ការរៀបសាងគ្រួសារ គឺជាកិច្ចការដ៏ចាំបាច់បំផុតដែលមនុស្សគ្នារូបជៀសមិនផុតឡើយ គ្រាន់តែអាស្រ័យលើពេលេលាអំណោយផលប៉ុណ្ណោះ។ ប៉ុន្តែ ក្នុងករណីដែលអ្នកបណ្តោយពេលវេលាឲ្យកន្លងផុតទៅច្រើនពេក អ្នកអាចខកពេលវេលាល្អក្នុងការមានកូន។
ការស្រាវជ្រាវជាច្រើនបានរកឃើញថា បុរសដែលមានអាយុចាប់ពី ៤០ឆ្នាំឡើងទៅ អត្រានៃការមានកូនទាបជាមនុស្សប្រុសដែលមានវ័យ ២៥ឆ្នាំ រហូតដល់ទៅ ៥ដងឯណោះ។ និយាយរួម ភាគរយនៃការមានកូនចំពោះបុរសវ័យ ៤០ឆ្នាំឡើងទៅ ធ្លាក់ចុះដល់ទៅ ២០ភាគរយ។
មិនតែប៉ុណ្ណោះ ក្រុមអ្នកជំនាញបានពន្យល់ថា មនុស្សប្រុសដែលមានអាយុ ៣០ឆ្នាំឡើងទៅ មេជីវិតឈ្មោលរបស់ពួកគេមានការថយចុះបន្តិចម្តងៗ គឺចាប់ពី ១ទៅ២ភាគរយក្នុងមួយឆ្នាំ។ ជាពិសេសបើបុរស មានទម្លាប់ជក់បារី ផឹកស្រា ខ្ជិលហាត់ប្រាណ និងរបៀបរស់នៅមិនល្អទៀតនោះ មេជីវិតឈ្មោលធ្លាក់ចុះកាន់តែខ្លាំងជាងនេះ។
សរុបមកវិញបុរសដែលមិនប្រញាប់រកគូស្រក ហើយបណ្តោលឲ្យវ័យកាន់តែចាស់ទៅៗ ពួកគេច្បាស់ជាប្រឈមនឹងបញ្ហាមានកូន។ ដូច្នេះ វ័យដែលល្អបំផុតក្នុងការរៀបការ និងការយកកូនគឺនៅវ័យ ២៥ឆ្នាំ៕
