ការពរពោះកូនភ្លោះមិនមែនជារឿងងាយស្រួលនោះទេ ព្រោះអ្នកម្តាយត្រូវទទួលបន្ទុកធ្ងន់ ទាំងការថែទាំសុខភាព និងការទទួលទានរបបអាហារប្រចាំថ្ងៃ។ ប្រសិនបើការផ្តល់អាហារគ្មានសារធាតុចិញ្ចឹមគ្រប់គ្រាន់ នោះការលូតលាស់របស់ទារកក៏រងនូវផលប៉ះពាល់ដែរ។
ហេតុនេះហើយ ស្ត្រីដែលកំពុងតែពរពោះកូនភ្លោះ គួរគប្បីបន្ថែមរបបអាហារល្អៗទាំងនេះជាប្រចាំ៖
ទឹកដោះគោ
ទឹកដោះគោ ជាប្រភពនៃប្រូតេអ៊ីន វីតាមីន និងកាល់ស្យូម ដែលអាចជួយដល់ការអភិវឌ្ឍឆ្អឹង និងធ្មេញរបស់ទារក។
ត្រី
ប្រសិនបើអ្នកមិនមានបញ្ហាប្រតិកម្មជាមួយត្រីទេ សូមទទួលទានត្រីឲ្យបានច្រើន(ជាពិសេសត្រីសាម៉ុន) ព្រោះវាសម្បូរវីតាមីន E ដែលមានប្រយោជន៍បំផុតសម្រាប់កូនភ្លោះ។
បន្លៃបៃតង
បន្លែបៃតងដែលសម្បូរជាតិដែក អាចជួយជំរុញដល់ការអភិវឌ្ឍនៃកោសិកាឈាមក្រហមរបស់កូនភ្លោះមិនទាន់កើតបានយ៉ាងល្អ។
ស៊ុត
ស៊ុត សម្បូរទៅដោយសារធាតុចិញ្ចឹម និងសារធាតុរ៉ែសំខាន់ៗ ដែលកូនភ្លោះនៅក្នុងផ្ទៃត្រូវការជាចាំបាច់។
គ្រាប់ធញ្ញជាតិ
គ្រាប់ធញ្ញជាតិទាំងអស់ សម្បូរវីតាមីន អាស៊ីតខ្លាញ់អូមេហ្គា៣ ព្រមទាំងសារធាតុចិញ្ចឹមគ្រប់គ្រាន់ សម្រាប់ម្តាយ និងកូនភ្លោះនៅក្នុងផ្ទៃរបស់អ្នក។
អាហារទាំងអស់នេះមិនចំពោះតែអ្នកមានកូនភ្លោះទេដែលគួរទទួលទាន សូម្បីតែស្ត្រីមានផ្ទៃពោះធម្មតាក៏គួរទទួលទានដែរ ព្រោះវាអាចជួយជំរុញដល់ការអភិវឌ្ឍទារកក្នុងផ្ទៃ និងធ្វើឲ្យកូនកើតមកមានសុខភាពល្អ៕
