ជាការពិតណាស់ នៅពេលមានផ្ទៃពោះគូស្នេហ៍ភាគច្រើនបានផ្អាកការរួមភេទរហូតទាល់តែពួកគេសម្រាលបុត្រហើយ ទើបចាប់ផ្តើមជីវិតផ្លូវភេទសាជាថ្មី ព្រោះខ្លាចអសុវត្ថិភាពដល់កូនក្នុងផ្ទៃ។
ទោះជាយ៉ាងណា អ្នកដឹងទេហេតុអ្វីបានជាស្ត្រីមានផ្ទៃពោះនៅតែមានអារម្មណ៍ចង់រួមភេទ? នេះដោយសារតែលក្ខខណ្ឌរាងកាយមានការប្រែប្រួល ហើយអ្នកជំនាញបាននិយាយថា វាជារឿងធម្មតានោះទេដែលស្ត្រីមានផ្ទៃពោះមានចំណង់ចង់រួមភេទខ្លាំង ហើយស្ត្រីខ្លះអាចសម្រេចដល់ចំណុចកំពូលលឿនថែមទៀតផង។
ខាងក្រោមនេះជាមូលហេតុ៣យ៉ាង ដែលបណ្តោលឲ្យស្ត្រីមានផ្ទៃពោះមានចំណង់ចង់រួមភេទខ្លាំង ហើយឆាប់ឈានដល់ចំណុចកំពូលទៀត៖
១.ដោយសារអ័រម៉ូនមានការផ្លាស់ប្តូរ
ក្នុងអំឡុងពេលមានផ្ទៃពោះ កម្រិតអ័រម៉ូនរបស់ស្ត្រីនឹងមានការកើនឡើងយ៉ាងខ្លាំង ដែលជំរុញឲ្យពួកគេមានចំណង់ផ្លូវភេទ និងមានភាពរីករាយខុសពីពេលមុន។
២.ដោយសារទឹករំអិលចេញពីទ្វារមាសមានការកើនឡើង
អំឡុងពេលមានផ្ទៃពោះ ជាពិសេសចាប់ពីខែទី៣ ដល់ទី៦ ថាមពលធម្មជាតិក្នុងរាងកាយនឹងកើនឡើង ដែលធ្វើឲ្យរាងកាយបង្កើនការផលិតទឹករំអិលបញ្ចេញតាមទ្វារមាសច្រើន សុដន់រីកធំ ហើយលំហូរឈាមក៏រត់ខ្លាំងជាងមុនផងដែរ។ ជាពិសេសអវយវៈភេទមានភាពស្រីវស្រើប ដែលនាំទៅរកចំណង់ផ្លូវភេទខ្ពស់ និងឆាប់ឈានដល់ចំណុចកំពូល។
៣.រីករាយជាមួយនឹងការស្រមៃរឿងដែលល្អៗ
អំឡុងពេលមានផ្ទៃពោះ ជាញឹកញាប់ស្ត្រីតែងតែស្រមៃឃើញរឿងល្អៗនៅពេលកំពុងតែគេង។ ភាគច្រើន ការស្រមើលស្រមៃឃើញពីអនាគត់នៃភាពក្លាយជាម្តាយរបស់គេ និងមានកូនស្អាតគួរជាទីស្រឡាញ់។
ដោយសារតែភាពសប្បាយរីករាយនេះ បានធ្វើឲ្យរាងកាយ និងផ្លូវចិត្តរបស់ពួកគេមានការផ្លាស់ប្តូរ។ អំឡុងពេលអាម្មណ៍កាន់តែរីករាយខ្លាំង ស្ត្រីកាន់តែមានអារម្មណ៍ចូលចិត្តរួមភេទ និងសម្រេចដល់ចំណុចកំពូលក៏កាន់តែលឿនដែរ។
ដោយសារតែហាតុផលទាំង៣យ៉ាងនេះ អ្នកជំនាញអាមេរិកបានបញ្ជាក់ថា ស្ត្រីមិនគួរកាត់បន្ថយតម្រូវការជីវិតផ្លូវភេទក្នុងអំឡុងពេលមានផ្ទៃពោះនោះទេ។ ប៉ុន្តែដើម្បីគេចចេញពីហានិភ័យ ស្ត្រីគួរតែជៀសវាងការរួមភេទនៅត្រីមានដំបូង និងត្រីមាសទី៣៕
