អាការរមាស់កម្រិតស្រាល ជាទូទៅមិនបង្កគ្រោះថ្នាក់ដល់អ្នក ឬកូនក្នុងផ្ទៃនោះទេ ប៉ុន្តែពេលខ្លះវាអាចបង្កឲ្យមានភាពធ្ងន់ធ្ងរបាន។ ប្រសិនបើអ្នកព្រួយបារម្ភ ឬប្រសិនបើអ្នករមាស់ខ្លាំងចាំបាច់ត្រូវទៅជួបគ្រូពេទ្យជាបន្ទាន់។
ការបង្កើនការផ្គត់ផ្គងឈាម និងការលូតលាស់ធំបន្តិចម្តងៗនៃក្បាលពោះ អាចរួមចំណែកធ្វើឲ្យស្បែករបស់ស្ត្រីមានផ្ទៃពោះមានអាការរមាស់។ ដូច្នេះ អ្នកត្រូវចាត់វិធានការទាំងនេះ ដើម្បីកាត់បន្ថយអាការរមាស់៖
ជំហ៊ានទី១៖ អ្នកត្រូវបញ្ចៀសបញ្ហាស្បែកស្ងួត ដោយងូតទឹកក្តៅឧណ្ឌៗ ហើយសម្អាតខ្លួនជាមួយនឹងសាប៊ូដែលមានក្លិនស្រាល។
ជំហ៊ានទី២៖ ត្រូវចេះផ្តល់សំណើមដល់ស្បែក បន្ទាប់ពីការងូតទឹកដោយប្រើក្រែមផ្តល់សំណើតមានគុណភាពល្អ។
ជំហ៊ានទី៣៖ ស្លៀកសំលៀកបំពាក់រលុងៗ ទន់ៗដែលធ្វើឡើងពីកប្បាស់ ឬក៏សូត្រ ដើម្បីជៀសវាភាពអាប់អួ។
ជំហ៊ានទី៤៖ កុំអេះឲ្យសោះ ព្រោះការបញ្ចេញអ័រម៉ូនពេលមានផ្ទៃពោះអាចធ្វើឲ្យស្បែកកាន់តែស្តើង ហើយងាយដាច់រលាត់។
