អ៊ុតស្វាយ ជាជំងឺមួយប្រភេទដែលកើតឡើងចំពោះកុមារច្រើនជាងមនុស្សពេញវ័យ ហើយការឆ្លងវីរុសនេះអាចធ្វើឲ្យស្បែកមានភាពរមាស់ និងចេញពងបែកថែមទៀត។ ភាគច្រើន អ្នកកើតជំងឺអ៊ុតស្វាយមិនមានអាការធ្ងន់ធ្ងរឡើយ ក្នុងរយៈពេល ៥ទៅ១០ថ្ងៃនឹងថមថយទៅវិញ តែវាអាចបន្សល់ទុកស្នាកស្នាមអ៊ុចៗនៅលើស្បែកមិនងាយរលប់ឡើយ។
ចុះប្រសិនបើជំងឺនេះ កើតឡើងចំពោះស្ត្រីកំពុងតែមានផ្ទៃពោះវិញ តើមានផលលំបាកធ្ងន់ធ្ងរឬទេ? ផលលំបាកនោះពិតជាមាន ជាពិសេសស្ត្រីមានផ្ទៃពោះសប្តាហ៍ទី៨ ដល់ទី១២នៃត្រីមាសទី១ អាចកើតមានហានិភ័យភាពមិនប្រក្រតីពីកំណើត ០,៤ភាគរយ។ ការបង្ហាញរោគសញ្ញាទូទៅបំផុតនៃជំងឺអ៊ុតស្វាយពីកំណើត គឺមានស្លាកស្នាមនៅលើស្បែកទារក ពេលកើតមកភ្លាម។ ភាពមិនប្រក្រតីផ្សេងទៀតរួមមាន កើតជំងឺឈឺក្បាល វិលកចរិក ភ្នែកឡើងបាយ ទម្ងន់ស្រាល និងខ្លីអវយវៈ … ជាដើម។
ប្រសិនបើករណីធ្ងន់ធ្ងរ វាអាចបណ្តោលឲ្យរលូតកូន ឬកូនស្លាប់ក្នុងផ្ទៃពោះ។ ប្រសិនបើជំងឺនេះកើតឡើងនៅត្រីមាសទី៣ ជាពិសេសសប្តាហ៍ទី១៣ដល់ទី២០ អាចមានហានិភ័យពិការភាពពីកំណើតមាន២ភាគរយ។ តែបន្ទាប់ពីសប្តាហ៍ទី២០ ស្ទើរតែមិនមានឥទ្ធិពលលើការមានផ្ទៃពោះឡើយ។
យ៉ាងណាក្តី ដើម្បីបង្ការជំងឺអ៊ុតស្វាយ អ្នកគួរតែពិគ្រោះជាមួយពេទ្យជំនាញ ឬចាក់វ៉ាក់សាំងការពារមុនពេលមានផ្ទៃពោះ។ ហេតុនេះ ប្រសិនបើស្ត្រីមានអង់ទីករប្រឆាំងនឹងជំងឺវីរុសអ៊ុតស្វាយ គ្រប់គ្រាន់ហើយ មិនចាំបាច់ព្រួបារម្ភពីផលលំបាកចំពោះទារកទៀតឡើយ៕
