ការធ្វើលំហាត់ប្រាណ គឺជាវិធីសាស្ត្រថែរក្សាសុខភាពដ៏ល្អប្រសើរបំផុតសម្រាប់មនុស្សគ្រប់រូប មិនថាក្មេងចាស់ ប្រុសស្រី ឬស្ត្រីកំពុងតែមានគភ៌នោះទេ។ តើការត់ខណៈពេលមានគភ៌ ផ្តល់ប្រយោជន៍អ្វីខ្លះទៅ?
ប្រសិនបើអ្នកធ្លាប់រត់ពីមុខមក ហើយចង់បន្តក្នុងអំឡុងពេលមានគភ៌ វាមានអត្ថប្រយោជន៍ជាច្រើន ដូចជា ល្អសម្រាប់បេះដូង សរសៃឈាមសួត ទារកទទួលឈាមបានគ្រប់គ្រាន់ និងជួយជំរុញដល់ការលូតលាស់ទារក។ ការធ្វើលំហាត់ប្រាណមួយនេះ មិនត្រឹមតែអ្នកម្តាយប៉ុណ្ណោះទេ ដែលមានរាងកាយមាំមួន សូម្បីតែទារកកើតមកក៏មានសុខភាពល្អ និងមានភាពឈ្លាសវៃផងដែរ។
ការរត់យឺតៗមិនត្រូវបានគេបង្ហាញថា អាចបណ្តោលអោយប្រឈមនឹងការរលូតកូន ឬសម្រាលមុនពេលកំណត់នោះឡើយ។ ទោះជាយ៉ាងណា ប្រសិនបើអ្នកកំពុងស្ថិតក្នុងលក្ខខណ្ឌដែលត្រូវប្រឈមនឹងហានិភ័យកូនកើតមិនគ្រប់ខែ សូមពិគ្រោះជាមួយគ្រូពេទ្យ មុននឹងចាប់ផ្តើមធ្វើលំហាត់ប្រាណណាមួយ៕
