផងដែរ អាចកើតមានចំពោះស្ត្រីមានផ្ទៃពោះដែលមានវ័យចំណាស់ ជាងស្ត្រីដែលមានផ្ទៃពោះនៅវ័យក្មេង ព្រោះពេលមានផ្ទៃពោះកោសិកាសុដន់ពង្រីកខ្លួនយ៉ាងឆាប់រហ័ស ហើយកោសិកាខ្លះអាចមានការខូចខាត។ នៅពេលកោសិកាខូចខាត វានឹងបង្កទៅជាជំងឺមហារីកសុដន់ ជាពិសេសមនុស្សស្រីវ័យចំណាស់៕
