បើទោះបីជាមានការចុះផ្សាយជាច្រើនអំពីការប្រើប្រាស់ថ្នាំអំឡុងពេលមានផ្ទៃពោះក៏ដោយ ប៉ុន្តែនៅតែមានមនុស្សមួយឆ្ងល់ដដែល ថាបើស្ត្រីមានផ្ទៃពោះកើតជំងឺមិនអាចប្រើប្រាស់ថ្នាំបាននោះ ធ្វើដូចម្តេចពួកគេអាចជាសះស្បើយបានទៅ។
តាមពិតមិនមែនថ្នាំទាំងអស់សុទ្ធប៉ះពាល់នោះទេ មានថ្នាំមួយចំនួនមានសុវត្ថិភាពក្នុងការទទួលទានអំឡុងពេលមានផ្ទៃពោះ ប៉ុន្តែថ្នាំមួយចំនួនអាចជះឥទ្ធិពលអាក្រក់ទៅលើសុខភាពទារក ដូច្នេះស្ត្រីមានផ្ទៃពោះមិនត្រូវប្រើប្រាស់ថ្នាំដោយគ្មានវេជ្ជបញ្ជារឡើយ។
ដូច្នេះ នៅពេលអ្នកទៅជួបជាមួយគ្រូពេទ្យ ពិនិត្យមើលការមានផ្ទៃពោះ អ្នកត្រូវសាកសួរថាតើថ្នាំប្រភេទណាដែលអ្នកអាចលេបបាន ឬមិនបាន ដើម្បីស្វែងរកជម្រើសផ្សេងទៀត។
ក្នុងលក្ខខណ្ឌមួយចំនួន ដែលអាចមានគ្រោះដល់ម្តាយ និងកូន ដូចជាជំងឺឆ្កួតជ្រូក ជំងឺរលាកសួត និងជំងឺហឺត អ្នកគួរតែធ្វើការពិគ្រោះយោបល់ជាមួយក្រុមអ្នកជំនាញឲ្យបានច្បាស់លាស់ មុននឹងប្រើប្រាស់ថ្នាំនៅពេលអ្នកមានផ្ទៃពោះ៕
