ជំងឺទឹកនោមផ្អែម ក៏ត្រូវបានគេចាត់ទុកជាករណីដ៏ពិសេសមួយដែលអាចបង្កគ្រោះថ្នាក់ដល់ទារកក្នុងផ្ទៃដែរ។ ជំងឺទឹកនោមផ្អែមប្រភេទទី២ មិនត្រឹមតែប៉ះពាល់ដល់ឱកាសក្នុងការមានផ្ទៃពោះរបស់មនុស្សស្រីនោះទេ សូម្បីតែបុរសក៏អាចមានផលអវិជ្ជមានដល់ការផលិតកូនដូចគ្នា។ រីឯជំងឺទឹកនោមផ្អែមប្រភេទទី១ វិញ អាចបណ្តោលឲ្យមានបញ្ហាជាច្រើនចំពោះអ្នកម្តាយ និងទារក។ យ៉ាងណាក្តីត្រូវមានការប្រុងប្រយ័ត្នចំពោះជំងឺទឹកនោមផ្អែម ទាំងពីរប្រភេទនេះឲ្យបានខ្លាំងបំផុត ព្រោះវាអាចបង្កគ្រោះថ្នាក់ដល់សុវត្ថិភាពកូនក្នុងផ្ទៃ។
១.ប្រឈមនឹងបញ្ហារលូត
ប្រសិនបើស្ត្រីមានផ្ទៃពោះមានជាតិស្ករក្នុងឈាមឡើងខ្ពស់ មិនអាចរក្សាការមានផ្ទៃពោះឲ្យមានសុវត្ថិភាពបាននោះទេ ព្រោះជំងឺនេះអាចរារាំងដល់អំប្រ៊ីយ៉ាងពីការគាំពារនៅក្នុងស្បូន។ ហេតុនេះហើយ ទើបធ្វើឲ្យស្ត្រីកើតជំងឺទឹកនោមផ្អែមពេលមានផ្ទៃពោះ ត្រូវប្រឈមនឹងការរលូតកូន។
២.កើតមិនគ្រប់ខែ
ស្ត្រីកើតជំងឺទឹកនោមផ្អែម ក្នុងពេលមានផ្ទៃពោះមួយចំនួន អាចប្រឈមនឹងហានិភ័យកូនកើតមិនគ្រប់ខែ ដោយសារតែកម្រិតជាតិស្ករក្នុងឈាមឡើងខ្ពស់ពេក ធ្វើឲ្យខូចកោសិកាអំប្រ៊ីយ៉ុង។
៣.ប្រឈមនឹងបញ្ហារលូត
ស្ត្រីដែលកើតជំងឺទឹកនោមផ្អែមពេលមានផ្ទៃពោះ អាចប្រឈមនឹងបញ្ហារលូតកូនចាប់ពិ ៣០ ទៅ ៦០ភាគរយ ។
៤.អ័រម៉ូនមានបញ្ហា
នៅពេលកម្រិតជាតិស្ករក្នុងឈាមកើនឡើងខ្ពស់ កម្រិតអ័រម៉ូន Testosterone និង Estrogen បញ្ចេញបានត្រឹមត្រូវ។ នេះហើយជាមូលហេតុដែលធ្វើឲ្យការមានផ្ទៃពោះត្រូវជួបនឹងបញ្ហាលំបាក។ យកល្អ ដើម្បីបង្ការជំងឺទឹកនោមផ្អែម ស្ត្រីមានផ្ទៃពោះត្រូវធ្វើការពិនិត្យជាតិស្ករក្នុងឈាមឲ្យបានញឹកញាប់។
ទោះជាយ៉ាងណាមិនមែនមានន័យថា ស្ត្រីកើតជំងឺទឹកនោមផ្អែមទាំងអស់ត្រូវប្រឈមនឹងបញ្ហាដូចគ្នានោះទេ ប្រសិនបើពួកគេចេះថែរក្សាសុខភាពឲ្យបាល្អ កូនក៏មានសុវត្ថិភាពដូចអ្នកមិនកើតជំងឺដែរ៕
