ការឈឺចាប់ ឬរមួលក្រពើ គឺជាជំងឺធម្មតាអំឡុងពេលមានគភ៌ ដែលភាគច្រើនកើតឡើងនៅពេលយប់ ប៉ុន្តែវាក៏អាចកើតមាននៅពេលថ្ងៃផងដែរ។
ជំងឺមួយនេះមិនត្រូវបានស្គាល់មូលហេតុពិតប្រាដកនោះទេ ប៉ុន្តែវាត្រូវបានគេសង្ស័យថា បណ្តោលមកពីការពង្រីកនៃស្បូននាំឲ្យដាក់សម្ពាធលើសរសៃប្រសាទ និងសរសៃឈាមដែលហូរឆ្ពោះទៅកាន់តំបន់ជើង ហើយទីបំផុតស្ត្រីមានគភ៌ច្បាស់ជាមានការឈឺចាប់ ឬរមួលក្រពើកើតឡើង។
ទោះជាយ៉ាងណាក៏ដោយអ្នកជំនាញបានបង្ហាញថា ជំងឺនេះអាចការពារបានតាមរយៈការទទួលទានកាល់ស្យូម ប៉ូតាស្យូម និងផូស្វ័រ។ តែសូមពិគ្រោះជាមួយគ្រូពេទ្យជំនាញជាមុនសិន មុនពេលទទួលទានអាហារទាំងអស់នេះ។
អាហារដែលសម្បូរទៅដោយជាតិប៉ូតាស្យូម ដូចជាចេក និងបន្លែស្លឹកពណ៌បៃតង ហើយអាហារសម្បូរជាតិកាល់ស្យូមមានដូចជាទឹកដោះគោ ឈីស និងទឹកដោះគោយ៉ាអួ។ ចំណែកឯការគេងបានគ្រប់គ្រាន់ និងធ្វើលំហាត់ប្រាណទៀងទាត់ក៏អាចជួយបង្ការបញ្ហាឈឺជើង និងរមួលក្រពើផងដែរ៕
