អាការឈឺក្បាល គឺជាជំងឺទូទៅមួយដែលកើតឡើងចំពោះស្ត្រីមានផ្ទៃពោះភាគច្រើន ជាពិសេសនៅត្រីមាសទី១ នឹងកើតមានឡើងជាញឹកញាប់បំផុត។
អាការឈឺក្បាល លេចឡើងពាក់ព័ន្ធជាមួយនឹងការផ្លាស់ប្តូរនៅក្នុងផ្លូវសរសៃប្រសាទ សារធាតុគីមី និងលំហូរឈាមក្នុងខួរក្បាល។ អ្នកស្រាវជ្រាវជឿជាក់ថា កោសិកាខួរក្បាលរំភើបហួសហេតុជម្រុញឲ្យមានការបញ្ចេញសារធាតុគីមី ហើយធ្វើឲ្យរលាកសរសៃឈាមនៅលើផ្ទៃខួរក្បាល។ នោះហើយជាមូលហេតុធ្វើឲ្យសរសៃឈាមហើម និងរំញោចការឆ្លើយតបភាពឈឺចាប់។
ទោះជាយ៉ាងណា ដើម្បីទប់ស្កាត់អាការឈឺក្បាលពេលមានផ្ទៃពោះ ស្ត្រីគួរផ្លាស់ប្តូរទម្លាប់រស់នៅ ព្យាយាមសម្រាកឲ្យទៀងទាត់ លំហែអារម្មណ៍ឲ្យបានច្រើន ធ្វើលំហាត់ប្រាណយូហ្គា ឬធ្វើសមាធិ…។
ចំពោះការប្រើប្រាស់ថ្នាំប៉ារ៉ាសេតាម៉ុល តាមវេជ្ជបញ្ជារត្រូវបានគេចាត់ទុកជារឿងមានសុវត្ថិភាពចំពោះស្ត្រីមានផ្ទៃពោះ។ ក៏ប៉ុន្តែថ្នាំបំបាត់ការឈឺចាប់មួយចំនួន ស្ត្រីមានផ្ទៃពោះមិនគួរប្រើឡើយ លើកលែងតែមានវេជ្ជបញ្ជាពីគ្រូពេទ្យ៕
