បើយោងតាមការស្រាវជ្រាវជាច្រើនបានបង្ហាញថា ការលាបពណ៌សក់អំឡុងពេលមានផ្ទៃពោះ អាចធ្វើឲ្យទារកត្រូវប្រឈមនឹងគ្រោះថ្នាក់ខ្លាំងបំផុត។ ព្រោះថ្នាំលាបសក់មានផ្ទុកសារធាតុគីមី ដែលបង្កឲ្យមានផលប៉ះពាល់ទាំងម្តាយ និងទារកក្នុងផ្ទៃ ជាពិសេសវាអាចបណ្តោលឲ្យមានផលវិបាកចំពោះការបង្កកំណើត។
ការលាបសក់ពេលមានផ្ទៃពោះអាចប្រឈមនឹងជំងឺមហារីកឈាម
ការសិក្សាមួយដែលបានចេញផ្សាយនៅឆ្នាំ ២០១៣ បានបង្ហាញថា ស្ត្រីមានផ្ទៃពោះដែលប្រើថ្នាំលាបសក់ អាចបណ្តោលឲ្យទារក កើតជំងឺមហារីកឈាម បើទោះបីជាការប្រើថ្នាំលាបសក់ មុនពេលមានផ្ទៃពោះរយៈពេល៣ខែ អំឡុងពេលពពោះ ឬបំបៅដោះកូនក៏ដោយ។ ប៉ុន្តែការប្រើប្រាស់នៅក្នុងត្រីមាសទីមួយនៃការមានផ្ទៃពោះ និងការបំបៅដោះកូន អាចប្រឈមជំងឺរហូតដល់ទៅ ៩៥ភាគរយ។
ការប្រើថ្នាំលាបសក់ពេលមានផ្ទៃពោះ អាចកើតជំងឺមហារីក និងមហារីកសរសៃប្រសាទ
ការសិក្សាមួយទៀត ដែលបានចេញផ្សាយក្នុងឆ្នាំ ២០០៥បានបង្ហាញថា ស្ត្រីមានផ្ទៃពោះដែលប្រើថ្នាំលាបសក់ អាចបង្កើនហានិភ័យនៃជំងឺមហារីក ឬមហារីកសរសៃប្រសាទចំពោះកុមារ។ មហារីកសរសៃប្រសាទ ជាប្រភេទនៃជំងឺមហារីក ដែលចាប់ផ្តើមកកើតដំបូងនៅក្នុងកោសិកាប្រសាទ ហើយត្រូវបានគេរកឃើញនៅក្នុងអំប្រ៊ីយ៉ុង ឬទារក។ ការស្រាវជ្រាវនេះក៏បានរកឃើញទៀតថា ការប្រើថ្នាំលាបសក់មុនពេលមានផ្ទៃពោះមួយខែ ឬក្នុងអំឡុងពេលមានផ្ទៃពោះ អាចបង្កើនហានិភ័យនៃជំងឺមហារីកសរសៃប្រសាទដូចគ្នា។
អាស្រ័យហេតុនេះ សូមស្ត្រីមានផ្ទៃពោះទាំងឡាយជៀសឲ្យឆ្ងាយពីថ្នាំលាបសក់ ព្រោះវាអាចបង្កឲ្យមានផលប៉ះពាល់ខ្លាំងណាស់សម្រាប់ទារកទើបនឹងលូតលាស់៕
