ការខឹង គឺជាប្រតិកម្មធម្មតារបស់មនុស្សទៅទូ ក៏ប៉ុន្តែសម្រាប់ស្ត្រីមានផ្ទៃពោះវិញ អាចបង្កផលអាក្រក់ដល់ទារកក្នុងផ្ទៃ។ នៅពេលដែលអ្នកម្តាយខឹង បេះកើតនឹងលោតញាប់ សម្ពាធឈាមឡើងខ្ពស់ អ័រម៉ូនខ្លះបញ្ចេញទៅក្នុងសរសៃឈាម។ ដំបូងវានឹងកាត់បន្ថយអុកស៊ីសែនទៅកាន់ស្បូន កាត់បន្ថយការផ្គត់ផ្គង់ឈាម និងសារធាតុចិញ្ចឹមទៅកាន់ទារក។ មិនត្រឹមតែប៉ុណ្ណោះ សរីរាង្គផ្សេងទៀត ដូចជាសរសៃឈាមបេះដូង ដង្ហើម និងការរំលាយអាហារត្រូវបានប៉ះពាល់សូម្បីតែស្បែក ក៏រងនូវផលប៉ះពាល់ដូចគ្នាដែរ។
ខាងក្រោមនេះ គឺជាផលប៉ះពាល់មួយចំនួនទៀតដោយសារតែអ្នកម្តាយខឹងច្រើនពេក៖
១.ប៉ះពាល់ដល់ការលូតលាស់
រឿងដ៏គួរឲ្យព្រួយបារម្ភខ្លាំងបំផុតដោយសារតែអ្នកម្តាយខឹងច្រើន គឺពន្យាពេលដល់ការលូតលាស់ទារក ទារកកើតមកមានទម្ងន់ស្រាល កើតមិនគ្រប់ខែ…។
២.ជះឥទ្ធិពលទៅលើទារកទើបនឹងកើត
ផលប៉ះពាល់មួយទៀត គឺទារកទើបនឹងកើតពិបាកក្នុងការគេង មិនសូវឆ្លើយតបនឹងការរំញោច ហើយការគិតមានភាពយឺតយ៉ាវ។
៣.ជះឥទ្ធិពលដល់ផ្លូវចិត្ត
នៅពេលទារកធំពេញវ័យ ពួកគេអាចកើតមានបញ្ហាផ្លូវចិត្ត ឬអាកាប្បកិរិយាមិនល្អ។
៤.អាចកើតជំងឺផ្សេងៗ
ទៅថ្ងៃអនាគត់ ទារកអាចកើតមានជំងឺផ្សេងៗដូចជា សរសៃឈាមបេះដូង ជំងឺលើសឈាម ទឹកនោមផ្អែម…។
៥.អាចក្លាយជាមនុស្សមិនល្អ
ម្តាយដែលខឹងច្រើន ឬគ្រប់គ្រងកំហឹងមិនបានក្នុងពេលមានផ្ទៃពោះ កូនកើតមកអាចចូលចិត្តដោះស្រាយបញ្ហាដោយប្រើអំពើហឹង្សា ញៀនគ្រឿងស្រវឹង ជក់បារី…។
អាស្រ័យហេតុនេះ សូមស្ត្រីមានផ្ទៃពោះទាំងឡាយព្យាយាមទំហឹងខ្លួនឯងឲ្យបានល្អ ហើយធ្វើអ្វីដែលសប្បាយៗ ដើម្បីជួយឲ្យកូនក្នុងផ្ទៃមានសុខភាពល្អ៕
របៀបមើលថែទាំខ្លួន សម្រាប់អ្នកម្តាយពពោះក្នុងខែតំបូង
គឺជាអំឡុងពេលសំខាន់នៅក្នុងជីវិតរបស់មនុស្សស្រីដែលកំពុងជិតក្លាយខ្លួនជាម្តាយ ទាំងការមើលថែទាំ ត្រៀមខ្លួន និងការស្វាគមន៍សមាជិកថ្មីម្នាក់ក្នុងគ្រួសារដែលកំពុងតែជិតចាប់កំណើតឡើងក្នុងរយ:ពេលប៉ុន្មានខែខាងមុខ ។ រយ:តំបូងៗនៃការមានគភ៌នេះ ភាគច្រើនអ្នកម្តាយតែងមានកង្វល់ក្នុងរឿងផ្សេងៗជាច្រើន ទាំងរឿងរូបរាង សុខភាព អារម្មណ៍ដែលប្រែប្រួល ដែលអាការទាំងអស់នេះអាចមានផលប៉ះពាល់ដោយត្រង់ទៅដល់កូននៅក្នុងផ្ទៃបានដូច្នេះយើងសុំនាំយកគន្លឹះល្អៗពាក់ព័ន្ធនឹងការមើលថែទាំខ្លួនឯងក្នុងរយ:តំបូងនៃការមានគភ៌មកជំរាបជូនអ្នកម្តាយថ្មោងថ្មី តើមានអ្វីខ្លះនោះ សូមតាមដានដូចតទៅ ៖
1 . ទទួលទានអាហារដែលមានប្រយោជន៍
គួរជ្រើសរើសទទួលទានអាហារឲ្យគ្រប់ទាំង 5 ក្រុម ដែលហុចផលល្អដល់សុខភាពរបស់ខ្លួនឯង និងកូននៅក្នុងផ្ទៃ សង្កត់
ធ្ងន់លើសារធាតុពពួកប្រូតេអុីន កាល់ស្យូម អាស៊ីតហ្វូលិក ដើម្បីជួយអភិវឌ្ឍខួរក្បាល និងសាច់ដុំរបស់ទារកឲ្យធំធាត់បានតាមប្រក្រតីមានជាអាទិ ញ៉ាំទឹកដោះគោឲ្យបានច្រើន ញ៉ាំអាហារសមុទ្ទ និងបន្លែស្លឹកពណ៌បៃតងគ្មានសារធាតុគីមី ជាដើម ។ ក្នុងអំឡុងពេលមានគភ៌ អ្នកម្តាយទាំងឡាយគួរតម ឬកាត់បន្ថយការញ៉ាំទឹកតែ កាហ្វេ និងភេស្ជជះដែលមានជាតិអាល់កុល ឬឈប់ដាច់តែម្តងក៏ជាការប្រសើរ ។
2 . ថែទាំសុខភាពផ្លូវចិត្តឲ្យស្រស់ស្រាយជាប់ជានិច្ច
ដូចដែលបានដឹងហើយថា បើអ្នកម្តាយមានភាពតានតឹងក្នុងអារម្មណ៍នោះ គឺពិតជាមានផលប៉ះពាល់ដល់កូននៅក្នុងផ្ទៃមិន
ខាន ដូច្នេះហើយគួរលះបង់ភាពកង្វល់ខ្វល់ខ្វាយ ភាពតានតឹងក្នុងអារម្មណ៍ទាំងរឿងការងារ និងរឿងផ្សេងៗទៀតចោលឲ្យអស់ ឬអាចកែបញ្ហាទាំងនេះបានតាមរយ: ការរកកិច្ចការធ្វើដើម្បីបន្ធូរអារម្មណ៍ ដូចជា ស្តាប់ចំរៀងពិរោះៗ អានសៀវភៅ ធ្វើការងារច្នៃប្រឌឹត ជាដើម ។
3 . សំរាកក្នុងមួយថ្ងៃៗឲ្យបានគ្រប់គ្រាន់
ដោយសារតែក្នុងអំឡុងពេលនេះ អ្នកម្តាយនឹងចាប់ផ្តើមមានអារម្មណ៍ថា ខ្លួនឯងល្វើយនិងឆាប់ហត់នោះដូច្នេះគួរគេងសំរាក
ឲ្យបានច្រើន ឬបន្ថែមការសំរាកដោយការគេងឲ្យលក់ក្នុងពេលថ្ងៃប្រមាណជា 1 -2 ម៉ោងក៏បាន ។
4 . ធ្វើលំហាត់ប្រាណស្រាលៗ ដើម្បីបង្កើនភាពរឹងប៉ឹង
ជ្រើសរើសហាត់ប្រាណដោយឥរិយាបថស្រាលៗ ដូចជា យ៉ូហ្កា ដើរលេងជុំវិញសួនច្បារ ឬធ្វើការងារផ្ទះបែបស្រាលៗដើម្បី
ជួយជំរុញប្រព័ន្ធផ្សេងៗក្នុងរាងកាយឲ្យធ្វើការបានល្អ ថែមទាំងជួយឲ្យប្រសូតបានកាន់តែងាយស្រួលឡើងទៀតផង ។ គួរចៀសវាងលំហាត់ប្រាណណាដែលប្រើកម្លាំងច្រើន និងមានការងាក ឬបែរខ្លួនខ្លាំងៗ ។
5 . ឧស្សាហ៍ទៅជួបគ្រូពេទ្យ ដើម្បីពិនឹត្យគភ៌ និងរកមើលអាការខុសប្រក្រតី
ជាធម្មតាអ្នកម្តាយខ្លះដែលទើបតែមានគភ៌ជាលើកតំបូងអាចនឹងមានកង្វល់ក្នុងរឿងគ្រោះថ្នាក់ អាការខុសប្រក្រតីដែលអាច
ហុចផលអាក្រក់ដល់កូននៅក្នុងផ្ទៃ ដូច្នេះ បើមានអាការខុសប្រក្រតី ឬអាការផ្លែកៗណាមួយ ដូចជា ចុកឆ្អល់ញឹកញាប់ ឬចាញ់កូនខ្លាំងក៏គួរទៅជួបគ្រូពេទ្យ ឬទៅត្រួតពិនឹត្យគភ៌តាមការណាត់របស់ពេទ្យឲ្យបានជាប់ជានិច្ច ។
សរុបមកវិញ យើងចង់ជំរាបអ្នកម្តាយទាំងឡាយថា ចូរធ្វើចិត្កឲ្យសប្បាយៗ កុំតានតឹងអារម្មណ៍ និងកង្វល់ចិត្តខ្លាំងពេកអី
គួរបណ្តោយអារម្មណ៍ឲ្យសប្បាយៗ ត្រៀមខ្លួនស្វាគមន៍កូនតូចសម្លាញ់នៅថ្ងៃខាងមុខដោយអារម្មណ៍ស្រស់ស្រាយវិញប្រសើរជាង។
