ជាការពិតណាស់នៅពេលមានផ្ទៃពោះ ស្ត្រីគ្រប់រូបតែងតែឡើងទម្ងន់ជារឿងធម្មតា គ្រាន់តែអ្នកខ្លះឡើងច្រើន ហើយអ្នកខ្លះទៀតឡើងតិចប៉ុណ្ណោះ។ ក៏ប៉ុន្តែការគ្រប់គ្រងទម្ងន់មិនបាន អាចធ្វើឲ្យប៉ះពាល់ដល់សុខភាពទារក និងបណ្តោលឲ្យកូនកើតមិនគ្រប់ខែ។
ដូចគ្នានេះផងដែរ ការឡើងទម្ងន់ហួសប្រមាណ អាចបង្កឲ្យមានគ្រោះថ្នាក់ចំពោះអ្នកម្តាយ និងទារក ដោយសារតែពិបាកក្នុងការបង្កើតកូន ឬប្រឈមនឹងការវះកាត់។ ស្ត្រីដែលលើសទម្ងន់អាចជ្រើសរើសយករបបអាហារដែលមានសុខភាពល្អ និងធ្វើលំហាត់ប្រាណជាប្រចាំ ដើម្បីជួយគ្រប់គ្រងទម្ងន់ឲ្យបានសមស្រប។
ជាទូទៅការឡើងទម្ងន់ក្នុងពេលមានផ្ទៃពោះ គឺចាប់ពី ១១,៥ ទៅ១៦គីឡូក្រោម លើសទម្ងន់នៃសមាមាត្ររាងកាយធម្មតា។ ទម្ងន់ដែលខ្ពស់បំផុតពីចន្លោះ ១២,៥ ទៅ១៨គីឡូក្រាម និងទាបបំផុត ៥ទៅ៩គីឡូក្រាម។
ត្រូវចាំថា ការរក្សាទម្ងន់បានត្រឹមត្រូវក្នុងអំឡុងពេលមានផ្ទៃពោះ គឺជាគន្លឹះដ៏សំខាន់មួយដែលអាចជួយឲ្យទារកមានសុខភាពល្អទាំងនៅក្នុងផ្ទៃ និងថ្ងៃអនាគត់៕
